Safarov Jasur Esirgapovichning
doktorlik dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Topinambur tuganagi va na’matak mevasi tarkibidagi biofaol moddalarni saqlagan holda qayta ishlash texnologiyasini ishlab chiqish», 02.00.16 – kimyo texnologiyasi va oziq-ovqat ishlab chiqarish jarayonlari va apparatlari (texnika fanlari).
Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /texnika fanlari nomzodi/.
Dissertatsiya mavzusi ro‘yxatga olingan raqam: 30.09.2014/B2014.5.T322.
Ilmiy maslahatchi: Norqulova Karima To‘xtabaevna, texnika fanlari doktori, professor.
Dissertatsiya bajarilgan muassasa nomi: Toshkent davlat texnika universiteti.
IK faoliyat ko‘rsatayotgan muassasa (muassasalar) nomi, IK raqami: Toshkent davlat texnika universiteti hamda Energetika va avtomatika instituti, 16.07.2013.T.02.01.
Rasmiy opponentlar: Eshkuvvatov Begmamat Teshaevich, texnika fanlari doktori, professor; Muxiddinov Djaloliddin Nasirovich, texnika fanlari doktori, professor; Nurmuxamedov Xabibulla Sagdullaevich, texnika fanlari doktori, professor.
Yetakchi tashkilot nomi: Buxoro muhandislik-texnologiya instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi vakuumda infraqizil nur yordamida quritish qurilmasida topinambur tuganagi va na’matak mevasini qayta ishlash texnologiyasini takomillashtirish va qurilmaning energotexnologik samaradorligini oshirish orqali biologik faol moddalarni saqlashdan iborat.
III. Tadqiqotning ilmiy yangiligi:
topinambur tuganagi va na’matak mevalarining kimyoviy, issiqlik-texnik va biologik xususiyatlari aniqlangan hamda qayta ishlashning energosamarador texnologiyasi yaratilgan;
topinambur tuganagi va na’matak mevasini qayta ishlashning optimal usuli vakuumda infraqizil nur yordamida quritish jarayonining nochiziqli dinamik ko‘rinish modeli va quritishning texnologik qonuniyatlari asosida ishlab chiqilgan;
qayta ishlash jarayonini samarali tashkil qilish va koeffisientlarni hisoblash aniqligini oshirish imkonini beruvchi texnologik sxema taklif etilgan hamda diskret usulda quritish jarayonida issiqlik nochiziqli tarqalishining o‘ziga xosligi aniqlangan;
quritish jarayonini boshqarish orqali namlikni kapillyarlarda harakatlanishi hisobiga mahsulot tarkibidagi mikroelementlar bir tomonga yig‘ilishi natijasida biofaol qo‘shimcha olishning texnologik rejimi ishlab chiqilgan;
kapillyar g‘ovak materiallar uchun quritish qurilmasida maxsus nur qaytargich yordamida mahsulotga infraqizil nurning to‘liq taqsimlanib tushishini ta’minlash hamda mahsulot va nurlatgich orasidagi masofa, optimal to‘lqin uzunlik va mahsulot qalinligini nurlatish quvvatiga bog‘liqligi ishlab chiqilgan;
topinambur tuganagi va na’matak mevalari tarkibida biofaol moddalarni saqlagan holda vakuumda infraqizil nur yordamida quritishning optimal harorati va vakuum bosimi aniqlangan hamda yangi turdagi sovitish tizimiga ega bo‘lgan tegirmon yordamida kukun olish texnologiyasi ishlab chiqilgan.
IV. Tadqiqot natijalarining joriy qilinishi. Topinambur tuganagi va na’matak mevasi tarkibidagi biofaol moddalarni saqlagan holda qayta ishlash texnologiyasi «O‘zfarmsanoat» Davlat aksiyadorlik konserni va Qishloq va suv xo‘jaligi vazirligi tizimlariga kiruvchi korxonalarda joriy etilgan («O‘zfarmsanoat» Davlat aksiyadorlik konsernining 2015 yil 30 noyabrdagi
MD-06/1868-son va Qishloq va suv xo‘jaligi vazirligining 2015 yil 10 sentyabrdagi 06/14-893-son ma’lumotnomalari). Vakuumda infraqizil nur yordamida quritish texnologiyasini qo‘llash natijasida ishlab chiqarish quvvatini 20 % gacha oshirish imkonini bergan.
