Shigakova Faniya Anvarovnaning

doktorlik dissertatsiyasi himoyasi haqida e’lon

     I. Umumiy ma’lumotlar.

Dissertatsiya mavzusi, ixtisoslik shifri: «Opiy giyohvandlikning gender xususiyatida shakllanish jarayoni, rivojlanishi, kechishi va reabilitatsiya tadbirlarni ishlab chiqish», 14.00.18 – psixiatriya va narkologiya  (tibbiyot fanlari).

Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /Guvohnoma  LA № 20130301/.

Dissertatsiya mavzusi ro‘yxatga olingan raqam: 30.09.2014/B2014.3-4.Tib242  

Ilmiy maslahatchi: Xodjaeva Nazira Islamovna, tibbiyot fanlari doktori, professor.

Dissertatsiya bajarilgan muassasa nomi: Toshkent tibbiyot akademiyasi.

IK faoliyat ko‘rsatayotgan muassasa nomi, IK raqami: Toshkent vrachlar malakasini oshirish instituti, 16.07.2013.Tib.19.01.

Rasmiy opponentlar: Yu.P.Sivolap tibbiyot fanlari doktori, I.M. Sechenov nomidagi Birinchi Moskva davlat tibbiyot institutining professori, U.X.Alimov tibbiyot fanlari doktori professor, M.L.Agranovskiy tibbiyot fanlari doktori professor.

Yetakchi tashkilot: N.I.Pirogov nomidagi Rossiya davlat tibbiyot universiteti.

Dissertatsiyaning yo‘nalishi: ilmiy amaliy ahamiyatga molik.

    II. Tadqiqotning maqsadi opiy giyohvandligi shakllanishi, rivojlanishi va kechish mexanizmlarining gender xususiyatlari asosida tabaqalashgan reabilitatsiya chora-tadbirlarini ishlab chiqishdan iborat.

    III. Tadqiqotning ilmiy yangiligi: uzoq vaqt davomida (besh yildan ortiq) opiatlar iste’mol qilish oqibatida bosh miyaning morfo-strukturaviy o‘zgarishining shakllanishi isbotlangan;

miyaning biroz qurishi (atrofiyasi)dan to subaraxnoidal makon va yon qorinchalarning kengayishi, oq va kulrang moddada zichligi past o‘choqlar paydo bo‘lishigacha o‘zgarib turishi hamda morfologik o‘zgarishlar kognitiv funksiyalar yomonlashuvidan dalolat beruvchi klinik alomatlar bilan kechishi va ushbu funksiyalar narkotiklashuv staji besh yilgacha bo‘lganida nisbatan saqlanib qolishi asoslangan;

ayollarda opioid tobelik kechishiga yuqori darajadagi progridientlik xosligi, bu esa narkotiklar iste’mol qilishning eng yuqori darajada narkogenlikka ega bo‘lgan geroindan va tomir ichiga yuborishdan boshlanishi singari omillar bilan bog‘liqligi isbotlangan;

ayollarda affektiv variant va erkaklarda aralash variant ustunlik qilishi tarzida opiyli abstinent sindromning gender xususiyatlari hamda postabstinent davrda opiatlarga nisbatan patologik moyillikning klinik variantlarida ishonchli gender farqlar ochib berilgan;

virusli gepatit S va OIV-infeksiyalar narkotiklarga tobe erkaklarda ham, ayollarda ham opiyli giyohvandlikning klinik ko‘rinishlariga ta’sir ko‘rsatishi hamda OIV va gepatit S ga chalinish chastotasi jinsiy mansublik va narkotiklashuv stajiga chambarchas bog‘liq emasligi isbotlangan.

    IV. Tadqiqot natijalarining joriy qilinishi. Opiy giyohvandlikning gender xususiyatida shakllanish jarayoni, rivojlanishi, kechishi va reabilitatsiyasi bo‘yicha olingan ilmiy natijalar asosida: «Differensialshgan davolash nuqtai nazaridan opiy giyohvandligining klinik variantlari» mavzuidagi uslubiy tavsiyalar hamda  «Davolash-reabilitatsion tadbirlarni aniqlash uchun opiy giyohvandlikka chalingan bemorlarning reabilitatsion imkoniyat darajasini baholash» dasturlari asosida sog‘liqni saqlash amaliyotiga, jumladan, Respublika narkologiya markazi, Toshkent viloyat narkologik dispanseri va Buxoro shahar narkologik dispanseri faoliyatiga joriy qilingan (Sog‘liqni saqlash vazirligining 26.05.2015. yildagi 8N-d/36-son va 04.12.2015 yildagi 8N-3/24-sonli ma’lumotnomalari). Ilmiy natijalarning joriy qilinishi bemorlarni kasalxonaga yotqizishlar soni va kasallik dekompensatsiyasi tezligining kamaytirish imkonini bergan.