Нутфуллаева Лобар Нуруллаевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар. 
Диссертация мавзуси, ихтисослик шифри (илмий даража бериладиган фан тармоғи номи): «Намлаб-иситиб ишлов бериш жараёнида тикув буюмлари шакл барқарорлигини ошириш технологиясини ишлаб чиқиш», 05.06.04–Тикувчилик буюмлари технологияси ва костюм дизайни (техника фанлари).
Диссертация мавзуси рўйхатга олинган рақам: В2017.3.PhD/T476.
Илмий раҳбар: Ташпулатов Салих Шукурович, техника фанлари доктори, профессор.
Диссертация бажарилган муассаса номи: Бухоро муҳандислик-технология институти.
ИК фаолият кўрсатаётган муассаса номи, ИК рақами: Тошкент тўқимачилик ва енгил саноат институти, DSc.27.06.2017.T.08.01.
Расмий оппонентлар: Нигматова Фотима Усмановна, техника фанлари доктори, профессор; Исмоилова Раъно Музаффаровна, техника фанлари бўйича фалсафа доктори (PhD). 
Етакчи ташкилот: Наманган муҳандислик-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: тикув буюмларига намлаб-иситиб ишлов бериш технологик жараёнида кийим деталлари шакл барқарорлик хусусиятини ошириш орқали унинг юқори сифатини таъминлашдан иборат. 
III. Тадқиқотнинг илмий янгилиги: 
илк бор тикув буюми деталларига намлаб-иситиб ишлов бериш технологик жараёнида унинг сифатини таъминловчи жиҳоз ишчи органи (ёстиқча)нинг янги конструкцияси ва пакетини шакллантириш услуби яратилган;
илк бор намлаб-иситиб ишлов бериш пресслари ёстиқчасини композит материалдан тайёрлашда унинг ҳар томонлама мустаҳкамлигини таъминловчи механизми яратилган;
композит материалдан тайёрланган намлаб-иситиб ишлов бериш пресси ёстиқчасининг тўқимачилик материали ва кийим пакетига таъсир боғланишлари аниқланган;
янги пресс ёстиқчасидан фойдаланиб, намлаб-иситиб ишлов бериш технологик жараёнининг рационал режимлари асосланган.
IV. Тадқиқот натижаларининг жорий қилиниши.
Тикув буюмлари деталларига НИИБ технологиясини такомиллаштириш бўйича ишлаб чиқилган илмий натижалар асосида:
дазмоллаш прессининг янги ишчи органи (ёстиқчаси) асосида ишлаб чиқилган намлаб-иситиб ишлов беришнинг янги технологияси “O’zto’qimachiliksanoat” уюшмаси тизимидаги корхоналарда жорий этилган (“O’zto’qimachiliksanoat” уюшмасининг 2019 йил 12 апрелдаги 04/12-1661-сон маълумотномаси). Натижада тикув буюмлари деталларининг НИИБ технологик жараёнини самарадорлигини 9,1% га ошириш имконияти яратилган;
намлаб-иситиб ишлов бериш янги технологияси “O’zto’qimachiliksanoat” уюшмаси тизимидаги корхоналарда жорий этилган (“O’zto’qimachiliksanoat” уюшмасининг 2019 йил 12 апрелдаги 04/12-1661-сон маълумотномаси). Илмий тадқиқот натижаларининг ишлаб чиқаришга жорий этилиши тикув маҳсулоти сифатини 11,4% га ошириш имконини берган;
ишлаб чиқилган намлаб-иситиб ишлов бериш режимлари “O’zto’qimachiliksanoat” уюшмаси тизимидаги корхоналарда жорий этилган (“O’zto’qimachiliksanoat” уюшмасининг 2019 йил 12 апрелдаги 04/12-1661-сон маълумотномаси). Натижада тикув буюмлари деталларига НИИБ технологик жараёнининг самарадорлигини 11,7% га, шу билан бирга маҳсулот сифатини ошириш имконини берган.