Lyubchich Natal`ya Ivanovnaning
doktorlik dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri: «Trombofiliyada muddatidan oldin sodir bo‘luvchi tug‘uruqlarning patogenetik xususiyatlari (tashxislash va profilaktika mezonlari)», 14.00.01 – akusherlik va ginekologiya (tibbiyot fanlari).
Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /Guvohnoma LA № 0001070/.
Dissertatsiya mavzusi ro‘yxatga olingan raqam: 30.09.2014/B2014.5.Tib320.
Ilmiy maslahatchi: Sultanov Saidazim Nasirovich, tibbiyot fanlari doktori, professor.
Dissertatsiya bajarilgan muassasa nomi: Respublika ixtisoslashtirilgan akusherlik va ginekologiya ilmiy-amaliy tibbiyot markazi.
IK faoliyat ko‘rsatayotgan muassasa nomi, IK raqami: Toshkent pediatriya tibbiyot instituti, 16.07.2013.Tib.18.01.
Rasmiy opponentlar: Xodjaeva Zul`fiya Sagdullaevna, akademik V.I. Kulakov nomidagi akusherlik, ginekologiya va perinatologiya ilmiy markazining yetakchi ilmiy xodimi, tibbiyot fanlari doktori, professor; Paxomova Janna Evgen`evna, tibbiyot fanlari doktori, professor; Aripova Tamara Uktamovna, tibbiyot fanlari doktori, professor.
Yetakchi tashkilot: «D.O.Ott nomidagi akusherlik, ginekologiya va reproduktologiya ilmiy-tekshirish instituti» federal davlat byudjet tashkiloti (Sankt-Peterburg).
Dissertatsiya yo‘nalishi: amaliy ahamiyatga molik.
II. Tadqiqotning maqsadi muddatidan oldingi tug‘uruqlar rivojlanish mexanizmida qon ivish tizimi genlarining polimorfligi rolini aniqlash, bashoratlashda xavf omillarining ahamiyatini baholash va patogenetik asoslangan profilaktika tadbirlarini ishlab chiqishdan iborat.
III. Tadqiqotning ilmiy yangiligi.
Muddatidan oldingi tug‘uruq rivojlanish xavfiga FVG 1691A+MTHFR S677T genotiplarini birgalikda tashuvchanlikning yuqori darajada ta’sir etishi aniqlangan;
ayollarda muddatidan oldingi tug‘uruq determinatsiyasida MTHFR genining S677T gomozigota genotipi muhim omil ekani hamda muddatidan oldin tuqqan ayollarda trombofiliya chastotasi va ularning strukturasi aniqlangan;
trombofiliyali ayollarda muddatidan oldingi tug‘uruqning rivojlanish mexanizmida ona-platsenta-homila tizimidagi mikrotsirkulyasiya va gemostaz tizimidagi buzilishlar yetakchi o‘rin tutishi hamda bu fetoplatsentar etishmovchilik rivojlanishiga va homiladorlikning muddatidan oldingi tug‘uruq bilan yakun topishiga olib kelishi isbotlangan;
trombofiliyada muddatidan oldingi tug‘uruqni bashoratlash me’zonlari, trombofiliyada homildorlikni olib borish algoritmi homiladorlikning ushbu asoratining oldini olishga doir patogenetik yondashuvlar ishlab chiqilgan.
IV. Tadqiqot natijalarining joriy qilinishi.
Trombofiliyada muddatidan oldin sodir bo‘luvchi tug‘uruqlarning patogenetik xususiyatlari bo‘yicha olingan ilmiy natijalar asosida:
«Muddatidan oldin tug‘uruqni bashorat qilish usuli» bo‘yicha O‘zbekiston Respublikasining ixtiroga patenti olingan (№IAP 20150358, 21.09.2015y.). Ushbu usul trombofiliyada muddatidan oldingi tug‘uruqlar patogenetik tashxisi va oldini olish sifatini oshirishga imkon bergan;
“Muddatidan oldin tug‘uruqlar rivojlanishida trombofiliyaning roli” uslubiy tavsiyalari asosida sog‘liqni saqlash amaliyotiga, jumladan, Akusherlik va ginekologiya RIIATM, Respublika perinatal markazi va Jizzax, Chirchiq, Andijon, Buxoro, Navoiy hamda Sirdaryo viloyat perinatal markazlari, Toshkent shahridagi 9-, 5-, 8-, 6-sonli tug‘ruq majmualari faoliyatiga tatbiq etilgan (Sog‘liqni saqlash vazirligining 6-son xulosasi; 19.01.2015 y.). Ilmiy natijalarning amaliyotga joriy qilinishi homiladorlik va tug‘uruqlarning kechishini sezilarli yaxshilash hamda muddatidan oldingi tug‘uruqlar va ularning asoratlari chastotasini 24,6 foizga kamaytirish imkonini bergan.
