Иноятов Амрилло Шодиевичнинг

докторлик диссертацияси ҳимояси ҳақида эълон

    I. Умумий маълумотлар.

Диссертация мавзуси, ихтисослик шифри: «Юз-жағ соҳаси туғма нуқсонлари ривожланиш хавфининг экологик, клиник-иммунологик омиллари ва уларнинг олдини олиш», 14.00.36 – аллергология ва иммунология; 14.00.21 – стоматология (тиббиёт фанлари).

Талабгорнинг илмий ва илмий педагогик фаолият олиб боришга лаёқати бўйича тест синовидан ўтгани ҳақида маълумот: /тиббиёт фанлари номзоди/.

Диссертация мавзуси рўйхатга олинган рақам: 30.09.2014/Б2014.5.Тib445.

Илмий маслаҳатчилар: Мусаходжаева Дилорам Абдуллаева, биология фанлари доктори; Азимов Мухаммаджон Исмоилович, тиббиёт фанлари доктори, профессор.

Диссертация бажарилган муассасалар номи: Ўзбекистон Республикаси Фанлар академияси Иммунология институти ва Бухоро давлат тиббиёт институти

ИК фаолият кўрсатаётган муассаса (муассасалар) номи, ИК рақами: Ўзбекистон Республикаси Фанлар академияси Иммунология институти ва Тошкент тиббиёт академияси, 16.07.2013.Тib16.01.

Расмий оппонентлар: Г.А.Исмаилова, тиббиёт фанлари доктори, профессор; А.И.Хасанов, тиббиёт фанлари доктори, профессор; А.А.Мамедов, тиббиёт фанлари доктори, профессор

Етакчи ташкилот: Н.И.Пирогов номидаги Россия миллий тадқиқот тиббиёт университети (Москва).

Диссертация йўналиши: амалий аҳамиятга молик.

    II. Тадқиқотнинг мақсади. Юз-жағ соҳаси туғма нуқсонлари бор болаларнинг туғилиш хавфи омилларини аниқлаш, прегравидар профилактика принципларини ишлаб чиқиш, хейло- ва уранопластикада иммунотерапиянинг афзаллигини асослашдан иборат.

    III. Тадқиқотнинг илмий янгилиги:

илк бор Бухоро ва Навои вилоятларида яшовчи аёлларнинг хомиласида туғма нуқсонларни ривожланиши турли хил тератоген (ксенобиотиклар, юқумли касалликлар, дори воситалари ва аралаш) омиллар таъсирида келиб чиқиши аниқланган;

аралаш тератоген омиллар таъсиридаги  аёллар иммун тизимида  CD3+- ва СD4+-лимфоцитлар сонининг пасайишига мойиллиги, киллер ҳужайралари сони ва яллиғланишга хос IL-1β, TNF-α, IL-6 цитокинлар миқдори ортиши хусусияти аниқланган;

анамнезида инфекцион омиллари бор аёллар иммун тизимида апоптозга хос рецепторли лимфоцитлар ва IFN-γ миқдорларининг ўзаро мувофиқ ҳолда ўзгариб бориш тенденцияси исботланган:

ЮЖСТН чақалоқларни туққан, ксенобиотиклар билан алоқаси бўлган аёлларнинг иммун тизими IL-4 ва IL-6  цитокинлари миқдори нуқсонларсиз туққан аёлларга нисбатан ишонарли ортиши аниқланган ва ксенобиотиклар туғма нуқсонлар шаклланишида бирламчи омиллардан эканлиги исботланган;

илк бор экологик ноқулай минтақада туғилган ЮЖСТН болаларда CD3+-, CD4+- лимфоцитлари сони ва IFNγ – миқдорининг ишонарли камайиши хамда CD16+-ҳужайралар сони ва IL-1β,TNF-α миқдорининг ишонарли ортиши аниқланган;

ЮЖСТН болаларни операциядан олдин ва кейин деринат ҳамда полиоксидоний препаратлари билан даволаш - ижобий клиник-иммунологик динамика ва операциядан кейинги асоратларнинг камайишига асос эканлиги исботланган;

илк бор аёлларни прегравидар тайёрлаш мақсадида тератоген омиллар турига қараб иммун тизим холати мувозанатини таъминловчи, хомила шаклланишини меъёрлаштирувчи, иммунокоррегирловчи комплекс даво схемаси ишлаб чиқилган.

    IV. Диссертациянинг амалиётга жорий этилган илмий натижалари ва уларнинг самараси: Юз-жағ соҳаси туғма нуқсонлари ривожланиш хавфининг экологик, клиник-иммунологик омиллари ва уларнинг олдини олиш юзасидан олинган илмий натижалар соғлиқни сақлаш амалиётига, жумладан: Бухоро вилояти  кўп тармоқли тиббиёт маркази, Бухоро вилояти она ва бола скрининг маркази, Бухоро вилояти  перинатал маркази ва Бухоро вилояти  болалар кўп тармоқли тиббиёт маркази фаолиятига тадбиқ қилинган (Соғлиқни сақлаш вазирлигининг 2016 йил 29 январдаги 8н-3/39-сон маълумотномаси). Жорий қилинган натижалар болаликдан эрта ногиронликни олдини олиш, даволаш самарадорлигини ошириш, юз-жағ соҳаси туғма нуқсонлари билан  туғилиш частотасини камайтириш, шифохонада даволаниш кунини уронопластика операциясидан кейин 22% га, хейлопластика операциясидан кейин 29% га кисқартириш имконини яратган.