Shaxobov Kamoldin Biloldinovichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Hozirgi o‘zbek nasrida o‘tish davrining badiiy talqini (Shukur Xolmirzaev asarlari misolida)», 10.00.02–O‘zbek adabiyoti (filologiya fanlari).
Dissertatsiya mavzusi ro‘yxatga olingan raqam: B2018.4.PhD/Fil653.
Ilmiy rahbar: Quronov Dilmurod Haydaralievich, filologiya fanlari doktori, professor.
Dissertatsiya bajarilgan muassasa nomi: Andijon davlat universiteti.
IK faoliyat ko‘rsatayotgan muassasa nomi, IK raqami: Farg‘ona davlat universiteti, DSc.27.06.2017.Fil.05.02.
Rasmiy opponentlar: Kasimov Abdugapir Abdikarimovich, filologiya fanlari doktori, professor; Qo‘chqarova Marhabo Xudoyberganovna, filologiya fanlari nomzodi, dotsent.
Etakchi tashkilot nomi: Qo‘qon davlat pedagogika instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqot maqsadi: o‘tish davri muammolarining Shukur Xolmirzaev asarlaridagi badiiy talqinini ochib berishdan iborat.
III. Tadqiqotning ilmiy yangiligi:
davrining badiiy idroki etakchi problematikaga aylangani, bu holning ijtimoiy, iqtisodiy, siyosiy shart-sharoitlar va ijodiy-ruhiy omillar bilan bog‘liqligi ochib berilgan;
avlodlar orasidagi munosabatning o‘tish davrida keskinlashuvi ijtimoiy-tarixiy taraqqiyotni tezlashtiruvchi omil ekani konkret asarlar tahlili orqali dalillangan va shu asosda badiiy adabiyotning ijtimoiy tafakkur rivojidagi ahamiyati ko‘rsatilgan;
o‘tish davri qahramonlarining ijtimoiy-ma’naviy, ruhiy izlanishlari jamiyatning joriy holati, tarixiy taraqqiyot yo‘nalishlarini anglash ehtiyojidan kelib chiqishi isbotlangan;
“Olabo‘ji” romanida mamlakatimizning istiqlolga erishishi tarixiy, ijtimoiy-siyosiy jarayonlar hosilasi sifatida badiiy talqin etilganligi ochib berilgan;
“Dinozavr” romanida qahramonlarning ijtimoiy-ma’naviy izlanishlarini tasvirlash jamiyatning joriy holati haqidagi tugal konsepsiyani ishlab chiqish maqsadiga qaratilgani va buning janr talabi bilan izohlanishi  asoslangan.
IV. Tadqiqot natijalarining joriy qilinishi.
Hozirgi o‘zbek nasrida o‘tish davrining badiiy talqini mavzusida olib borilgan tadqiqotlar asosida:
80-yillar oxiri va 90-yillar Sh.Xolmirzaev ijodining mavzu, problematika, badiiy ifoda yo‘llarini aniqlashda hamda o‘tish davriga xos bo‘lgan tipologik belgilar haqida qiyosiy adabiyotshunoslik  bilan bog‘lagan holda chiqarilgan muhim nazariy xulosa va tavsiyalardan O‘zbekiston Respublikasi Fanlar akademiyasi O‘zbek tili, adabiyoti va fol`klori  institutida 2012–2016 yillarda olib borilgan FA-F1-G040 raqamli “O‘zbek adabiyoti qiyosiy adabiyotshunoslik aspektida: tipologiya va adabiy ta’sir” fundamental ilmiy tadqiqot loyihasida foydalanilgan (O‘zbekiston Respublikasi Fanlar akademiyasining 2019 yil 6 martdagi /1255-628-son ma’lumotnomasi). Natijada o‘tish davriga xos bo‘lgan muammolar aniqlangan;
avlodlar o‘rtasidagi munosabat va vorisiylik masalasi ijtimoiy-tarixiy taraqqiyotni harakatga keltiruvchi kuch ekanligi hamda “Olabo‘ji” romanida mamlakatimizning istiqlolga erishishi tarixiy, tadrijiy, ijtimoiy-siyosiy jarayonlar hosilasi sifatida badiiy talqin etilganligi masalasining yoritilishida 2016–2017 yillarda olib borilgan OT-A-1-46 raqamli “Adabiyotshunoslikning nazariy kurslari bo‘yicha o‘quv adabiyotlarning yangi avlodini yaratish” mazuidagi amaliy dastur  loyihasida foydalanilgan (Oliy va o‘rta maxsus ta’lim vazirligining 2019 yil 19 iyuldagi 89-03-2823-son ma’lumotnomasi). Natijada o‘tish davri muammolarining Shukur Xolmirzaev asarlaridagi badiiy talqini masalasi asoslangan;    
O‘zbekiston xalq yozuvchisi Shukur Xolmirzaevning o‘tish davri masalasi badiiy talqin etilgan bir qator hikoya va romanlarini badiiy tahlil etish jarayonida inson ruhiyati, dunyoqarashi, ma’naviy olamini boyitish, uning ongu shuuriga ezgu g‘oyalarni singdirish, komil inson etib tarbiyalash yo‘nalishida chiqarilgan xulosalar, munosabat va qarashlardan “O‘zbekiston” teleradiokanalining “Bedorlik”, “Ijod zavqi”, “Ta’lim va taraqqiyot”, “Adabiy jarayon” eshittirishlari ssenariysini tayyorlashda foydalanilgan (“O‘zbekiston” teleradiokanalining 2019 yil 1 martdagi 35-son ma’lumotnomasi). Natijada zamonaviy o‘zbek nasri o‘tish davrining o‘ziga xos xususiyatlari, atoqli adib Sh.Xolmirzaevning hikoya va esselari, roman va qissalari badiiyati va mohiyati ommalashtirilufy;
yoshlarni vatanparvarlik ruhida tarbiyalash, ularning ma’naviyatini yuksaltirish, ilm olish va kitob mutolaasiga targ‘ib qilish borasida keltirilgan xulosa va fikr-mulohazalardan Andijon viloyat teleradiokompaniyasining adabiy-badiiy, ma’naviy-ma’rifiy yo‘nalishda efirga uzatiladigan “Ma’naviyat – qalb ko‘zgusi”, “Ijod gulshani” ko‘rsatuvlari, “Ma’naviyat sarchashmasi” eshittirishlari ssenariysini tayyorlashda foydalanilgan (Andijon viloyat teleradiokompaniyasining 2019 yil 1 apreldagi 20-24/246-son ma’lumotnomasi). Natijada mazkur ko‘rsatuv va eshittirishlar asosli ilmiy faktlar bilan boyigan.