Муминова Севара Рустамовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Атопик дерматит ривожланиши ва кечишида баъзи цитокин генлари полиморфизмининг клиник-прогностик аҳамияти», 14.00.11–Дерматология ва венерология (тиббиёт фанлари).
Диссертация мавзуси рўйхатга олинган рақам: B2017.2.PhD/Tib247.
Илмий раҳбар: Мавлянова Шахноза Закировна, тиббиёт фанлари доктори.
Диссертация бажарилган муассаса номи: Республика дерматовенерология ва косметология ихтисослаштирилган илмий-амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти, DSc.27.06.2017.Tib.29.01.
Расмий оппонентлар: Арифов Саидқосим Саидазимович, тиббиёт фанлари доктори, профессор; Исмаилова Адолат Абдурахимовна, тиббиёт фанлари доктори.
Етакчи ташкилот: Тошкент тиббиёт академияси.
Диссертациянинг йўналиши: амалий аҳамиятга молик.
II. Тадқиқотнинг мақсади: атопик дерматит шаклланиши ва клиник кечишида IL4 (590С/Т), IL4R (Gln551Arg) ва NOS1 (G-84A) генларининг полиморфизмлари аҳамиятини аниқлаш ва олинган натижалар асосида касалликнинг такомиллаштирилган иммунмодуляцияловчи даволаш усулларини ишлаб чиқишдан иборат.
III. Тадқиқотнинг илмий янгилиги:
илк бор мамлакатимизда ўзбек миллатига мансуб АД билан касалланган беморларда цитокин гени IL-4 ва унинг рецепторларини IL4RA мутант (патологик) ва ёввойи (нормал) аллелларини текшириш тест-системалари қўлланилишининг методологик асослари такомиллаштирилган;
ўрганилган генетик маркёрлар: цитокин гени IL-4 ва унинг рецептори IL4RA ҳаққоний равишда АД кассалиги билан ассоциациялашганлиги исботланган;
АД билан хасталанган беморларнинг патологик (мутант) аллель ва генотип ташувчиларида касалликнинг оғир кечиш хавфи нормал генотип ташувчиларига нисбатан бир неча баробар ортганлиги аниқланган;
цитокин IL-4 генининг 590C>T полиморфизми ва IL4RA генининг Gln551Arg полиморфизми текширилган шахсларда ушбу генларнинг мутант генотиплари учраш частотаси атопик дерматит хасталиги ривожланиш хавфининг (odds ratio-OR) бир неча баробар ортиши исботланган.
IV. Тадқиқот натижаларининг жорий қилиниши.
АД билан оғриган беморларда молекуляр-генетик ва иммунологик кўрсаткичларни ҳисобга олган ҳолда такомиллаштирилган комплекс даволаш усулларини ишлаб чиқиш бўйича олинган илмий натижалар асосида:
«Атопик дерматит билан хасталанган беморларда эндоген заҳарланишни даволаш усули»га Интеллектуал мулк агентлигининг ихтиро патенти олинган (№IAP 05171, 2016 й). Ихтиронинг таклиф этилган усуллари ташхислаш ва даволашнинг такомиллаштирилган усулларининг сифатини яхшилашга имконият яратган;
“Атопик дерматит клиник кечишининг оғирлик даражасини ташхис орқали аниқлаш усули”га Интеллектуал мулк агентлигининг ихтиро патенти олинган (№IAP 05508, 2017 й). Ихтиронинг таклиф этилган усуллари ташхислаш, АД оғир даражаси ривожланишини олдиндан прогнозлашни яхшилашга имкон берган;
АД диагностикаси ва даволаш бўйича олинган илмий натижалар соғлиқни сақлаш амалий фаолиятига, хусусан, Республика ихтисослаштирилган дерматовенерология ва косметология илмий-амалий тиббиёт маркази клиникасининг дерматология бўлими ҳамда Бухоро вилояти тери-таносил касалликлари диспансери амалиётига жорий этилган (Соғлиқни сақлаш вазирлигининг 2017 йил 26 декабрдаги 8н-д/71-сон маълумотномаси). Атопик дерматит диагностикасининг янги усулини қўллаш натижасида касаллик даволанишининг самарадорлигини 1,98 маротаба ортишига олиб келган. Патогенетик терапия киритилишининг иктисодий таъсири касаллик қайталанишининг 4,5 маротаба камайишидан иборат бўлиб, бу АД беморларининг йилига 2 маротаба бўладиган молиявий харажатларининг қисқаришига олиб келган.