Исраилов Хикматжон Туйгуновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Рецидивланувчи генитал учуқнинг клиник-иммунпатогенетик хусусиятларини ўрганиш асосида даволаш усулини яратиш», 14.00.11–Дерматология ва венерология (тиббиёт фанлари).
Диссертация мавзуси рўйхатга олинган рақам: В2017.1.PhD/Tib65.
Илмий маслаҳатчи: Набиев Талат Абдуваҳобович, тиббиёт фанлари доктори.
Диссертация бажарилган муассаса номи: Республика ихтисослаштирилган дерматовенерология ва косметология илмий-амалий тиббиёт маркази.
ИК фаолият кўрсатаётган муассаса номи, ИК рақами: Тошкент педиатрия тиббиёт институти, DSc.27.06.2017.Tib.29.01.
Расмий оппонентлар: Хаитов Кахрамон Нажмитдинович, тиббиёт фанлари доктори, профессор; Зиёдуллаев Шухрат Худайбердиевич, тиббиёт фанлари доктори.
Етакчи ташкилот: Тошкент тиббиёт академияси.
Диссертациянинг йўналиши: амалий аҳамиятга молик.
II. Тадқиқотнинг мақсади: рецидивланувчи генитал учуқнинг этиопатогенетик ривожланиш механизмлари, иммунологик тавсифи ва клиник кечишини комплекс ўрганиш асосида даволаш усулини ишлаб чиқиш.
III. Тадқиқотнинг илмий янгилиги:
илк бор генитал учуқнинг рецидивланувчи шаклларини клиник кечиши аниқланган;
иммун тизимининг ҳужайравий ва гуморал бўғинлари ҳамда организмнинг носпецифик ҳимоя кўрсаткичлари (IL-2, 4, TNF-α ва IFN- α, γ)даги номутаносибликнинг ривожланганлик даражаси аниқланган;
генитал учуқ билан оғриган беморларда цитокинларнинг (СD3, CD4нинг камайиши, СD19нинг фаоллашиши, Ig А, М, G ва АЮИКларнинг ошиши) номутаносиблиги, кейинчалик иммунтанқисликни шаклланиши билан намоён бўлувчи иммункомпетент ҳужайраларнинг ҳужайралараро ўзаро таъсир самарасининг пасайиши аниқланган;
РГУ билан оғриган беморлар қон зардобида TNF-α ни юқори ва IL-2, 4 ларнинг паст фон даражаси бир томондан ОУВ-1/2нинг тўлиқ бўлмаган эрадикациясини, иккинчи томондан – вирусга қарши иммун жавобнинг муҳим бўғинларини амалга оширишини ифодалаши исботланган;
рецидивланувчи генитал учуқнинг иммунпатогенетик даволаш усули такомиллаштирилган.
IV. Тадқиқот натижаларининг жорий қилиниши.
Рецидивланувчи генитал учуқнинг клиник-иммунпатогенетик хусусиятларини ўрганиш асосида даволаш усулини яратиш бўйича олинган илмий натижалар асосида:
«Генитал учуқнинг рецидивланувчи шаклларини даволашнинг такомиллаштирилган усули» услубий тавсиянома тасдиқланган (Соғлиқни сақлаш вазирлигининг 2017 йил 3 октябрдаги 8н–д/29-сон маълумотномаси). Мазкур услубий тавсиянома рецидивланувчи генитал учуқ билан оғриган беморларни даволашда такомиллашган замонавий даво усулларини қўллашга хизмат қилган;
рецидивланувчи генитал учуқни даволашнинг янги услулларини ишлаб чиқиш бўйича олинган илмий натижалар соғлиқни сақлаш амалиётига, жумладан, Фарғона ва Андижон вилоятлари тери-таносил диспансерлари поликлиникаларининг амалиётига татбиқ этилган (Соғлиқни сақлаш вазирлигининг 2017 йил 3 октябрдаги 8н–д/29-сон маълумотномаси). Жорий қилинган натижалар тиббий ёрдам сифатини оширади, шунингдек, ташхислаш ва даволашнинг янги услубларни қўллаш орқали рецидивланувчи генитал учуқ билан оғриган беморлар ҳаёт сифатини яхшилаш ҳамда беморларнинг амбулатор шароитда даволаниш муддатини қисқартириш ҳисобига иқтисодий самарадорликни ошириш имконини берган.