Рахимова Гулрух Қўрқмасовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўзбекистонда ўсадиган торбаргли Иван-чой ўсимлигини фармакогностик ўрганиш», 15.00.02–Фармацевтик кимё ва фармакогнозия (фармацевтика фанлари).
Диссертация мавзуси рўйхатга олинган рақам: B2017.1.PhD/Far8.
Илмий раҳбар: Комилов Хожиасрор Масудович, фармацевтика фанлари доктори, профессор.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса (муассасалар) номи, ИК рақами: Тошкент фармацевтика институти, DSc.27.06.2017.Far.32.01.
Расмий оппонентлар: Аминов Собир Нигматович, кимё фанлари доктори, профессор; Нишанбаев Сабир Зарипбаевич, кимё фанлари номзоди, катта илмий ходим.
Етакчи ташкилот: «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУК.
Диссертация йўналиши: назарий ва амалий аҳамиятга молик.
II. Тадқиқотнинг мақсади: торбаргли Иван-чой ер устки қисмини фитокимёвий усулларда аниқлаш ва стандартлаш ҳамда унинг асосида простата бези касалликларини даволаш учун яллиғланишга қарши композицияни яратишдан иборат.
III. Тадқиқотнинг илмий янгилиги:
илк бор Ўзбекистонда ўсадиган торбаргли Иван-чой ер устки қисмининг кимёвий таркиби аниқланган, унинг биологик фаол моддалари асосий гуруҳларининг табиати ва миқдори белгиланган;
Иван-чой ер устки қисмидан 7 та флавоноидли бирикма – кемпферол, кверцетин, мирицетин, изорамнетин, гиперозид, изорамнетин-7-о-β-рутинозид, рутин, кумаринлар-герниарин, умбеллиферон, иккита фенолкарбон кислотаси-дезоксикумар ва о-оксикумар кислоталари   ажратиб олинган ва идентификация қилинган;
тегишли меъёрий ҳужжатларни ишлаб чиқиш учун тавсия этилаётган хомашё «Трибулепил» композицияси ва унинг асосидаги қуруқ экстрактни стандартлаш мақсадида зарур бўлган чинлик ва сифат кўрсаткичларининг илмий асосланган мезонлари аниқланган;
хомашё тайёрлашнинг мўътадил муддатларини, хомашё ва унинг асосида яратилган доривор ўсимлик воситасининг сақланиш муддатлари аниқланган.
IV. Тадқиқот натижаларининг жорий қилиниши.
Торбаргли Иван-чойнинг кимёвий таркибини аниқлаш, «Трибулепил» йиғмаси ҳамда унинг қуруқ экстракти асосида яратилган «Ивтикан» биологик фаол қўшимчасини стандартлаш усулларини ишлаб чиқиш бўйича олинган илмий натижалар асосида:
торбаргли Иван-чой ер устки қисми ва унинг асосида яллиғланишга қарши таъсирга эга «Трибулепил» йиғмасига ВФМ лойиҳалари ишлаб чиқилган ва тиббиёт амалиётида фойдаланиш учун рухсат олиш мақсадида «Дори воситалари, тиббий буюмлар ва тиббий техника экспертизаси ва стандартлаштириш давлат маркази» ДУКга тақдим этилган (2019 йил 1 июндаги 29/01-347-сон хати, Соғлиқни сақлаш вазирлигининг 2018 йил 15 октябрдаги 8н-3/280-сон хати). Ушбу ҳужжатларнинг тасдиқланиши натижасида маҳаллий доривор ўсимликдан ва ундан тайёрланган йиғма ёрдамида простата бези патологияларини даволаш имконияти яратилади;
«Ивтикан» биологик фаол қўшимча учун техник шартлар “Ўзстандарт” агентлиги томонидан тасдиқланган («Ts 00481330-004:2018). Уни ишлаб чиқариш бўйича технологик йўриқнома Ўзбекистон Республикаси Соғлиқни сақлаш вазирлиги Давлат санитария-эпидемиология назорати маркази томонидан тасдиқланган (ТИ 00481330-004:2018). Натижада фармацевтика саноати учун «Трибулепил» йиғмаси қуруқ экстракти асосида «Ивтикан» биологик фаол қўшимчани ишлаб чиқариш имкони яратилган;
«Ивтикан» биологик фаол қўшимчани ишлаб чиқариш ва қўллашга Ўзбекистон Республикаси Соғлиқни сақлаш вазирлигининг рухсати олинган (№000442; 01.04.2019 й.). Ушбу биологик фаол қўшимчани ишлаб чиқарилиши натижасида хорижий давлатлардан импорт қилинаётган қўшимчалар улушини камайтириш, маҳаллий БФҚ ассортиментини кенгайтириш  имконини беради.