Ким Виталий Геннадьевичнинг
фалсафа доктори (PhD) диссертацияси химояси хақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Иннoвaциoн тexнoлoгиялaр acocидa caнoaт кoрxoнaлaрининг рaқoбaтбaрдoшлигини oшириш», 08.00.03–Саноат иқтисодиёти (иқтисодиёт фанлари).
Диссертация мавзуси рўйхатга олинган рақам: В2018.3.PhD/Iqt641.
Илмий раҳбар: Махкамова Мамлакат Абдукодировна, иқтисодиёт фанлари доктори, профессор.
Диссертация бажарилган муассаса номи: Тошкент давлат техника университети.
ИК фаолият кўрсатаётган муассаса номи, ИК рақами: Тошкент давлат техника университети, DSc.28.02.2019.I.03.06.
Расмий оппонентлар: Турсунходжаев Марат Лутфуллаевич, иқтисодиёт фанлари доктори, профессор; Муратова Шоҳиста Ниматуллаевна, иқтисодиёт фанлари бўйича фалсафа доктори  (PhD).
Етакчи ташкилот: Тошкент кимё-технологиялари институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: иннoвaциoн тexнoлoгиялaр acocидa Ўзбeкиcтoн Рecпубликacи caнoaт кoрxoнaлaрининг рaқoбaтбaрдoшлигини oшириш бўйича уcлубий ёндaшув вa илмий-aмaлий тaвcиялaрни ишлaб чиқиш.
III. Тадқиқотнинг илмий янгилиги:
саноат корхоналарининг рақобатбардошлик даражасини баҳолаш методикаси инновацион ривожланиш шароитида бир-бирига ўзаро алоқадор омиллар гуруҳлари ҳамда ахборотнинг миқдор-сифат жиҳатдан кенг қамровлик ва ноаниқлилик функциясини эътиборга олган ҳолда такомиллаштирилган;
саноат корхоналари инновацион салоҳиятининг илмий-техник, кадр, молиявий, ахборот технологиялари ва тадбиркорлик имкониятлари уйғунлиги негизида рақобатбардошликни услубий жиҳатдан баҳолаш асосланган;
бозор рақобатининг кучайиб бориши шароитида ишлаб чиқаришни инновацион ташкил этиш ва ноишлаб чиқариш йўналишларини уйғунлаштириш асосида саноат корхоналарини ривожлантириш стратегиясини шакллантиришнинг услубий ёндашуви такомиллаштирилган;
саноат корхоналарини самарали  ривожлантиришнинг ўрта муддатли прогноз параметрлари ривожланишга таъсир этувчи омилларни комплекс баҳолаш, жумладан инвестицияларни асосий капиталга жалб этиш, инвестицион маҳсулот ва ишлаб чиқариш фондларини янгилашни эътиборга олган ҳолда ишлаб чиқилган.
III.Тадқиқот натижаларининг жорий қилиниши.
Caнoaт кoрxoнaлaрининг рaқoбaтбaрдoшлигини иннoвaциoн тexнoлoгиялaр acocидa oшириш бўйича олинган илмий натижалар асосида:
саноат корхоналарининг рақобатбардошлик даражасини баҳолаш методикасини  такомиллаштириш бўйича таклифлар «GEOTECH GROUP» нефтегаз компаниялари гуруҳи тизими корхоналарига, жумладан «Uz-Kor Gaz Chemical» МЧЖ ҚК амалиётига жорий қилинган («GEOTECH GROUP» нефтегаз компаниялари гуруҳининг 2018 йил 24 январдаги ДЛ-451-сон маълумотномаси). Мазкур таклифларнинг амалиётга жорий қилиниши инновацион иқтисодиёт шаклланиши шароитида саноат корхонаcи рақобатбардошлик даражасини 28 фоизга ошириш имконини берган;
саноат корхоналари инновацион салоҳиятининг илмий-техник, кадр, молиявий, ахборот технологиялари ва тадбиркорлик имкониятлари уйғунлиги негизида рақобатбардошликни услубий баҳолаш «Ўзбекнефтегаз» АЖ фаолиятига (22.01.2018 йилдаги GТБ-08/1-сон буйруқ) жорий қилинган («GEOTECH GROUP» нефтегаз компаниялари гуруҳининг 2018 йил 24 январдаги ДЛ-451-сон маълумотномаси). Мазкур таклифларнинг амалиётга жорий қилиниши инновацион иқтисодиёт шаклланиши шароитида, жумладан нефтегаз сервис хизматлари бозоридаги «Geotech Engineering» МЧЖ улушини 12,4 фоизгача етказиш имконини берган;
саноат корхоналарини ривожлантириш стратегиясини шакллантиришнинг такомиллашган услубий ёндашуви «Ўзбекнефтегаз» АЖ ва унинг таркибига кирувчи ташкилотлар, жумладан “Ўзбекгеофизика” АЖ фаолиятига (15.05.2017 йилдаги 01/1147-сон буйруқ) жорий қилинган (“Ўзбекгеофизика” АЖнинг 2017 йил 20 майдаги 01/1-833-сон маълумотномаси). Мазкур таклифларнинг амалиётга жорий қилиниши “Ўзбекгеофизика” АЖ ва унинг  вилоятлардаги филиаллари унумдорлигини мавжуд ишлаб чиқариш ресурсларидан самарали фойдаланиши натижасида 5,4 фоизга ошириш имконини берган;
саноат корхоналарини самарали  ривожлантиришнинг ўрта муддатли прогноз модели параметрлари «Ўзбекнефтегаз» АЖ ва унинг таркибига кирувчи ташкилотлар, жумладан  “Ўзбекгеофизика” АЖ фаолиятига (15.05.2017 йилдаги 01/1147-сон буйруқ) жорий қилинган  (“Ўзбекгеофизика” АЖнинг 2017 йил 20 майдаги 01/1-833-сон маълумотномаси). Мазкур таклифларнинг амалиётга жорий қилиниши “Ўзбекгеофизика” АЖ ва унинг республика вилоятларидаги филиалларида ишлаб чиқариш интенсификациясини ошириш ва ишлаб чиқариш тушуми ҳажмини ортиши, шунингдек, фонд қайтими коэффициентини (К) 2017 йилда 0,81 дан 1,12 коэффициентга, 2018–2019 йилларда 0,11 дан 1,34 коэффициентга ошириш имконини  берган.