Сирожиддинова Хиромон Нуриддиновнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Анамнезида ҳомила ичи инфекцияланишига чалинган тез-тез касалланувчи болалар респиратор касалликларининг иммунокоррекцияли терапияси», 14.00.09–Педиатрия (тиббиёт фанлари).
Диссертация мавзуси рўйхатга олинган рақам: B2017.4.PhD/Tib428.
Илмий раҳбар: Абдуллаева Мухиба Нигматовна, тиббиёт фанлари доктори, профессор.
Диссертация бажарилган муассаса номи: Самарқанд давлат тиббиёт институти.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти, DSc.27.06.2017.Tib.29.01.
Расмий оппонентлар: Шамсиев Фурқат Мухитдинович, тиббиёт фанлари доктори, профессор; Агзамова Шоира Абдусаламовна, тиббиёт фанлари доктори, профессор.
Етакчи ташкилот: Тошкент тиббиёт академияси.
Диссертациянинг йўналиши: амалий аҳамиятга молик.
II. Тадқиқотнинг мақсади: анамнезида ҳомила ичи инфекцияланишига чалинган тез-тез касалланувчи болалар респиратор касалликларининг иммунокоррекцияли терапиясини такомиллаштиришдан иборат.
III. Тадқиқотнинг илмий янгилиги:
илк бор қон зардобида IgG ва АИК миқдорлари ортишига боғлиқ ҳолда комплемент миқдорининг кескин камайиши ҳомила ичи инфекцияланишининг далолати эканлиги исботланган;
илк бор тез-тез касалланувчи болалар зардоб бактериостатик фаоллиги (ФФ, ФИ, ФТ) кўрсаткичлари миқдорларининг пропорционал камайиши қон зардобининг энг паст даражали эритмалари аниқланган;
тез-тез касалланувчи болалар респиратор касалликларида специфик (IgA, IgM), носпецифик (ФФ даражаси) ва антитоксик (стафилококкли антитоксин) иммунитет кўрсаткичларининг ишонарли камайиши билан кечувчи иммун тизимидаги номутаносиблик бўлиши аниқланган;
илк бор ҳомила ичи инфекцияланишида чақалоқлар ҳамда уларнинг оналаридан ажратилган Staphylococcus aureusни I (29, 52А, 79, 80) ва III (6,75, 42Е, 85, 83А) гуруҳли фаготипларининг ўзаро мос келиши исботланган.
IV. Тадқиқот натижаларининг жорий қилиниши.
Анамнезида ҳомила ичи инфекцияланишига чалинган, тез-тез касалланувчи болалар респиратор касалликларининг иммунокоррекцияли терапияси бўйича олинган илмий натижалар асосида:
«Болаларда нафас йўллари касалликларини даволаш усули» бўйича Ўзбекистон Республикаси Интеллектуал мулк агентлигининг ихтирога патенти (№IAP 05601, 04.05.2018й.) олинган (Соғлиқни сақлаш вазирлигининг 2019 йил 15 майдаги 8н-з/74-сон маълумотномаси). Мазкур ихтирога патентда таклиф қилинган усулда даволаш респиратор касалликлар билан хасталанувчи болаларни ўз вақтида даволашга ва касаллик асоратларининг олдини олишга хизмат қилган;
тез-тез респиратор касалликлар билан хасталанган болаларни иммункоррекцияли терапияси бўйича олинган илмий натижалар соғлиқни сақлаш тизимига, жумладан Самарқанд шаҳар 1-сон болалар шифохонаси ва Самарқанд вилояти кўп тармоқли тиббиёт маркази амалиётларига жорий этилган (Соғлиқни сақлаш вазирлигининг 2019 йил 15 майдаги 8н-з/74-сон маълумотномаси). Жорий қилинган натижалар респиратор касалликлар билан бемор болаларда ташхислаш ва янги иммунокоррегирловчи даволаш услубини қўллаш орқали болаларда касалликни қайталаниш даражасини камайтириш, беморларнинг ҳаёт сифатини яхшилаш ва уларни тиббий ёрдамга мурожаатларини камайтириш имконини берган.