Муллаханов Жавлон Бахтияровичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Эшакем билан хасталанган беморларда иммун ва микробиологик ҳолатининг клиник-диагностик аҳамияти ва даволаш усулларини такомиллаштириш», 14.00.11–Дерматология ва венерология (тиббиёт фанлари).
Диссертация мавзуси рўйхатга олинган рақам: B2018.2.PhD/Tib479.
Илмий раҳбар: Мавлянова Шахноза Закировна, тиббиёт фанлари доктори.
Диссертация бажарилган муассаса номи: Республика ихтисослаштирилган дерматовенерология ва косметология илмий-амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти, DSc.27.06.2017.Tib.29.01.
Расмий оппонентлар: Ташкенбаева Умида Алишеровна, тиббиёт фанлари доктори; Хаитов Кахрамон Нажмитдинович, тиббиёт фанлари доктори.
Етакчи ташкилот: Тошкент врачлар малакасини ошириш институти.
Диссертация йўналиши: амалий ва назарий аҳамиятга молик.
II. Тадқиқотнинг мақсади: организмнинг иммунологик, биокимёвий ва микробиологик кўрсаткичларини ҳисобга олган ҳолда эшакемни ташхислаш ва даволаш усулларини мукаммаллаштириш.
III. Тадқиқотнинг илмий янгилиги:
илк бор эшакеми билан оғриган беморларнинг қон зардобида гамма-глобулин миқдорининг кўпайиши соғлом одамларникига қараганда 2,6 баробар юқори эканлиги аниқланган;
эшакемининг сурункали шаклида аллергик реакцияларнинг фаоллашиши натижасида тери микробиотасидаги Staphylococcus spp. микроорганизмларининг колонизацияланиш даражасини соғлом гуруҳларга нисбатан ошиши исботланган;
цитокин статус фаолланиши умумий IgE гиперпродукцияси фонида шартли патоген микроорганизмларининг патогенли ферментлари ажралиши асосида яллиғланиш олди (ИЛ-6) ва яллиғланишга қарши (ИЛ-4, ИЛ-10) цитокинлар ишлаб чиқишининг ортиши исботланган;
илк бор эшакемининг оғир шаклини даволаш натижасида ВКЛН-терапиясининг яллиғланишга қарши самарадорлиги аниқланган.
IV. Тадқиқот натижаларининг жорий қилиниши.
Эшакемнинг пайдо бўлиши, кечиши, уни даволаш ва профилактикасининг клиник-патогенетик хусусиятлари бўйича олинган илмий натижалар асосида:
«Эшакемини даволашга янгича ёндашув» номли услубий тавсиянома тасдиқланган (Соғлиқни сақлаш вазирлигининг 2019 йил 11 апрелдаги 8н-р/130-сон маълумотномаси). Ушбу тавсиянома эшакемга чалинган беморларда даволаш самарадорлигини оширишга имкон яратаган;
эшакем билан хасталанган беморларда иммун ва микробиологик ҳолатининг клиник-диагностик аҳамияти ва даволаш усулларини такомиллаштириш бўйича олинган илмий натижалар соғлиқни сақлаш амалиётига, жумладан Республика ихтисослаштирилган дерматовенерология ва косметология илмий-амалий тиббиёт маркази ва Тошкент шаҳар ТТКД, Республика тери-таносил шифохонаси, Наманган ва Навоий вилоятлари ТТДда амалиётига татбиқ этилган (Соғлиқни сақлаш вазирлигининг 2019 йил 7 февралдаги 8н-д/20-сон маълумотномаси). Натижада эшакемнинг клиник шаклларини ҳисобга олган ҳолда оптимал этиопатогенетик даволаш усули ишлаб чиқилган.