Мавлянова Нигора Наримановананинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Хомила йўқотиш синдроми ривожланиши хавфининг молекуляр-генетик прогнозлаш ва диагностикасини такомиллаштириш», 14.00.01–Акушерлик ва гинекология  (тиббиёт фанлари).
Диссертация мавзуси рўйхатга олинган рақам: В2018.2.PhD/Tib613.
Илмий раҳбар: Нажмутдинова Дилбар Камариддиновна, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган акушерлик ва гинекология илмий-амалий тиббиёт маркази.
ИК фаолият кўрсатаётган муассаса (муассасалар) номи, ИК рақами: Тошкент педиатрия тиббиёт институти  DSc.27.06.2017.Tib.29.01.
Расмий оппонентлар: Султанов Саидазим Насирович, тиббиёт фанлари доктори, профессор; Гельдиева Маргарита Собировна, биология фанлари доктори, профессор.
Етакчи ташкилот: Тошкент врачлар малакасини ошириш институти.
Диссертациянинг йўналиши: амалий аҳамиятга молик.
II. Тадқиқотнинг мақсади: хомила йўқотиш синдроми ривожланиши хавфининг молекуляр-генетик башоратлаш ва диагностикасини такомиллаштиришдан иборат.
III. Тадқиқотнинг илмий янгилиги:
илк бор хомила йўқотиш синдроми шаклланишида плазминоген-1-PAI1 фаоллаштирувчисининг ингибирловчи гени «қон томир ва эндотелиал тизими» генларига нисбатан мухим роли исботланган;
илк бор хомиладор аёлларда  PAI генининг 4G аллели ва 4G/4G полиморфизмининг гомозигот генотиплари хомила йўқотиш синдроми ривожланиш хавфининг етакчи маркерлари эканлиги асосланган;
ҳомиладорлар қон зардобида эндоген заҳарланишнинг оғирлик даражасини белгиловчи нитрат оксиди концентрациясининг ўзгариши хомила йўқотиш синдромини ривожланишига тўғри пропорционаллиги асосланган;
илк бор PAI1 гени полиморфизмининг 4G мутант аллелли учраши хомиладорларда хомила ривожланишининг ортта қолиши билан эндоген интоксикацияси оғирлик даражасига сабаб бўлиши исботланган.
IV. Тадқиқот натижаларининг жорий қилиниши:
Хомила йўқотиш синдроми ривожланиши хавфининг молекуляр-генетик башоратлаш ва диагностикасини такомиллаштириш бўйича олинган илмий натижалар асосида:
«Фетоплацентар етишмовчилик ривожланиш хавфини прогнозлаш усули»га Интеллектуал мулк агентлигининг ихтирога патенти олинган (№IAP 05825, 2017 й.). Мазкур патент фетоплацентар етишмовчилик ривожланиш хавфини олдиндан аниқлаш ва самарали даволаш чора-тадбирлари ўтказишга имкон яратган;
«Ҳомила йўқотиш синдромини молекуляр-генетик башоратлаш» услубий тавсияномаси тасдиқланган (Соғлиқни сақлаш вазирлигининг 2019 йил 11 февралдаги 8н-д/33-сон маълумотномаси). Мазкур услубий тавсияномаси аёлларда хомила йўқотиш синдромини  эрта  ташхислаш, уни олдини олиш ва самарали даволашга имкон яратган.
ҳомила йўқотиш синдроми ривожланиши хавфининг молекуляр-генетик башоратлаш ва диагностикасини такомиллаштириш бўйича тадқиқот натижалари соғлиқни сақлаш амалиётига, жумладан, Республика ихтисослаштирилган акушерлик ва гинекология илмий-амалий тиббиёт маркази, 5-шаҳар клиник шифохонаси туғруқ комплекси ва «Эмбрио Сервис» МЧЖ клиникаси амалиётига жорий қилинган (Соғлиқни сақлаш вазирлигининг 2019 йил 11 февралдаги № 8н-д/33-сон маълумотномаси). Жорий қилинган натижалар ихтисослаштирилган тиббий ёрдам сифатини оширади, ҳомила йўқотиш синдромини барвақт аниқлаш ва назорат қилиб туриш, асоратларни олдини олиш ва уларни камайтириш, оналик ва антенатал ўлимни камайтириш ва самарали даволаш чора-тадбирларини қўллашга имкон яратган.