Рахматова Санобар Низамовнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Цереброваскуляр касалликлар кечишида учрайдиган когнитив бузилишларни жинсга ва ёшга боғлиқлигининг ўзига хослиги», 14.00.13–Неврология (тиббиёт фанлари).
Диссертация мавзуси рўйхатга олинган рақам: B2017.3.PhD/Tib400.
Илмий раҳбар: Аликулова Нигора Абдукадировна, тиббиёт фанлари доктори, профессор.
Диссертация бажарилган муассаса номи: Тошкент врачлар малака ошириш институти.
ИК фаолият кўрсатаётган муассаса номи, ИК рақами: Тошкент врачлар малакасини ошириш институти, DSc.27.06.2017.Tib.31.01.
Расмий оппонентлар: Миржураев Элбек Миршавкатович, тиббиёт фанлари доктори, профессор; Садикова Гулчеҳра Кабуловна, тиббиёт фанлари доктори, профессор.
Етакчи ташкилот: Самарқанд давлат тиббиёт институти.
Диссертациянинг йўналиши: амалий аҳамиятга молик.
II. Тадқиқотнинг мақсади: жинсий диморфизм аспектида сурункали мия ишемияси бор беморларда когнитив бузилишларнинг клинико-неврологик ва нейропсихологик хусусиятларини, касаллик кечиши ва профилактик чора-тадбирларни такомиллаштиришдан иборат.
III. Тадқиқотнинг илмий янгилиги:
илк бор жинсий диморфизм ва гендерни ҳисобга олган ҳолда ДЭда когнитив бузилишларнинг сифат-миқдорий фарқи аниқланган;
ДЭ билан касалланган эркак ва аёлларда неврологик, когнитив, психоэмоционал бузилишларнинг клинико-неврологик ва нейрофизиологик хусусиятларининг номутаносиблиги аниқланган;
цереброваскуляр касалликлари бор беморларда гендер фарқни ҳисобга олган ҳолда мия тўқимасидаги ўзгаришлар когнитив бузилишлар ҳамда статико-локомотор бузилишлар билан мутаносиблиги исботланган;
ДЭси бор эркак ва аёллардаги когнитив ҳамда психомотор бузилишларни даволаш ва профилактикасига дифференциал ёндашув неврологик жиҳатдан асосланган.
IV. Тадқиқот натижаларининг жорий қилиниши.
Цереброваскуляр касалликларда учрайдиган когнитив бузилишлар кечишининг жинсга ва ёшга боғлиқлигини аниқлаш ва такомиллаштириш бўйича олинган илмий натижалар асосида:
«Цереброваскуляр касалликларни жинсга боғлиқлигини аниқлашда ва оптималлаштирилган давони қўллашда мослаштирилган психологик тест» номли услубий тавсиянома тасдиқланган (Соғлиқни сақлаш вазирлигининг 2019 йил 22 майдаги 8н-д/124-сон маълумотномаси). Мазкур услубий тавсиянома эркак ва аёлларда дисциркулятор энцефалопатияда когнитив бузилишларни эрта аниқлаш, нейропсихологик тестлар ўтказиш ва профилактик чора-тадбирларни мукаммаллаштириш имконини яратган;
дисциркулятор энцефалопатияда когнитив бузилишларнинг эркак ва аёлларда клиник-патогенетик хусусиятлари бўйича олинган илмий натижалар соғлиқни сақлаш тизимига, жумладан Тошкент вилояти ихтисослаштирилган соматика касалхонаси ва Бухоро вилояти Когон шаҳри тиббиёт бирлашмаси амалиётларига жорий этилган (Соғлиқни сақлаш вазирлигининг 2019 йил 18 июлдаги 8н-з/131-сон маълумотномаси). Натижада дисциркулятор энцефалопатияда когнитив бузилишларни эрта ташхислаш, когнитив бузилишларни деменция ҳолатига ўтиб кетмаслигининг олдини олиш, даволаш самарадорлигини 25% га ошириш, ногиронлик ва ўлим кўрсаткичларини камайтириш ҳамда беморлар ҳаёт сифатини яхшилаш имконини берган.