Худайбердиев Икрам Акрамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Ғалтакмолали мола-текислагични такомиллаштириш ва параметрларини асослаш”, 05.07.01 – Қишлоқ хўжалиги ва мелиорация машиналари. Қишлоқ хўжалиги ва мелиорация ишларини механизациялаш (техника фанлари).
Диссертация мавзуси рўйхатга олинган рақам: B2022.4.PhD/T3358.
Илмий раҳбар: Тўхтақўзиев Абдусалим техника фанлари доктори, профессор.
Диссертация бажарилган муассаса номи: Қишлоқ хўжалигини механизациялаш илмий-тадқиқот институти.
ИК фаолият кўрсатаётган муассаса номи, ИК рақами: Қишлоқ хўжалигини механизациялаш илмий-тадқиқот институти, DSc.08/2025.27.12.T.13.01.
Расмий оппонентлар: Имомқулов Қутбиддин Боқижонович техника фанлари доктори, профессор; Барлибаев Шерзод Накиббекович техника фанлари бўйича фалсафа доктори, доцент.
Етакчи ташкилот: Қишлоқ хўжалиги техникаси ва технологияларни сертификатлаш ва синаш маркази.
Диссертация йўналиши: назарий ва амалий аҳамиятга молик.
II. Тадқиқотнинг мақсади ғалтакмолали мола-текислагични такомиллаштириш ва параметрларини асослаш орқали ерларни экишга тайёрлашда иш сифати ва унумини ошириш, ёнилғи ва бошқа харажатлар сарфини камайтиришдан иборат.
III. Тадқиқотнинг илмий янгилиги қуйидагилардан иборат:
такомиллаштирилган ғалтакмолали мола-текислагичнинг конструктив схемаси у қўлланилганда иш сифати ва унуми ортиши ҳамда энергия-ресурстежамкорлик таъминланиши ҳисобга олиниб ишлаб чиқилган; 
 такомиллаштирилган ғалтакмолали мола-текислагичнинг параметрлари тупроқнинг хоссалари (ҳажмий эзилиш коэффитсиэнти, ташқи ва ички ишқаланиш бурчаклари, зичлиги) ҳамда унинг уваланиш сифати ва зичлиги белгиланган талабларга мос бўлиши, тортишга қаршилик эса кам бўлиши ҳисобга олиниб аниқланган; 
такомиллаштирилган мола-текислагич понасимон ғалтакмоласининг солиштирма массаси унинг осиш қурилмаси ва тракторнинг осиш механизми ўлчам ва параметрлари ҳисобга олиниб аниқланган;
 такомиллаштирилган ғалтакмоланинг диаметри, у понасимон қисмининг ўткирланиши бурчаги ва унга бериладиган тик юкланиш уларнинг мола-текислагичнинг иш кўрсаткичларига таъсирини баҳоловчи регрессия тенгламаларини талаблар даражасидаги иш сифати минимал энергия сарфланган ҳолда таъминланиши шартидан биргаликда ечиш орқали аниқланган.
IV. Тадқиқот натижаларининг жорий қилиниши. Ғалтакмолали мола-текислагични такомиллаштириш ва параметрларини асослаш бўйича олинган натижалар асосида:
таклиф этилаётган мола-текислагичга Ўзбекистон Республикаси Адлия вазирлиги ҳузуридаги Интеллектуал мулк марказининг фойдали моделга патенти олинган (“Мола-текислагич”, ФАП 2549). Натижада иш сифати ва унуми юқори ҳамда энергия-ресурстежамкор мола-текислагичнинг конструксиясини ишлаб чиқиш имкони яратилган; 
ишлаб чиқилган понасимон ғалтакмолали мола-текислагич Қишлоқ хўжалигини механизациялаш илмий-тадқиқот институтининг тажриба хўжалиги ва Сирдарё вилоятининг Гулистон туманидаги “ФЕМИДА ПЛЮС ҲАМКОР” фермер хўжалигида ҳамда “Гулистон шоли элита уруғчилик хўжалиги” МЧЖ да жорий этилган (Қишлоқ хўжалигида билим ва инновациялар миллий марказининг 2026-йил 17-июндаги 05/04-04-582-сон маълумотномаси). Натижада амалдаги техника воситаларига нисбатан меҳнат сарфи 11 фоизга ва эксплуатацион харажатлар 12 фоизга камайиши ва иш унуми 1,10-1,15-марта ошиши таъминланган; 
ғалтакмолали мола-текислагичнинг саноат нусхаларини ишлаб чиқиш ва тайёрлаш учун унинг лойиҳа-конструкторлик ҳужжатлари (дастлабки талаблар, техник топшириқ ва чизмалар) “Бахт тажриба механика корхонаси” МЧЖ да лойиҳалаш жараёнига жорий этилган (Бахт тажриба механика корхонаси МЧЖ нинг 2026-йил 12-июндаги маълумотномаси). Натижада асосланган параметрларга эга бўлган понасимон ғалтакмолали мола-текислагични саноат нусхасини ишлаб чиқариш имкони яратилган.