Шамсиддинова Альфия Сайфиддиновнанинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ўткир коронар синдромли беморларда катехоламинлар метаболизмининг бузилиши ва бирламчи медиаторлар яллиғланишининг ўзаро боғлиқлиги», 14.00.06–Кардиология (тиббиёт фанлари).
Диссертация мавзуси рўйхатга олинган рақам: В2017.1.PhD/Tib36.
Илмий маслаҳатчи: Хужамбердиев Мамазоир Ахмедович, тиббиёт фанлари доктори, профессор.
Диссертация бажарилган муассаса номи: Андижон давлат тиббиёт институти.
ИК фаолият кўрсатаётган муассаса номи, ИК рақами: Республика ихтисослаштирилган кардиология илмий - амалий тиббиёт маркази, DSc.26.04.2018.Тib.64.01.
Расмий оппонентлар: Алимов Данияр Анварович, тиббиёт фанлари доктори; Расулова Зулфия Дадаевна, тиббиёт фанлари доктори.
Етакчи ташкилот: Тошкент тиббиёт академияси.
Диссертация йўналиши: амалий аҳамиятга молик.
II. Тадқиқотнинг мақсади: ўткир коронар синдромли беморларда симпато-адренал тизим функционал ҳолати, яллиғланишнинг бирламчи медиаторлари фаоллигининг ўзига хос хусусиятини аниқлаш асосида эрта ташхис ҳамда дифференцирланган тактикани оптималлаштиришдан иборат.
III. Тадқиқотнинг илмий янгилиги:
ЎКСнинг шаклланиши ва зўрайишида нейрогуморал, адренергик, иммун-яллиғланиш тизимлари орасидаги ўзаро потенцирловчи алоқанинг мавжудлиги ва унинг фаоллигининг роли асосланган;
ЎКСда симпатик-адренал тизими фаоллигининг ошиши липидлар оксидланишининг кучайишига сабаб бўлиб, МАО ферментининг каталитик хусусиятлари модификациясига олиб келиши аниқланган;
ЎКСда протеин плазма–А (PAPP-A) даражасининг ошиши уни миокарднинг эрта шикастланишининг предиктори сифатида кардиоспецифик маркерлар билан бир қаторда ЎКС диагностикасида қўлланилиши мумкинлиги исботланган;
ЎКСли беморларда касалликнинг кечишини башорат қилиш учун мия натрий-уретик пептиди NT–pro BNPнинг миқдорини аниқлаш эрта дифференцирланган тактика олиб бориш учун зарурлиги асосланган.
IV. Тадқиқот натижаларининг жорий қилиниши.
Ўткир коронар синдромли беморларда катехоламинлар метаболизмининг бузилиши ва бирламчи медиаторлар яллиғланишининг ўзаро боғлиқлигини эрта аниқлашга янгича ёндашувларни оптималлаштириш бўйича олинган илмий натижалар асосида:  
«Ўткир коронар синдромни эрта ташхислашга янгича ёндашув» усулубий тавсияномаси тасдиқланган (Соғлиқни сақлаш вазирлигининг 2019 йил 24 июндаги 8н-з/111-сон маълумотномаси). Мазкур методик тавсиянома ЎКСли беморларда КА метаболизми бузилишлари, яллиғланишнинг бирламчи медиаторлари ҳамда касалликнинг нохуш башорати маркерлари ўртасидаги ўзаро алоқани ўрганиш, ЎКСнинг эрта ривожланиш босқичида фаол даволаш-профилактик чораларни оптималлаштириш имконини берган;
ЎКСни нейрогуморал ва иммунологик тизимларнинг фаоллигини ўрганиш асоссида ЎКСни эрта ташхислаш ва даволаш самарадорлигини ошириш борасида олинган натижалар соғлиқни сақлаш амалиётига, жумладан, Андижон давлат тиббиёт институти клиникаси кардиология бўлими фаолиятига, Андижон вилояти Республика шошилинч тиббий ёрдам илмий марказининг кардиология бўлимига, Андижон вилоят кўп тармоқли тиббиёт марказининг кардиология бўлими амалиётига татбиқ этилган (Соғлиқни сақлаш вазирлигининг 2019 йил 24 июндаги 8н-з/111-сон маълумотномаси). Олинган натижалар ЎКСни эрта ташхислаш кўрсаткичларини ошириш, беморларнинг реанимацияда бўлиш муддатларини қисқартириш, летал натижалар частотасини камайтириш имконини берган.