Темирова Саодат Ёровнанинг
фалсафа  доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Герпесвирусли инфекция турли вариантларини шаклланиши ва кечишининг клиник-иммунологик жиҳатлари», 14.00.36–Аллергология ва иммунология (тиббиёт фанлари).
Диссертация мавзуси рўйхатга олинган рақам: В2017.1PhD/Tib148.
Илмий раҳбар: Ахмедова Халида Юлдашевна, тиббиёт фанлари доктори.
Диссертация бажарилган муассаса номи: Эпидемиология, микробиология ва юқумли касалликлар илмий-текшириш институти.
ИК фаолият кўрсатаётган муассаса номи, ИК рақами: Иммунология ва инсон геномикаси институти, DSc.30.08.2018.Tib.50.01.
Расмий оппонентлар: Залялиева Марьям Валиахмедовна, биология фанлари доктори, профессор; Набиев Талат Абдувахабович, тиббиёт фанлари доктори.
Етакчи ташкилот: Вирусология илмий-текшириш институти.
Диссертациянинг йўналиши: амалий аҳамиятга молик.
II. Тадқиқотнинг мақсади: герпесвирусли инфекция турли вариантлари шаклланиши ва кечишининг клиник-иммунологик  жиҳатларини аниқлашдан иборат.
III. Тадқиқотнинг илмий янгилиги:
герпесвирусли инфекция бирламчи аниқланганда  CD3, CD4, CD8, CD20 ва ИРИ кўрсаткичларнинг ишонарли камайиши ва IgA, IgM, IgG миқдорининг кескин  ортишига боғлиқ иммун тизимидаги номутаносиблик бўлиши исботланган;
илк бор герпесвирусли инфекцияда аёлларда – тухумдон, эндометрий, миометрий эркакларда – простата ҳамда умумий – жигар, буйрак, ўпка, тўқима антигенларига (ТАГ) нисбатан махсус антиген боғловчи лимфоцитлар (АБЛ) кўрсаткичларининг ортиши аниқланган;
кам ва тез-тез қайталанувчи герпесвирусли инфекцияда IL-4, IL-6 ва IL-8 миқдорлари ортиши ҳамда яллиғланишга хос ва қарши цитокинлар (IL-6/IL-4, IL-8/IL-4) ўзаро нисбати кўрсаткичи камайишига боғлиқ иммунитет фаолиятининг ўзгариши аниқланган;
герпесвирусли инфекция турли кўринишларида иммун тизим ҳолати ўзгаришларига боғлиқ иммун бошқарув индекси (CD4/CD8)нинг камайиши касаллик тез-тез қайталанишининг предиктори эканлиги исботланган.
IV. Тадқиқот натижаларининг жорий қилиниши.
Герпесвирусли инфекция турли вариантлари шаклланиши ва кечишининг клиник-иммунологик жиҳатларини аниқлаш бўйича олинган илмий натижалар асосида:
«Иммунологик кўрсаткичларини қўллаш асосида  ўткир герпесвирусли инфекцияларнинг  турли оқибатларини эрта башорат қилиш» номли услубий тавсиянма тасдиқланган (Соғлиқни сақлаш вазирлигининг 2018 йил 15 майдаги 8н-р/126-сон маълумотномаси). Мазкур услубий қўлланма герпесвирусли инфекция турли вариантлари шаклланиши ва кечишида иммунитетнинг ҳужайравий ва гуморал бўғинидаги  бузилишларни эрта аниқлаш ҳамда ўз вақтида даволашнинг оптимал усулларини танлашга ва касалликнинг олдини олишга хизмат қилган;
герпесвирусли инфекция турли вариантлари шаклланиши ва кечишининг клиник-иммунологик жиҳатларини аниқлаш бўйича олинган илмий натижалар соғлиқни сақлаш амалиётига, жумладан, Республика ихтисослаштирилган   дерматовенерология ва косметология илмий-амалий маркази ва «OPTIMED» МЧЖ клиникаси амалиётларига жорий қилинган (Соғлиқни сақлаш вазирлигининг 2018 йил 20 июндаги 8н-д/153-сон  маълумотномаси). Жорий қилинган натижалар герпесвирусли инфекция турли вариантлари билан касалланган беморларда ташхислаш ва янги иммунокорегирловчи даволаш услубини қўллаш орқали касалликни қайталаниш даражасини камайтиришга, беморларнинг ҳаёт сифатини яхшилашга имкон яратган.