Хатамов Асрор Худойбердиевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Адир шароитида турли этологик типдаги қорақалпоқ сур қоракўл қўйларининг био-маҳсулдорлик хусусиятлари», 06.02.03–Хусусий зоотехния. Чорвачилик маҳсулотларини ишлаб чиқариш технологияси (қишлоқ хўжалиги фанлари).
Диссертация мавзуси рўйхатга олинган рақам: B2017.3.PhD/Qx173.
Илмий раҳбар: Бобоқулов Насилло Асадович, қишлоқ хўжалиги фанлари доктори, профессор.
Диссертация бажарилган муассаса номи: Қоракўлчилик ва чўл экологияси илмий-тадқиқот институти.
ИК фаолият кўрсатаётган муассасалар номи, ИК рақами: Қоракўлчилик ва чўл экологияси илмий-тадқиқот институти  ва Самарқанд ветеринария медицинаси институти, PhD.30.08.2018.Qх.75.01.
Расмий оппонентлар: Турганбаев Рўзимбай Уразбаевич, қишлоқ хўжалик фанлари доктори, профессор; Эшматов Иззатилло Янгибоевич, қишлоқ хўжалиги фанлари номзоди.
Етакчи ташкилот: Тошкент давлат аграр университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: янги экологик шароитда турли этологик типдаги қорақалпоқ сур қоракўл қўйларининг биологик ва маҳсулдорлик кўрсаткичларини аниқлаш асосида уларнинг маҳсулдорлигини оширишнинг илмий асосларини ишлаб чиқишдан иборат.
III. Тадқиқотнинг илмий янгилиги:
илк бор янги экологик ҳудуд ҳисобланган адир шароитида турли этологик типдаги қорақалпоқ сур қоракўл қўйларининг этологик, конституционал, ўсиш ва ривожланиш каби биологик хусусиятлари аниқланган;
турли этологик типдаги қорақалпоқ сур қоракўл қўйларининг барра тери хусусиятларини янги урчитиш ҳудуди шароитида ўрганиш асосида уларнинг ирсий имкониятларидан оқилона фойдаланиш йўллари аниқланган.
турли этологик типдаги қорақалпоқ сур қоракўл қўйларининг маҳсулдорлик хусусиятларини ўрганиш асосида улар маҳсулдорлигини ошириш йўллари ишлаб чиқилган;
қорақалпоқ сур қоракўл қўйларининг конституционал ва этологик хусусиятлари ўртасидаги боғлиқликлар аниқланган.
IV. Тадқиқот натижаларининг жорий қилиниши.
Адир шароитида турли этологик типдаги қорақалпоқ сур қоракўл қўйларининг биологик ҳамда маҳсулдорлик хусусиятларини ўрганиш йўналишида олиб борган тадқиқот натижалари асосида:
янги урчитиш шароитида турли этологик типдаги қорақалпоқ сур қўйларида биологик ва маҳсулдорлик хусусиятларининг юқори даражада намоён бўлишини таъминловчи селекциялаш усуллари Нурота тумани «Истиқлол қоракўл наслчилик» МЧЖда жорий этилган (Ветеринария ва чорвачиликни ривожлантириш давлат қўмитасининг 2019 йил 25 июндаги 02/17-377-сон маълумотномаси). Натижада 1 дона қорақалпоқ сур қоракўл териларини етиштиришдан этологик типлар бўйича соф фойда 20360,7–21679,0 сўмни, рентабеллик даражаси эса 85,5–92,7 фоизни ташкил этган;
қорақалпоқ сур қоракўл қўйларининг этологиясини ҳисобга олган ҳолда уларнинг гўшт маҳсулдорлигини ошириш технологияси Нурота тумани «Истиқлол қоракўл наслчилик» МЧЖда жорий қилинган (Ветеринария ва чорвачиликни ривожлантириш давлат қўмитасининг 2019 йил 25 июндаги 02/17-377-сон маълумотномаси). Натижада  этологик типлар миқиёсида бир бош қорақалпоқ сур қоракўл қўйларини урчитишдан соф фойда 217160–258720 сўмни, рентабеллик даражаси 68,5–78,5 фоизни ташкил этган;  
қўйларнинг ўсиш ва ривожланиш хусусиятларини, қўчқорларнинг насл сифатини ҳамда улардан олинадиган авлодлар сифатини ошириш мақсадида қоракўл қўйларини селекциялаш  ва уларнинг биологик ҳамда маҳсулдолик хусусиятларини такомиллаштириш усуллари Нурота тумани «Истиқлол қоракўл наслчилик» МЧЖда жорий этилган (Ветеринария ва чорвачиликни ривожлантириш давлат қўмитасининг 2019 йил 25 июндаги 02/17-377-сон маълумотномаси). Натижада барча этологик типдаги 1 бош қорақалпоқ сур қоракўл қўйларини урчитишдан ўртача соф фойда 25576 сўмни, рентабеллик даражаси 89,1 фоизни ташкил қилган.