Усмонова Юлдуз Исроил қизининг

фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертасия мавзуси, ихтисослик шифри (илмий даража бериладиган тармоғи номи): «Поликонденсацион қатронларнинг сувли дисперсия технологияси ва уларни лок-бўёқ саноатида ишлатилиши», 02.00.14 - Органик моддалар ва улар асосида материаллар технологияси (техника фанлари).
Диссертасия мавзуси рўйхатга олинган рақам: B2026.1.PhD/T6365.
Илмий раҳбар: Адилов Равшан Иркинович, техника фанлари доктори, профессор.
Диссертасия бажарилган муассаса номи: Тошкент кимё-технология институти.
ИК фаолият кўрсатаётган муассаса номи, ИК рақами: Тошкент кимё-технология институти, DSc.03/2025.27.12.Т.42.01.
Расмий оппонентлар: Рахманбердиев Ғаффор Рахманбердиевич, кимё фанлари доктори, профессор; Муҳиддинов Баҳодир Фахриддинович, кимё фанлари доктори, профессор.
Етакчи ташкилот: Қарши давлат техника университети.
Диссертасия йўналиши: назарий ва амалий аҳамиятга молик.
II. Тадқиқотнинг мақсади: поликонденсацион қатронларнинг сувли дисперсияларини олиш технологиясини ишлаб чиқиш ҳамда лок-бўёқ саноатида қўллашдан иборат.
III. Тадқиқотнинг илмий янгилиги:
антикоррозион лок-бўёқларнинг олигомер ташкил қилувчиси сифатида ЭД-20 ва KER-828 маркали эпоксид қатронлари илмий асосланган;
металл юзалар учун антикоррозион лок-бўёқ қопламалари олиш мақсадида қоплама ҳосил қилувчи сифатида ишлатиладиган классик эпоксид қатронлар ЭД-20, KER-828 асосида эпоксид қатрон, эмулгатор (бутилгликол) ва сувдан иборат эмулсия 20 ºC ҳароратда, 500-600 ayl/min да, 50-60 мин давомида синтез қилиб олинган;
эпоксид эмулсия асосида кимёвий чидамли, антикоррозион хоссаларга эга индустриал лок-бўёқ материали ва қопламаси олишнинг самарали ретсептура ва технологияси ишлаб чиқилган;
эпоксидларининг технологик хоссалари (қовушқоқлик, қуруқ модда миқдори, сақлаш барқарорлиги, ишловчанлиги) аниқланиб, қопламанинг молекуляр тузилиши, диспергирланган пигмент пастаси қўшилганда, ялтироқлик, ишқор ва намлик таъсирига чидамли лок-бўёқ маҳсулот олиш мумкинлиги исботланган;
поликонденсацион қатронларнинг сувли дисперсиялари асосида лок-бўёқ ни олиш олиш технологияси ишлаб чиқилган.
IV. Тадқиқот натижаларининг жорий қилиниши. Поликонденсат қатронларнинг сувли дисперсия технологияси ва уларни лок-бўёқ саноатида қўлланилишини ишлаб чиқиш натижасида:
поликонденсацион қатронларнинг сувли дисперсиялари олиш технологияси “Original Color Mix” МЧЖ корхонасида амалиётга жорий қилинган (Ўзбекистон қурилиш материаллари саноати корхоналари уюшмасининг 2025-йил 29-декабрдаги 02/15-4402-сонли маълумотномаси). Натижада металл юзалар учун индустриал, антикоррозион, ёнғинга бардошли юқори сифатли қопламалар ишлаб чиқариш имконини берган;
поликонденсацион қатронларнинг сувли дисперсиялари асосида лок бўёқ маҳсулотлари олиш технологияси “Original Color Mix” МЧЖ корхонасида амалиётга жорий қилинган (Ўзбекистон қурилиш материаллари саноати корхоналари уюшмасининг 2025-йил 29-декабрдаги 02/15-4402-сонли маълумотномаси). Натижада корхонада 67 миллион 400 минг сўм иқтисодий самарадорликка эришииб, экологик тоза ҳамда иқтисодий тежамкор лок-бўёқ маҳсулотлари ишлаб чиқариш имконини берган.