Касимов Шерзод Баходировичнинг

фалсафа доктори (PhD) диссертацияси ҳимояси ҳақида эълон

I.Умумий маълумотлар: Диссертация мавзуси, ихтисослик шифри (илмий даража берадиган фан тармоғи): «Антифрикцион-ейилишга чидамли композицион полипропилен деталларни олишнинг самарали технологиясини ишлаб чиқиш ва уларни пахта машиналарида қўллаш», 02.00.07 – Композицион, лок-бўёқ ва резина материаллари кимёси ва технологияси (техника фанлари).
Диссертация мавзуси рўйҳатга олинган рақам: В2026.3.PhD/Т6931.
Илмий раҳбар: Негматов Жахонгир Носир ўғли, техника фанлари бўйича фалсафа доктори (PhD), катта илмий ходим.
Диссертация бажарилган муассаса номи: Тошкент давлат техника университети «Фан ва тараққиёт» ДМ.
ИК фаолият кўрсатаётган муассаса номи: Тошкент давлат техника университети «Фан ва тараққиёт» ДМ, DSc.03/2025.27.12.Т.02.06.
Расмий оппонентлар: Ўлмасов Тўлқин Усманович, техника фанлари доктори, катта илмий ходим; Жавлиев Сирожиддин Суюнович, техника фанлари доктори, катта илмий ходим.
Етакчи ташкилот номи: Тошкент кимё - технология институти.
Диссертация йўналиши: амалий аҳамиятга молик.
II. Тадқиқотнинг мақсади: Антифрикцион-ейилишга чидамли композицион полипропилен деталларни олишнинг самарали технологиясини ишлаб чиқиш ва уларни пахта машиналарида қўллашдан иборат.
III. Тадқиқотнинг илмий янгилиги:
АППК ва АИППК синфидаги композицион полипропилен материалларнинг физик-механик ва антифрикцион-ейилишбардошлик хусусиятларининг босим остида қуйиш технологик параметрларига боғлиқ равишда ўзгариш қонуниятлари аниқланган ва композицион полипропилен деталларни шакллантиришнинг мақбул технологик режимлари (Тр=503-523 К, Р=110-130 МПа) белгиланган, шунингдек улардан буюмларни конструкциялаш тамойиллари ишлаб чиқилган;
полипропилен композитларнинг физик-механик ва антифрикцион-ейилишга чидамли хусусиятларини технологик режимларга боғлиқ равишда ўзгаришининг қонуниятлари аниқланган ва юқори физик-механик ҳамда антифрикцион-ейилишга чидамли хусусиятларга эга бўлган композицион полипропилен материаллари ва улардан қозиқсимон деталлар ишлаб чиқилган;
пахта хом ашёси билан фрикцион ўзаро таъсир шароитида ишлайдиган, қайта ишлашнинг мақбул технологик режимларида олинган, механик фаоллаштирилган органоминерал ингредиентлар билан тўлдирилган композицион полипропилен материаллар ва улардан тайёрланган деталларнинг ейилишга чидамлилиги танланган дастлабки полипропилен материаллардан тайёрланган деталларга нисбатан 1,5-1,8 баравар ошиши аниқланган;
мақбул технологик режимларда олинган ва пахта тозалаш машиналари ва механизмларининг ишчи органларига ўрнатилган композицион полипропилен деталларни қўллаш уларнинг ишончлилиги ва ишлаш қобилиятини сезиларли даражада ошириш, чигит ва пахта толаларининг шикастланишини камайтириш, пахта хомашёсини қабул қилиш, сақлаш, қисмларга ажратиш ва ташиш жараёнида эркин тола ҳосил бўлишини камайтириш, шунингдек, учқун ҳосил бўлиши ва уларнинг ёниб кетиш эҳтимолини бартараф этиш имконини бериши аниқланган.
IV. Тадқиқот натижаларининг жорий қилиниши. Антифрикцион-ейилишга чидамли композицион полипропилен деталларни олишнинг самарали технологиясини ишлаб чиқиш ва уларни пахта машиналарида қўллаш бўйича олинган натижалар асосида:
антифрикцион-ейилишга чидамли композицион полипропилен материалларнинг самарали таркиблари «KOMPOZIT NANOTEXNOLOGIYASI” МЧЖ ишлаб чиқариш базасида ишлаб чиқариш учун амалиётга жорий этилган (O`zto`qimachiliksanoat уюшмасининг 2026 йил 4 августдаги 01/06-1134-сонли маълумотномаси). Натижада, антифрикцион-ейилишга чидамли композицион полипропилен қопловчи деталларнинг турғунлигини 2,0-2,5 баробарга ошириш имконини берган;
ишлаб чиқилган композицион полипропилен полимер материаллари ва улардан қозиқли деталлар Тошкент вилояти Пискент пахта тозалаш заводида амалиётга жорий этилган (O`zto`qimachiliksanoat уюшмасининг 2026 йил 4 августдаги 01/06-1134-сонли маълумотномаси). Натижада, пахта тозалаш машина ва механизмларининг иш унумдорлигини 6,6-14,8% га ошириш имконини берган.