Қурбонов Ўрал Мелиқуловичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар: Диссертация мавзуси, ихтисослик шифри (илмий даража берадиган фан тармоғи): «Импорт ўрнини босувчи композицион кимёвий флотореагент-кўпиклантирувчиларнинг самарали таркибларини ишлаб чиқиш ва уларни мис-молибден рудалари пульпасидан молибденни ажратиб олиш учун рудаларни флотация жараёнида қўллаш», 02.00.07 – Композицион, лок-бўёқ ва резина материаллари кимёси ва технологияси, 05.02.01 – Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйҳатга олинган рақам: В2026.3.PhD/T6933.
Илмий раҳбарлар: Хурсанов Абдулла Халмурадович, техника фанлари доктори, катта илмий ходим; Негматов Жахонгир Носир ўғли, техника фанлари бўйича фалсафа доктори (PhD), катта илмий ходим.
Диссертация бажарилган муассаса номи: Тошкент давлат техника университети «Фан ва тараққиёт» ДМ.
ИК фаолият кўрсатаётган муассаса номи: Тошкент давлат техника университети «Фан ва тараққиёт» ДМ, DSc.03/2025.27.12.Т.02.06.
Расмий оппонентлар: Бозоров Аминжон Нуриллоевич, техника фанлари доктори, катта илмий ходим; Худояров Сулеймон Рашидович, техника фанлари доктори, доцент.
Етакчи ташкилот номи: Тошкент кимё-технология институти.
Диссертация йўналиши: амалий аҳамиятга молик.
II. Тадқиқотнинг мақсади: импорт ўрнини босувчи композицион кимёвий флотореагент-кўпиклантирувчиларнинг самарали таркибларини ишлаб чиқиш ва уларни мис-молибден рудалари пульпасидан молибденни ажратиб олиш учун рудаларни флотация жараёнида қўллашдан иборат.
III. Тадқиқотнинг илмий янгилиги:
маҳаллий хомашё ва ишлаб чиқариш чиқиндилари асосидаги органо-ноорганик ингредиентларнинг табиати, тури, миқдори ва нисбатига, шунингдек, мис-молибден рудаларини флотация қилиш жараёнининг технологик омилларига қараб ишлаб чиқилаётган композицион кимёвий флотореагент-кўпиклантирувчиларнинг физик-кимёвий хоссаларининг ўзгариш қонуниятлари илмий асосланган;
аниқланган қонуниятлар асосида мис-молибден рудаларини флотациялаш жараёнида қўллаш учун маҳаллий хомашё ва ишлаб чиқариш чиқиндиларидан олинган органо-ноорганик ингредиентлар асосида импорт ўрнини босувчи композицион кимёвий флотореагент-кўпиклантирувчиларнинг самарали таркиблари ишлаб чиқилган;
мис-молибден рудаларини флотация қилиш жараёнида ишлаб чиқилган композицион кимёвий флотореагент-кўпиклантирувчиларни қўллаш имконияти кўрсатилган бўлиб, улар мавжудлиги, арзонлиги ва самарадорлиги билан ажралиб туради ҳамда юқорида санаб ўтилган импорт кўпиклантирувчилар (Т-66, Т-80, Т-92 ва Т-94)ни ўрнини боса олиши асосланган;
мис-молибден рудаларини флотациялаш жараёнида хомаки концентрат таркибидаги молибденни ажратиб олиш учун мўлжалланган импорт ўрнини босувчи композицион кимёвий флотореагент-кўпиклантирувчиларни олишнинг инновацион технологияси ишлаб чиқилган.
IV. Тадқиқот натижаларининг жорий қилиниши. Импорт ўрнини босувчи композицион кимёвий флотореагент-кўпиклантирувчиларнинг самарали таркибларини ишлаб чиқиш ва уларни мис-молибден рудалари пульпасидан молибденни ажратиб олиш учун рудаларни флотация жараёнида қўллаш бўйича олинган илмий натижалар асосида:
композицион кимёвий флотореагент-кўпиклантирувчиларни олиш учун ишлаб чиқилган технологик регламент «Олмалиқ КМК» АЖ раҳбарияти томонидан тасдиқланган («Олмалиқ КМК» АЖнинг 2026 йил 2 сентябрдаги SL-887-сон маълумотномаси). Натижада, маҳаллий хомашё ва ишлаб чиқариш чиқиндилари асосида самарали композицион кимёвий флотореагент-кўпиклантирувчиларни олиш имконини берган;
камёб компонентларни юқори даражада ажратиб оладиган импорт ўрнини босувчи, арзон ва самарали композицион кимёвий флотореагент-кўпиклантирувчилар «Олмалиқ КМК» АЖнинг мис бойитиш фабрикасида (МБФ) амалиётга жорий этилган («Олмалиқ КМК» АЖнинг 2026 йил 2 сентябрдаги SL-887-сон маълумотномаси). Натижада, молибден миқдори 0,0033% бўлган руда таркибидаги молибденни 87,8% гача ажратиб олиш имконини берган.