Соатов Беҳзод Шокир ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): “Хондиза кони маъданларидан мис бойитмасини ажратиб олишда бойитиш жараёни технологик режимларини такомиллаштириш”, 04.00.14 – Фойдали қазилмаларни бойитиш (техника фанлари).
Диссертация мавзуси рўйхатга олинган рақам: B2025.4.PhD/Т6140.
Илмий раҳбар: Хакимов Камол Жураевич, техника фанлари фалсафа доктори (PhD), доцент.
Диссертация бажарилган муассасалар номи: Қарши давлат техника университети.
ИК фаолият кўрсатаётган муассаса номи, ИК рақами: Қарши давлат техника университети, PhD.03/2025.27.12.Т.17.04.
Расмий оппонентлар: Саидахмедов Актам Абдисамиевич, техника фанлари доктори, доцент; Махмарежабов Дилмурод Бахтиярович, техника фанлари доктори, доцент.
Етакчи ташкилот: Олмалиқ давлат техника инцитути.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: Хондиза полиметалл маъданларини флотация усули билан бойитиш технологиясини такомиллаштириш орқали мис бойитмаси ажратиб олиш самарадорлигини оширишдан иборат.
III. Тадқиқотнинг илмий янгилиги:
Хондиза полиметалл маъданларининг кимёвий, минералогик ва гранулометрик хусусиятлари ҳамда рангли металларнинг маъдан таркибида тарқалиш хусусиятлари аниқланиб, уларнинг флотацион бойитилиш жараёнига таъсири асосланган;
Полиметалл маъданларни бойитишда асосий флотация босқичида депрессор (бостирувчи) СБА реагентининг оптимал сарфи 1100 г/т эканлиги аниқланган, бунда миснинг умумий ажралиш даражасини 55,85 % га етказишга асосланган;
полиметалл маъданлардан мисни бойитиш бўлинмасига мис-қўрғошин асосий флотациясини икки босқичда олиб боришни киритиш ва йиғувчи бутил ксантогенат  сарфини 154 г/т дан 170 г/т гача ошириш билан Cу нинг умумий ажралиш даражасини 12% га оширишга асосланган;
коллектив Cу–Пб бойитмасидан мисни селектив ажратиб олишнинг сифат-миқдор схемаси ишлаб чиқилган.;
Хондиза полиметалл маъданларидан рангли металлар бойитмаларини комплекс ажратиб олиш бўйича такомиллашган технологик схема ва дастгоҳлар занжири схемаси ишлаб чиқилган, оптимал реагент сарфлари асосланган.
IV. Тадқиқот натижаларининг жорий қилиниши. Хондиза конининг полиметалл мис-қўрғошин маъданларидан мис ва рангли металларни ажратиб олиш бўйича олинган илмий натижалар асосида:
таклиф этилган флотация жараёнининг такомиллаштирилган схемаси ва реагентлар режимини оптималлашган миқдорлари “Олмалиқ кон-металлургия комбинати” АЖда амалиётга жорий этилган (“Олмалиқ КМК” АЖнинг 2026 йил 6 майдаги 06-26/01-00862-сонли маълумотномаси). Натижада, мисни умумий ажратиб олиш даражаси 55,85 % гача оширилган, бойитмадаги Cу миқдори эса 18 % га оширишга эришилган;
Хондиза конининг полиметалл маъданларидан мисни бойитишнинг такомиллаштирилган технологик схемаси “ОКМК” АЖнинг Хондиза бойитиш фабрикасида амалиётга жорий этилган (“Олмалиқ КМК” АЖнинг 2026 йил 6 майдаги 06-26/01-00862-сонли маълумотномаси). Натижада, мис бойитиш бўлинмасига мис-қўрғошин асосий флотациясини икки босқичда олиб боришни киритиш ҳамда йиғувчи бутил ксонтогенат сарфини 154 г/т дан 170 г/т гача ошириш билан Cу нинг умумий ажралиш даражасини 12 % га оширишга имконини берган;
Хондиза полиметалл маъданларидан рангли металларни комплекс ажратиб олишнинг такомиллаштирилган технологик схемаси “Олмалиқ КМК” АЖнинг Хондиза бойитиш фабрикаси шароитида амалиётга жорий этилган (“Олмалиқ КМК” АЖнинг 2026 йил 6 майдаги 06-26/01-00862-сонли маълумотномаси). Натижада қўлланилган технология асосида миснинг бойитмага ўтиши синов тажриба натижасида юқори кўрсаткични ташкил этган.