Исмоилов Жаҳонгир Абдувоҳид ўғлининг

фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): Ички ишлар органларининг жамоатчилик билан алоқаларини ривожлантиришнинг ижтимоий-фалсафий таҳлили, 09.00.04 – Ижтимоий-фалсафа (фалсафа фанлари).
Диссертация мавзуси рўйхатга олинган рақам: B2024.2.PhD/Fal1307
Диссертация бажарилган муассаса номи: Самарқанд давлат чет тиллари институти.
ИК фаолият кўрсатаётган муассаса номи, ИК рақами: Самарқанд давлат педагогика институти ҳузуридаги илмий даражалар берувчи DSc.01/2025.27.12.F.10.02.
Илмий раҳбар: Саиткасимов Акбар Исаханович, фалсафа фанлари доктори (DSc), профессор. Расмий оппонентлар: Айматов Аминжон Кудратович, фалсафа фанлари доктори, дотсент; Тураев Абдунаби Рустамович, фалсафа фанлари бўйича фалсафа доктори (PhD).
Етакчи ташкилот: Шароф Рашидов номидаги Самарқанд давлат университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади. ички ишлар органларида жамоатчилик билан алоқаларини таъминлашнинг ижтимоий-фалсафий моҳиятини очиб бериш ҳамда уни такомиллаштириш бўйича таклиф-тавсиялар ишлаб чиқишдан иборат.
III. Тадқиқотнинг илмий янгилиги:
жамоатчилик билан алоқалар жараёни жамиятнинг барча тизимлари ўртасида конструктив мулоқотга асосланган ижтимоий интегратив муносабат ва стратегик мақсадларга эришишда қулай омил эканлиги исботланган;
жамоатчилик билан алоқаларни юксалтиришнинг ижтимоий ҳаётга таҳдидлар ва деструктив таъсирларни олдини олишнинг перманент омилларининг ички ишлар тизими билан детерминант жараёнларини ижтимоий-фалсафий жиҳатлари тадқиқ этилган;
жамоатчилик билан алоқалар феноменининг ижтимоий муносабатларнинг муҳим атрибути сифатида ички ишлар тизими фаолияти самарадорлигига позитив таъсири, тизимнинг профессионал имиджини шакллантиришда регулятив функцияси асосланган;
жамоатчилик билан алоқаларни сифат жиҳатидан юқори даражага кўтариш ички ишлар органларининг аҳолига очиқлик, шаффофлик, ўзаро ҳурмат, холислик, ўзаро тушуниш ва ҳамкорлик асосида хизмат қилиш тамойилларини вужудга келтириши исботланган.
IV. Тадқиқот натижаларининг жорий қилиниши:
Мамлакатимизда ички ишлар органларида жамоатчилик билан алоқаларни ривожлантиришнинг ижтимоий-фалсафий механизмларини тадқиқ этиш асосида:
жамоатчилик билан алоқалар феноменининг ижтимоий муносабатларнинг муҳим атрибути сифатида ички ишлар тизими фаолияти самарадорлигига позитив таъсир кўрсатиши, тизимнинг профессионал имиджини шакллантиришда регулятив функцияга эгалиги борасидаги хулоса ва таклиф-тавсияларидан Ўзбекистон “Адолат” сотсиал-демократик партиясининг 2024-йилга мўлжалланган “Тенг имкониятлар ва адолатли жамият сари” деб номланган сайловолди дастурининг биринчи йўналиши “Ҳуқуқий давлат барпо этиш – олий мақсадимиз” бандини шакллантиришда фойдаланилган (Ўзбекистон “Адолат” сотсиал-демократик партиясининг 2025-йил 3-февралдаги 01-05/24-сон маълумотномаси). Натижада, мамлакатимиз ҳудудларида ижтимоий барқарорликни таъминлаш ва ҳуқуқбузарликларга қарши курашишда ички ишлар органларининг кенг жамоатчилик билан алоқаларини йўлга қўйишда мавжуд муаоммоларни бартараф қилиш, бу жараёнда жамоатчилик фаоллигини ошириш, инновацион ғояларни ишлаб чиқиш ҳамда халқимиз эътиборига тарғибот ва ташвиқот орқали етказишда тегишли ёндашувларни такомиллаштиришга хизмат қилган;
жамоатчилик билан алоқаларни сифат жиҳатидан юқори даражага кўтариш ички ишлар органларининг аҳолига очиқлик, шаффофлик, ўзаро ҳурмат, холислик, ўзаро тушуниш ва ҳамкорлик асосида хизмат қилиш тамойилларини вужудга келтириши исботланганлигига доир илмий таклиф-тавсияларидан Жиззах вилоят телерадиокомпанияси томонидан 2024-йилда эфирга узатилган “Инсон қадри”, “Бунёдкорлик”, “Ёшлар сиёсати амалда”, “Водийларни яёв кезганда”, “Маҳаллада кўришгунча” деб номланган туркум кўрсатувлари ва радиоешиттиришларининг дастур ссенарийсини тузишда ҳамда ижодий чиқишларини илмий-ғоявий ташкиллаштиришда фойдаланилган (Жиззах вилоят телерадиокомпаниясининг 2025-йил 6-январдаги 4/13-10-сон маълумотномаси). Натижада, аҳоли ўртасида жиноятчилик профилактикаси ва ҳуқуқий маданият тарғиботи борасида муҳим натижаларга эришилган;
жамоатчилик билан алоқаларни юксалтиришнинг ижтимоий ҳаётга таҳдидлар ва салбий таъсирларни олдини олишнинг перманент омилларини ички ишлар тизими билан детерминат жараёнларининг ижтимоий-фалсафий жиҳатлари тадқиқ этилганлиги борасидаги таклиф-тавсияларидан Ўзбекистон истеъмолчилар ҳуқуқларини ҳимоя қилиш жамиятлари федерацияси Уставининг
2-3 бандини шакллантиришда, жамоатчилик билан алоқалар ва коррупсияга қарши курашиш дастурини ишлаб чиқишда фойдаланилган (Ўзбекистон Истеъмолчилар ҳуқуқларини ҳимоя қилиш жамиятлари федерациясининг 2024-йил 13-февралдаги JS/01-33-сон маълумотномаси). Натижада, фуқаролар ва ташкилотлар билан жамоатчилик алоқаларини мустаҳкамлаш, ахборот алмашишда шаффофлик ва очиқликни таъминлаш, коррупсияга қарши кураш ишларни олиб боришга конструктив асосда хизмат қилган;
жамоатчилик билан алоқалар жараёни жамиятнинг барча тизимлари ўртасида конструктив мулоқотга асосланган ижтимоий интегратив муносабат ва стратегик мақсадларга эришишда қулай омил эканлиги исботланганлигига доир таклиф-тавсияларидан Ўзбекистон Республикаси Иқтисодиёт ва молий вазирлиги ҳузуридаги Божхона қўмитасининг 2025-йил 2-апрелдаги 68-сон буйруғи билан тасдиқланган “Божхона органларида кадрлар тайёрлаш тизимини такомиллаштириш бўйича” чора-тадбирлар режасини шакллантиришда фойдаланилган (Ўзбекистон Республикаси Иқтисодиёт ва молий вазирлиги ҳузуридаги Божхона қўмитасининг 2025-йил 8-июлдаги 06-05/8-8372-сон маълумотномаси). Натижада, ҳуқуқни муҳофаза қилувчи органларда ҳуқуқбузарликларга, шу билан биргаликда коррупсияга қарши курашида жамоатчилик билан алоқаларини йўлга қўйишга хизмат қилган.