Nizamova Madina Mirgabtizyanovnaning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «O‘tkir o‘pka respirator distress-sindromining nur tashxisi», 14.00.19–Klinik radiologiya (tibbiyot fanlari).
Dissertatsiya mavzusi ro‘yxatga olingan raqam: B2017.3.PhD/Tib360.
Ilmiy rahbar: Ikramov Adxam Il`xamovich, tibbiyot fanlari doktori, professor.
Dissertatsiya bajarilgan muassasa nomi: Toshkent vrachlar malakasini oshirish instituti.
IK faoliyat ko‘rsatayotgan muassasa (muassasalar) nomi, IK raqami: Respublika ixtisoslashtirilgan onkologiya va radiologiya ilmiy-amaliy tibbiyot markazi, DSc.04.12.2018.Tib.77.01.
Rasmiy opponentlar: Xodjibekov Marat Xudayqulovich, tibbiyot fanlari doktori, professor; Parpieva Nargiza Nusratovna, tibbiyot fanlari doktori.
Yetakchi tashkilot: Samarqand davlat tibbiyot instituti.
Dissertatsiyaning yo‘nalishi: amaliy ahamiyatga molik.
II. Tadqiqotning maqsadi: o‘tkir respirator distress-sindromining nur tashxisotini takomillashtirishdan iborat.
III. Tadqiqotning ilmiy yangiligi:
kompleks nurli bilan birga klinik-morfologik tashxislash asosida o‘tkir o‘pka respirator destress-sindromining tuzilmaviy nurli semiotikasi ishlab chiqilgan;
intersial hamda al`veolyar fazadagi kompleks nurli belgilar (xira oyna tavsifi va o‘tkir respirator distress-sindromi) al`veolyar konsolidatsiyasining xususiyatlari asoslangan;
ko‘krak qafasi aylanasini rentgenografiya qo‘llash asosida va hal etish fazasida – KT-kompyuter tomografiyani kiritish bilan o‘pkani al`veolyar shish fazasida o‘tkir respirator distress-sindromining nurli tashxislash tartibi  takomillashtirilgan;
 o‘tkir respirator distress-sindromi uch bosqichda  va kardiogen shishida ikki bosqich jarayonlari kechishi nur tashxislash va morfologik  ko‘rsatkichlar asosida isbotlangan.    
IV. Tadqiqot natijalarining joriy qilinishi.
O‘tkir respirator distress-sindromni tashxislash natijalarini bo‘yicha olingan ilmiy natijalar asosida:
«Jarayon rivojlanish bosqichlarida o‘tkir respirator distress-sindrom radiologik belgilari» uslubiy qo‘llanmasi tasdiqlangan (Sog‘liqni saqlash vazirligining 2018 yil 29 noyabrdagi 8n-r/327-son ma’lumotnomasi). Mazkur uslubiy qo‘llanma o‘tkir respirator distress-sindrom jarayon rivojlanish bosqichlarida  nur tashxisi va zamonaviy usullar yordamida radiologik belgilarini asoslash imkonini bergan;
o‘tkir respirator distress-sindrom tashxisoti va qiyosiy tashxisotini yaxshilash bo‘yicha olingan ilmiy natijalar sog‘liqni saqlash amaliyotiga, jumladan,  Toshkent shahar tibbiy maslahat-tashxisot markazi rentgen va kompyuter-tomografiya bo‘limi hamda «PARENTS HOLIDAY» mas’uliyati cheklangan jamiyatining nur tashxisoti bo‘limining klinik tashxisot amliyotiga tatbiq etilgan (Sog‘liqni saqlash vazirligining 2018 yil 26 dekabrdagi 8 n-d/281-son ma’lumotnomasi). Olingan ilmiy natijalarning amaliyotga joriy qilinishi kasallikni tashxislash sifatining ortishi, jumladan, klinikagacha tashxislashda o‘tkir respirator distress-sindrom kompyuter tomografiya va rentgenologik usulni kompleks qo‘llash yo‘li bilan tashxislash sifatini 15,8%ga yaxshilash imkonini bergan.