Абдуллаева Наргиза Нурмаматовнанинг

докторлик диссертацияси ҳимояси ҳақида эълон

    I. Умумий маълумотлар.

Диссертация мавзуси, ихтисослик шифри: «Қарияларда ва кексалардаги эпилепсия ва эпилептик пароксизмлар. Этиопатогенетик тизими ва даволаш масалалари», 14.00.13–неврология (тиббиёт фанлари).

Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /тиббиёт фанлари номзоди/.

Диссертация мавзуси рўйхатга олинган рақам: 30.09.2014/Б2014.3-4.Tib224.

Илмий маслаҳатчи: Гафуров Бахтиёр Гафурович, тиббиёт фанлари доктори, профессор.

Диссертация бажарилган муассаса номи: Самарқанд давлат тиббиёт институти.

ИК фаолият кўрсатаётган муассаса номи, ИК рақами: Тошкент врачлар малакасини ошириш институти ҳузуридаги 16.07.2013.Tib.19.01 рақамли илмий кенгаш.

Расмий оппонентлар: Гюзяль Рафкатовна Табеева, тиббиёт фанлари доктори, профессор; Маджидова Ёқутхон Набиевна, тиббиёт фанлари доктори, профессор; Халимова Ханифа Мухсиновна, тиббиёт фанлари доктори, профессор.

Етакчи ташкилот: С.Д.Асфендияр номли Қозоғистон миллий тиббиёт университети (Қозоғистон).

Диссертация йўналиши: амалий аҳамиятга молик.

    II. Тадқиқотнинг мақсади.

Қария ва кексалардаги эпилепсия касаллигининг тарқалишини, клиник-нейрофизиологик ўзига хос хусусиятларини ва даволаш тактикасини такомиллаштириш.

    III. Тадқиқотнинг илмий янгилиги.

Қария ва кекса ёшдаги беморларда эпилепсиянинг этиопатогенетик структураси ва клиник-нейрофизиологик хусусиятлари аниқланган;

қария ва кекса ёшдаги беморларда эпилепсия ривожланишининг ёшга оид хусусиятлари исботланган;

охирги авлодга мансуб антиконвульсантларнинг фармакодинамикасидаги статистик ишонарли фарқлар терапевтик кекса ва ёш беморларда дори мониторинги маълумотлари негизида исботланган;

илк бор қария ва кекса ёшдагиларда эпилепсия кечишининг ёндош соматик патологиялари (юрак-қон томир етишмовчилиги, бронх-ўпка патологияси ва б.) билан боғлиқлиги асослаб берилган.

    IV. Тадқиқот натижаларининг жорий қилиниши.

Тутқаноқ касаллигини қария ва кекса ёшдаги беморларда самарали даволаш бўйича олинган илмий натижалар соғлиқни сақлаш амалиётига, жумладан, Самарқанд вилоят ва шаҳар шифохоналари неврология бўлимлари, Самарқанд давлат тиббиёт институти клиникаси, Республика шошилинч тез тиббий илмий маркази Самарқанд филиали фаолиятига жорий қилинган. Қария ва кексаларда тутқаноқ касаллигида антиконвульсантларнинг қондаги миқдорини аниқлаш (плазмоконцентрацияси) натижасида дорилар дозасини индивидуал танлаш усули хуружлар сони 30 фоизга камайди, беморлар соғайишининг турғун ремиссияси 35 фоизни ташкил қилди. (Соғлиқни сақлаш вазирлигининг 2014 йил 16 декабрдаги 8Н-g29-сон ва 2015 йил 27 октябрдаги 8Н10-сон маълумотномалари).