Эркинжонов Абдулхамид Бахтиёржон ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): “Янги маркали 60ГРЛ пўлатдан конусли дробилканинг СТ2-24-90 таъминлагичини ишлаб чиқариш технологиясини жорий қилиш”, 05.02.01 – “Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси” ихтисослиги.
Диссертация мавзуси рўйхатга олинган рақам: B2025.4.PhD/Т6170.
Диссертация бажарилган муассаса номи: Андижон давлат техника институти.
ИК фаолият кўрсатаётган муассаса номи, ИК рақами: Тошкент давлат техника университети хузуридаги DSc.03/2025.27.12.Т.02.04 рақамли Илмий Кенгаш.
Илмий раҳбар: Юлчиева Сурайё Бахрамовна, техника фанлари доктори (DSc), катта илмий ходим.
Расмий оппонентлар: Тилабов Баходир Қурбанович, техника фанлари доктори, профессор; Одилов Фурқат Умарбекович, техника фанлари бўйича фалсафа доктори, доцент;
Етакчи ташкилот: Наманган давлат техника университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади Янги маркали 60ГРЛ пўлатдан конусли дробилканинг CТ2-24-90 таъминлагичини олиш технологиясини ишлаб чиқишдан иборат.
III. Тадқиқотнинг илмий янгилиги:
60ГРЛ маркали пўлатнинг кимёвий таркибини олишда ферроқотишмалар, модификаторларни эриш ҳарорати асосида ишлаб чиқилган; 
CТ-24-90 таъминлагични 60ГРЛ маркали пўлатдан қум-гилли қолипга қуйиш усулида олиш технологияси қолип ашёси асосида ишлаб чиқилган;
CТ2-24-90 типидаги таъминлагич конструксияси, иш шароитлари ва технологик талаблари қотишманинг хоссаларини ўзгариши асосида ишлаб чиқилган;
Электр ёй печида 60ГРЛ маркали пўлатини олиш технологияси шихта ўлчами ҳамда кимёвий таркиби асосида ишлаб чиқилган;
60ГРЛ маркали пўлатдан конусли майдалагични термик ишлов бериш режими қотишманинг иссиқлик ўтказувчанлигининг ўзгариши асосида ишлаб чиқилган;
60ГРЛ маркали пўлатдан суюқлантириб олинаётган қуйма маҳсулотларини ресурс тежамкорлик технологиясини қўллаш асосида механик ишлов бериш режимлари ишлаб чиқилган.
IV.Тадқиқот натижаларининг жорий қилиниши.
Янги маркали 60ГРЛ пўлатдан CТ2-24-90 таъминлагичини суюқлантириб олиш орқали ейилишбардошлигини ошириш технологиясини такомиллаштириш бўйича олиб борилган тадқиқотлар асосида:
60ГРЛ маркали пўлатдан ККД (конусли дробилкани) CТ2-24-90 таъминлагичга термик ишлов бериш технологияси “Навоий машинасозлик заводи” АЖ га жорий қилинган (НКМК АЖнинг 03.17.2025 даги жорий этиш маълумотномаси). Жорий қилиш натижасида маҳсулотнинг таннархи 10-12 % га камайган;
CТ2-24-90 таъминлагични 60ГРЛ маркали пўлатдан қум-гилли қолипга қуйиш усулида олиш технологияси электр ёй печида суюқлантириш технологияси “Навоий машинасозлик заводи” АЖ га жорий қилинган (НКМК АЖнинг 03.17.2025 даги жорий этиш маълумотномаси). Жорий қилиш натижасида олинаётган таъминлагич қуймасининг қаттиқлиги 10-11 % га ортган;
60ГРЛ маркали пўлатдан ишлаб чиқарилаётган қуйма маҳсулотларига механик ишлов бериш технологияси “Навоий машинасозлик заводи” АЖ га жорий қилинган (НКМК АЖнинг 03.17.2025 даги жорий этиш маълумотномаси). Жорий қилиш натижасида CТ2-24-90 таъминлагичининг хизмат муддати 8-9 % га ортган.