Фаттахов Равшан Абдурашидовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Амбулатор стоматологик қабулда беморларнинг психоэмоционал таранглигини тузатиш», 14.00.21–Стоматология 14.00.33–Жамият саломатлиги. Соғлиқни сақлашда менежмент (тиббиёт фанлари).
Диссертация мавзуси рўйхатга олинган рақам: В2018.2.PhD/Tib503.
Илмий раҳбарлар: Хасанова Лола Эмильевна, тиббиёт фанлари доктори; Ризаев Жасур Алимджанович, тиббиёт фанлари доктори.
Диссертация бажарилган муассаса номи: Тошкент давлат стоматология институти.
ИК фаолият кўрсатаётган муассаса номи, ИК рақами: Тошкент давлат стоматология институти, DSc.28.12.2017.Tib.59.01.
Расмий оппонентлар: Рузуддинов Саурбек Рузуддинович, тиббиёт фанлари доктори, профессор; Рустамова Хамида Елемесовна, тиббиёт фанлари доктори, профессор.
Етакчи ташкилот: Белорус давлат тиббиёт университети (Беларусь).
Диссертация йўналиши: амалий аҳамиятга молик.
II. Тадқиқотнинг мақсади: амбулатор стоматологик қабулда беморлар стрессли реактивликнинг физиологик ва биокимёвий маркерлари билан алоқасини аниқлаш ва психоэмоционал зўриқишнинг олдини олишни такомиллаштиришидан иборат.
III. Тадқиқотнинг илмий янгилиги:
бемор коррекция талаб этадиган психоэмоционал тарангликни ҳис этган яққол кўринишдаги дентофобияси намоён бўлиши аниқланган;
психоэмоционал тарангликни α-амилаза фаоллигининг ошишига ва саливация тезлигининг пасайишига олиб келувчи β-адренорецепторларга таъсир этадиган катехоламинларнинг жадал ишлаб чиқаришига олиб келиши исботланган;
«қўрқув» реакцияси пайтида стресс биомаркери – кортизолнинг концентрацияси камаймагани сабабидан беморларга фармакологик коррекция тавсия этилган;
психоэмоционал тарангликни коррекцияси қўлланилганда, кечиктирилган ташрифлар сонининг камайганлиги сабабли даволаш жараёнининг давомийлигини қисқартириши исботланган;
беморларда КТ, КЖД ва OHI-S кўрсатқичларининг юқори қийматлари яққол кўринишдаги дентофобия натижаси эканлиги исботланган.
IV. Тадқиқот натижаларининг жорий қилиниши.
Амбулатор қабулда стоматологик беморларнинг стресс ҳолатларига ташхис қўйиш ва уларнинг олдини олиш бўйича олинган илмий тадқиқот натижалари асосида:
“Стоматологик қабулда беморларнинг психоэмоционал таранглиги” номли услубий тавсиянома тасдиқланган (Соғлиқни сақлаш вазирлигининг 2018 йил 31 июлдаги 8н-р/213-сон маълумотномаси). Ушбу услубий тавсиянома стоматологик қабулда дентофобия ва беморлардаги руҳий зўриқишни аниқлаш усулларини, дентофобия сабабларини аниқлаш усулларини такомиллаштириш имконини берган;
“Стоматологик қабулда беморларнинг психоэмоционал таранглигининг олдини олиш” номли услубий тавсиянома тасдиқланган (Соғлиқни сақлаш вазирлигининг 2018 йил 2 октябрдаги 8н-р/244-сон маълумотномаси). Ушбу тавсиянома стоматологик беморларнинг психоэмоционал зўриқишини ташхислаш тизимини ҳамда стоматологик беморларда руҳий зўриқиш ҳолатини яхшилаш имконини берган;
амбулатор қабулда стоматологик беморларни руҳий эмоционал холатини ташҳислаш ва коррекция қилиш бўйича олинган илмий натижалар соғлиқни сақлаш тизимида, хусусан Наманган вилоят стоматология поликлиникаси, Соғлиқни сақлаш вазирлигининг стоматология поликлиникаси, Ички ишлар вазирлиги тиббий бошқармаси ва хусусий “Nafis Nur Dent” (Тошкент ш.) муассасалар стоматологик амалиётига жорий этилган (Соғлиқни сақлаш вазирлигининг 2019 йил 7 майдаги 8н-д/103-сон маълумотномаси). Олинган натижаларни амалиётга татбиқ этиш, стоматологик қабулдаги амбулатор беморларда руҳий зўриқишларни ўз вақтида аниқлаш ва уни коррекция қилиш имконини берган.