Алижанов Донёрбек Дилшодовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Оптоэлектрон ахборот-ўлчов тизимлари учун АФК қабул қилгич ишлаб чиқиш», 01.04.10–Яримўтказгичлар физикаси (техника фанлари).
Диссертация мавзуси рўйхатга олинган рақам: B2019.2.PhD/T1043.
Илмий раҳбар: Рахимов Неъматжон, техника фанлари доктори, профессор.
Диссертация бажарилган муассаса номи: Андижон машинасозлик институти.
ИК фаолият кўрсатаётган муассасалар номи, ИК рақами: Тошкент давлат техника университети, Андижон давлат университети, DSc.31.01.2019.FM/T.03.05.
Расмий оппонентлар: Рахматов Ахмад Зайниддинович, техника фанлари доктори, профессор; Тачилин Станислав Анатольевич, техника фанлари номзоди, доцент.
Етакчи ташкилот: Қорақалпоқ давлат университети.
Диссертация йўналиши: амалий аҳамиятга молик.
II. Тадқиқотнинг мақсади: оптоэлектрон ахборот-ўлчов тизимлари учун аномал фотокучланишли қабул қилгич ишлаб чиқишдан иборат.
III. Тадқиқотнинг илмий янгилиги:
оптоэлектрон ахборот-ўлчов тизимлари учун аномал фотокучланишли қабул қилгич асосида очиқ каналли оптрон қурилма ишлаб чиқилган;
кўп параметрли оптоэлектрон колориметр яратилган;
модда ва материалларнинг ноэлектрик катталикларини ҳисоблашнинг математик модели ишлаб чиқилган;
рентген ва ультрабинафша нурлари учун автоном қабул қилгич яратилган.
IV. Тадқиқот натижаларининг жорий қилиниши.
Оптоэлектрон ахборот-ўлчов тизимлари учун автоном типдаги аномал фотокучланишли қабул қилгични ишлаб чиқиш асосида:
суюқ моддаларнинг оптик параметрларини оптоэлектрон тизим орқали доимий назорат қилишда нурлантиргич ва қабул қилгич яратиш бўйича «Оптоэлектрон кўп параметрли колориметр»га  Россия Федерацияси Интеллектуал мулк агентлигининг ихтирога патенти олинган (№2485484, 2013 й.). Ишлаб чиқилган конструкция суюқ моддаларнинг технологик параметрларини аниқлаш имконини берган;
аномал фотокучланишли эффектга асосланган юпқа пардаларни рентген ва ультрабинафша нурларига таъсирчанлигини ҳамда фотоэлектрик хусусиятларини аниқлаш бўйича «Рентген ва ультрабинафша нурлари учун автоном қабул қилгич»га Россия Федерацияси Интеллектуал мулк агентлигининг ихтирога патенти олинган (№2522737, 2014 й.). Яратилган автоном қабул қилгич оптик нурлар соҳасида ишловчи оптик нур қабул қилгичларнинг ишлаш соҳасини электромагнит нурлар соҳасигача кенгайтириш имконини берган;
яримўтказгич материаллар асосида оптик нур қабул қилгичлар олиш бўйича А5-003 рақамли «Алоқанинг юқори тезликли телекоммуникацион тармоғи спектрал характеристикаларини мукаммаллаштиришнинг усулларини ишлаб чиқиш» (2012–2013 йй.) ва ЕФ4-ФК-0-72548Е А5-003 рақамли «Оптик-толали кенг доирали алоқа тармоқларини текшириш методларини ишлаб чиқиш» (2014–2016 йй.) амалий лойиҳасида юқори фотосезгирли оптик нур қабул қилгичлар олишда фойдаланилган (Олий ва ўрта махсус таълим вазирлигининг 2019 йил 25 мартдаги 89-03-1127-сон маълумотномаси). Илмий натижалардан фойдаланиш оптоэлектрон тизимларда материаллар ва моддаларнинг турли параметрларини доимий назорат қилиш имконини берган.