Хушвақтов Жўрабек Ҳатамовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Табиий уранли “КВИНТА” йиғилмасини 2, 4, 6 ва 8 ГэВ энергияли дейтронлар оқими билан нурлантиришда ҳосил бўлган иккиламчи нейтронларнинг ²³²Th, ¹²⁹I ва ¹²⁷I ядролари билан ўзаро таъсирини ўрганиш», 01.04.08–Атом ядроси ва элементар заррачалар физикаси. Тезлаштирувчи техника (физика-математика фанлари).
Диссертация мавзуси рўйхатга олинган рақам: B2018.1.PhD/FM186.
Илмий раҳбар: Юлдашев Бехзод Садикович, физика-математика фанлари доктори, профессор, академик.
Диссертация бажарилган муассаса номи: Ядро физикаси институти, Бирлашган ядро тадқиқотлари институти (Дубна, Россия).
ИК фаолият кўрсатаётган муассасалар номи, ИК рақами: Ядро физикаси институти, Астрономия институти, Ўзбекистон Миллий университети, DSc.27.06.2017.FM/T.33.01.
Расмий оппонетлар: Мўминов Толиб Мусаевич, физика-математика фанлари доктори, профессор, академик; Киевицкая Анна Ивановна, физика-математика фанлари доктори, профессор.
Етакчи ташкилот: «Курчатов институти» миллий тадқиқот маркази қошидаги А.И. Алиханов номидаги Экспериментал ва назарий физика институти (Москва, Россия).
Диссертация йўналиши: назарий ва амалий аҳамиятга молик.
II. Тадқиқотнинг мақсади: табиий уранли “КВИНТА” йиғилмасини Бирлашган ядро тадқиқотлари институти нуклотронида тезлаштирилган 2, 4, 6 ва 8 ГэВ энергияли дейтронлар оқими билан нурлантиришда ҳосил бўлган иккиламчи нейтронларнинг ²³²Th, ¹²⁹I ва 1²⁷I ядролари билан таъсирлашувидаги қолдиқ ядролар учун реакция тезлигини аниқлашдан иборат.
III. Тадқиқотнинг илмий янгилиги:
¹²⁷I(n,xn) остона реакцияларидан фойдаланиб тез нейтронлар оқимини аниқлаш усули ишлаб чиқилган;
илк бор ¹²⁷I намуналарида остона (n,xn) реакцияларидан фойдаланиб 10-120 МэВ энергия оралиғидаги нейтронлар оқими аниқланган;
Монте-Карло моделлаштириши натижалари бўйича “КВИНТА” қурилмаси 298 та табиий уранли цилиндрларининг ҳар биридаги бўлиниш реакциялари миқдори ҳақида батафсил маълумот олинган;
“КВИНТА” қурилмасида ¹²⁹I(n,γ) реакцияси орқали трансмутация қилиш имкониятини тажрибада баҳолаш учун ҳосил бўлган ¹³⁰I массасининг ¹²⁹I массасига нисбати аниқланган.
IV. Тадқиқот натижаларининг жорий қилиниши.
Табиий уранли “КВИНТА” йиғилмасини 2, 4, 6 ва 8 ГэВ энергияли дейтронлар оқими билан нурлантиришда ҳосил бўлган иккиламчи нейтронларнинг ²³²Th, ¹²⁹I ва ¹²⁷I ядролари билан ўзаро таъсирини ўрганиш бўйича олинган илмий натижалар асосида:
ишлаб чиқилган остона ¹²⁷I(n,xn) реакцияларидан фойдаланиб нейтронлар оқимини аниқлаш усули 10 МэВдан 120 МэВгача энергияли нейтронлар оқимини тажрибада аниқлаш учун “Энергия ва радиоактив чиқиндилар трансмутацияси” халқаро ҳамкорлик дастури доирасида (2012-2015) фойдаланилган (Бирлашган ядро тадқиқотлари институти Юқори энергиялар физикаси лабораториясининг 2019 йил 5 мартдаги 100-26/83-сон маълумотномаси). Илмий натижаларининг қўлланилиши Монте-Карло усули билан бажарилган моделлаштириш натижаларини текшириш имконини берган;
“КВИНТА” йиғилмасида ўлчанган ¹²⁹I(n,γ)130I реакцияси тезлиги массив қўрғошин нишонини 660 МэВ энергияли протонлар оқими билан нурлантириш бўйича БЯТИ Фазотронида ўтказилган тажрибаларда фойдаланилган  (Бирлашган ядро тадқиқотлари институти Юқори энергиялар физикаси лабораториясининг 2019 йил 5 мартдаги 100-26/83-сон маълумотномаси). Илмий натижаларининг қўлланилиши ¹²⁹I радионуклидини трансмутация қилиш имкониятини олдиндан баҳолаш имконини  берган.