Минглиқулов Зафар Бозоровичнинг

докторлик диссертацияси ҳимояси ҳақида эълон

    I. Умумий маълумотлар.

Диссертация мавзуси, ихтисослик шифри (илмий даража бериладиган фан тармоғи): «Суст шаклланган жараёнлар ҳолатини интеллектуал таҳлиллаш норавшан моделларини қуриш усуллари ва алгоритмлари», 05.01.03- Информатиканинг назарий асослари ихтисослиги (техника фанлари).

Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот: /катта илмий ходим-изланувчи/.

Диссертация мавзуси рўйхатга олинган рақам: 30.06.2015/B2015.2.T531

Илмий маслаҳатчининг Ф.И.Ш., илмий даражаси ва унвони: Мухамедиева Дилноз Тулкуновна, техника фанлари доктори, профессор.

Диссертация бажарилган муассаса номи: Тошкент ахборот технологиялари университети ҳузуридаги Дастурий маҳсулотлар ва аппарат-дастурий мажмуалар яратиш маркази.

ИК фаолият кўрсатаётган муассасалар номи, ИК рақами: Тошкент ахборот технологиялари университети, Ўзбекистон Миллий университети, 16.07.2013.Т/FM.29.01.

Илмий маслаҳатчининг Ф.И.Ш., илмий даражаси ва унвони: Мухамедова Дилноз Тулкуновна, техника фанлари доктори, профессор.

Расмий оппонентларнинг Ф.И.Ш., илмий даражаси ва унвони: Усманов Ришат Ниязбекович, техника фанлари доктори, профессор; Набиев Озод Маликович, техника фанлари доктори, профессор; Рахимов Шавкат Хударгенович техника фанлари доктори, профессор.

Етакчи ташкилот номи: Тошкент давлат техника университети.

Диссертация йўналиши: назарий ва амалий аҳамиятга молик.

    II. Тадқиқотнинг мақсади: суст шаклланган жараёнлар ҳолатини интеллектуал таҳлиллаш моделларини норавшан кластерлаш усули ёрдамида қуриш, модел параметрларини нейрон тўрлар ва эволюцион арилар колонияси алгоритми ёрдамида созлашнинг гибрид усул ва алгоритмларини яратишдан иборат.

    III. Тадқиқотнинг илмий янгилиги:

суст шаклланган жараёнлар ҳолатини интеллектуал таҳлиллаш норавшан моделларини қуришнинг гибрид усуллари таклиф қилинган;

суст шаклланган жараёнлар ҳолатини интеллектуал таҳлиллашнинг синфлаштириш, баҳолаш ва башоратлаш норавшан мантиқий моделини норавшан кластерлаштириш усули ёрдамида қуриш алгоритми яратилган;

суст шаклланган жараёнлар ҳолатини синфлаштириш, баҳолаш ва башоратлаш норавшан мантиқий моделларини қуриш жараёнида турли хил тегишлилик функциялари бўлган ҳолатларда модел параметрларини нейрон тўрлари ёрдамида созлаш асосида норавшан ечимни олиш мумкинлиги кўрсатилган;

суст шаклланган жараёнлар ҳолатини интеллектуал таҳлиллаш норавшан мантиқий моделларини қуриш жараёнида турли тегишлилик функциялари бўлган ҳолатларда модел параметрларини арилар колонияси алгоритми ёрдамида созлаш асосида норавшан ечимни олиш мумкинлиги кўрсатилган;

норавшан ахборот муҳитида кўпмезонли оптималлаштириш масаласи шакллантирилган ва ечиш алгоритмлари яратилган;

норавшан дастлабки ахборот муҳитида оптималлаштириш ва қарор қабул қилиш мезонлари ва алгоритмлари ишлаб чиқарилиши, тегишлилик функцияси ибораларида ечимларни яхшиланиш хусусиятлари ҳақидаги тасдиқлар исботланган;

суст шаклланган жараёнлар ҳолатини интеллектуал таҳлилаш гибрид усуллари ёрдамида адекват норавшан моделлар қуриш технологияси ишлаб чиқилган.

    IV. Тадқиқот натижаларининг жорий қилиниши:

Суст шаклланган жараёнлар ҳолатини интеллектуал таҳлиллаш норавшан моделларини қуриш усул ва алгоритмлари асосида ишлаб чиқилган синфлаштириш, баҳолаш ва башоратлаш дастурий воситаларини асосий озиқ-овқат маҳсулотларини ишлаб чиқариш ҳажмини башоратлаш, экин майдонлари ва чорвачилик соҳаси тузилмасини мақбуллаштиришда аниқликнинг  92-96,5% таъминлани- ши натижасида корхоналар банкротлиги хавф-хатарини баҳолаш ва башоратлаш масалаларини ечишда иш самарадорлигини 1,5-2 бараварга ошиши ва аниқликнинг 95-98.2% таъминланганлиги ҳисобига йиллик 1.270 млрд. сўмдан ортиқ иқтисодий самарага эришилди (Ўзбекистон Республикаси  ахборот технологиялари ва коммуникацияларини ривожлан- тириш вазирлигининг 2016 йил 21 январдаги 02-8/343-сонли; Жиззах вилояти қишлоқ ва сув ҳўжалиги бошқармасининг 2015 йил 24 июндаги 03-399-сонли; Хусусийлаштириш, монополиядан чиқариш ва рақобатни ривожлан- тириш давлат қўмитасининг Тошкент вилояти ҳудудий бошқармасининг 2015 йил 16 июндаги 15-2214-сонли маълумотномаси).