Баратова Малика Бахтиёр қизининг 
фалсафа доктори (PhD) диссертацияси ҳимояси ҳақида эълон

I.Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): «Ўсимлик экстракти асосида яллиғланишга қарши таъсирга эга даволовчи косметик воситалар технологиясини ишлаб чиқиш», 15.00.01 – Дори технологияси (фармацевтика фанлари).
Диссертация мавзуси рўйҳатга олинган рақам: В2024.1.PhD/Far113.  
Илмий раҳбар: Кариева Ёкут Саидкаримовна, фармацевтика фанлари доктори, профессор. 
Диссертация бажарилган муассаса: Тошкент фармацевтика институти.
ИК фаолият кўрсатаётган муассаса, ИК раками: Тошкент фармацевтика институти, DSc.06/2025.27.12.Far.23.01.
Расмий оппонентлар: Тўхтаев Хаким Рахманович фармацевтика фанлари доктори, профессор; Нуридуллаева Камола Негматиллоевна, фармацевтика фанлари доктори, доцент.   
Етакчи ташкилот: Миллий биофармацевтика илмий-тадкикот институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: яллиғланишга қарши таъсирга эга “Фитоинфлам” ўсимлик экстракти асосида даволовчи-косметик крем ва лосьон технологиясини ишлаб чиқишдан иборат.
III. Тадқиқотнинг илмий янгилиги: 
илк бор “Фитоинфлам” қуруқ экстракти асосида даволовчи косметик крем таркибига кирувчи структура хосил қилувчи (аэросил), эмолент (глицерин), эмульгатор (натрий тетраборат) ва мойли муҳит (канакунжут мойи) тури 5х5 юнон-лотин квадрати асосидаги тўрт омилли режа бўйича математик режалаштириш усули ёрдамида аниқланган;
даволовчи косметик кремнинг безарарлиги, самарадорлиги ва турғунлигини таъминлаш мақсадида рН ни кучсиз кислотали муҳит томонга силжитиш учун қўлланилган лимон кислотасининг миқдори тажрибавий йўл билан аниқланган;
крем намуналарининг қовушқоқлик, силжиш кучланиши, оқувчанлик ва йўқотишлар модули каби реологик хоссаларни қиёсий ўрганиш натижасида даволовчи косметик крем таркибидаги структура хосил қилувчи аэросилнинг концентрацияси илмий асосланган;
илк бор “Фитоинфлам” қуруқ экстракти асосида акнега қарши қўлланиладиган даволовчи косметик лосьон таркиби таклиф қилинган ва технологияси ишлаб чиқилган;
“Фитоинфлам” қуруқ экстракти асосидаги даволовчи косметик воситалар (крем ва лосьон)нинг сифат ва миқдор кўрсаткичлари аниқланган ҳамда меъёрлар белгиланиб, амалдаги меъёрий ҳужжатларда кўрсатилган талабларга мувофиқлиги исботланган.
IV. Тадқиқот натижаларининг жорий қилиниши: Ўсимлик экстракти асосида яллиғланишга қарши таъсирга эга даволовчи косметик воситалар технологиясини ишлаб чиқиш бўйича олинган илмий натижалар асосида:
«Даволовчи косметик крем»га Ўзбекистон Республикаси Интеллектуал мулк агентлигининг фойдали моделига патент олинган (№FAP 2760, 30.06.2025 й.). Натижада, “Фитоинфлам” қуруқ экстракти асосидаги акнега қарши даволовчи косметик крем таркиби, тайёрлаш технологияси билан танишиш имконини берган; 
«Dermaclean» учун корхона фармакопея мақоласи лойиҳаси ЎзР ССВ ҳузуридаги «Фармацевтика маҳсулотлари хавфсизлиги Маркази» Давлат муассасасига рўйхатдан ўтказиш учун топширилган («Фармацевтика маҳсулотлари хавфсизлиги Маркази» Давлат муассасасининг 2025 йил 8 июлдаги 41/11-12620-сон хати, Соғлиқни сақлаш вазирлигининг 2018 йил 15 октябрдаги 8н-3/280-сон хати). Ушбу меъёрий ҳужжатнинг тасдиқланиши акнега қарши самарали дори воситасини ишлаб чиқариш имконини беради;
даволовчи косметик воситалар (крем ва лосьон)ни ишлаб чиқишга оид натижалар асосида «5510600-саноат фармацияси (космецевтика)» бакалавриат таълим йўналиши учун «Косметик ва парфюмер препаратлар технологияси» ўқув қўлланмаси чоп этилган (Гувоҳнома №106-691). Натижада бакалавриат талабаларининг юмшоқ ва суюқ шаклидаги даволовчи косметик воситалар таркибини танлаш ва технологиясини ишлаб чиқиш соҳасидаги билимларини  бойитиш ва мустаҳкамлаш имконини берган;
ўтказилган клиник олди синовлар натижасида «Dermaclean» даволовчи косметик кремнинг специфик фармакологик фаоллиги ва безарарлиги исботланган (Соғлиқни сақлаш вазирлигининг 2018 йил 15 октябрдаги 8н-3/280-сон хати). Натижада ишончли яллиғланишга қарши таъсирга эга ва безарар дори воситасини ишлаб чиқариш имконини берган.