Матмусаев Илхом Курбоналиевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): “Портланд цемент саноати учун клинкер ишлаб чиқаришда флотасион техноген чиқиндиларни қайта ишлаш технологиясини ишлаб чиқиш”, 04.00.14 - Фойдали қазилмаларни бойитиш, 05.02.01– Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: В2025.4.PhD/Т6137.
Илмий раҳбарлар: Хасанов Абдурашид Солиевич, техника фанлари доктори, профессор; Шакаров Тўлқин Исматович, техника фанлари номзоди, доцент.
Диссертация бажарилган муассасалар номи: Миллий технологик тадқиқотлар университети «МИСиС»нинг Олмалиқ шаҳридаги филиали.
ИК фаолият кўрсатаётган муассаса номи, ИК рақами: Қарши давлат техника университети, PhD.03/2025.27.12.Т.17.04.
Расмий оппонентлар: Алматов Илхомжон Мирзабек ўғли, техника фанлари доктори катта илмий ходим; Маткаримов Сохибжон Турдалиевич, техника фанлари доктори, профессор.
Етакчи ташкилот: Олмалиқ давлат техника институти.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: 2-МБФ мис-молибден рудасини бойитишнинг флотация чиқиндиларидан фойдаланган ҳолда портланд цемент клинкерининг энергия тежовчи таркибини ва уни ишлаб чиқариш технологиясини ишлаб чиқишдан иборат.
III. Тадқиқотнинг илмий янгилиги:
мис-молибден рудасини бойитишдан олинган флотация чиқиндилардан фойдаланган ҳолда портланд цемент клинкерини ишлаб чиқариш учун энергия ва ресурсларни тежайдиган хом ашё аралашмасининг янги таркибларилари ишлаб чиқилган;
ишлаб чиқилган хом ашё аралашмаларини майдаланиш қобилиятини ошириш ҳисобига майдалаш жараёнида электр энергияси харажатларини 14% га тежаш мумкинлиги аниқланган;
мис-молибден рудаларини бойитиш флотация чиқиндиларининг портландцемент хомашё аралашмаларида фазавий ўзгаришлар кинетикаси ҳамда клинкер минералларининг ҳосил бўлиш механизми ва кинетикасига таъсир қонуниятлари аниқланган;
мис-молибден рудасини бойитишнинг флотация чиқиндиларининг декарбонизация ва минерализация даражасининг ошишига таъсири, шунингдек фазалар ҳосил бўлиши ҳароратининг 70 оC га пасайиши аниқланган.
IV. Тадқиқот натижаларининг жорий қилиниши. Портланд цемент клинкери хом ашё аралашмасининг тупроқли таркибий қисми сифатида флотация чиқиндиларидан фойдаланган ҳолда, энергия тежовчи таркибини ишлаб чиқиш бўйича олиб борилган илмий илмий натижалар асосида:
флотация чиқиндиларидан фойдаланган ҳолда портланд цемент клинкерини ишлаб чиқариш учун энергия ва ресурсларни тежайдиган хом ашё аралашмасининг янги таркибларилари ишлаб чиқилган ва “Жиззак Cемент Плант” МЧЖ да амалиётга жорий этилган (“Олмалиқ кон-металлургия комбинатин” АЖнинг 2026-йил 25-мартдаги 03-26/01-00412 сонли маълумотномаси). Натижада, мустаҳкамлик синфига мувофиқ СЕМ И КП 42,5 ЎзМСт 337:2024 га мос келувчи клинкер олиш имконини берган;
тажриба синовлари давомида 3,5 х 60 м ўлчамдаги айлана печнинг унумдорлиги технологик ёқилғи сарфини оширмасдан 110,4 т/соат дан 112,5 т/соат клинкергача ошиш имконини берувчи технология “Олмалиқ КМК” АЖга қарашли “Жиззак Cемент Плант” МЧЖда амалиётга жорий қилинган (“Олмалиқ кон-металлургия комбинатин” АЖнинг 2026-йил 25-мартдаги 03-26/01-00412 сонли маълумотномаси). Натижада, айланма печнинг унумдорлиги 110,4 т/с дан 112,5 т/с клинкерга кўтарилиши ҳисобига йилига қўшимча 15120 тонна клинкер ишлаб чиқариш имконини берган.