Жаббиев Расулбек Мақсуд ўғлининг
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): «Госсипол смоласи ва иккиламчи ресурслар асосида изоляцион битумлар олиш технологияси», 02.00.14 - Органик моддалар ва улар асосида материаллар технологияси (техника фанлари).
Диссертация мавзуси рўйхатга олинган рақам: В2026.3.PhD/Т5231.
Илмий раҳбар: Аитова Шахло Камиловна, техника фанлари бўйича фалсафа доктори (PhD), доцент
Диссертация бажарилган муассасалар номи: Урганч давлат университети.
ИК фаолият кўрсатаётган муассаса номи, ИК рақами: Термиз давлат университети, DSc.03/2025.27.12.К/Т.12.05.
Расмий оппонентлар: Нормуродов Бахтиёр Абдуллаевич, техника фанлари доктори, профессор; Адилов Равшан Иркинович, техника фанлари доктори, профессор.
Етакчи ташкилот: Навоий давлат кончилик ва технологиялар университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади ёғ-мой саноатининг чиқиндиси бўлган госсипол смоласи ва иккиламчи ресурслар асосида изоляцион нефциз битумлар олиш технологиясини яратиш ва кенг ишлаб чиқаришга жорий қилишдан иборат.
III. Тадқиқотнинг илмий янгилиги:
“Урганч ёғ-мой” АЖ чиқиндиси - госсипол смоласини сувсизлантириш, термик оксидлаш жараёнларида функционал гуруҳлар реаксион қобилиятларининг ошишига ҳарорат (220 ºC) ва катализаторлар (Фе2О3, Ҳ3ПО4) таъсирига боғлиқлиги аниқланган;
илк бор термооксидланган госсипол смоласига модификатор (CаО) таъсирлаштирилганда таркибнинг физик-механик хоссалари, ҳусусан юмшаш ҳарорати ва пенетрацияси кескин ўзгариши аниқланган натижада ундан изолясион битум-полимер композисияларнинг янги турлари олинган;
таркибга соапсток (7%), резина қатрони (5%) ва олтингугурт (3%) киритиш орқали олинган изолясион битумнинг пластиклик хоссалари аниқланган;
иккиламчи каучук (2%) ва паст босимли полиетиленлар (2%) киритиш орқали изоляцион битумнинг юмшаш ҳароратини ошириш, мўртлашиш ҳароратлари пайсайиши ва қаришини камайиши исботланган;
госсипол смоласи асосида хоссалари стандарт талабларга мос келадиган изоляцион битумларни олиш технологияси ишлаб чиқилган.
IV. Тадқиқот натижаларининг жорий қилиниши. Госсипол смоласи ва иккиламчи ресурслар асосида нефциз изоляцион битумлар олиш технологиясини ишлаб чиқиш бўйича олинган илмий натижалар асосида:
битум-полимер композиция олиш усули учун Ўзбекистон Республикаси Интеллектуал мулк агентлигининг ихтирога патенти олинган (ИАП 7735, 20-июн 2024-йил). Натижада паст ҳароратларда ёрилишларга қарши тура оладиган нефциз изоляцион битум-полимер композиция олиш усулини яратиш имконини берган;
CаО, соапсток, олтингугурт, резина қатрони, иккиламчи каучук ва полиетиленлар ва госсипол смоласи асосида битум олиш технологияси “Хоразм антикоринвест ишлаб чиқариш корхонаси” ХКда нефциз изоляцион битумлар олишда амалиётга жорий қилинган (Ўзбекистон Республикаси Қурилиш ва уй-жой коммунал хўжалиги вазирлигининг 2026 йил 11-июндаги 34-06/7798-сонли маълумотномаси). Натижада, физик-механик хоссалари яхшиланган, экологик жиҳатдан тоза, нефциз изоляцион битумлар олиш имконинини берган.