Асанов Сейран Энверовичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): “Обоснование эффективности рекуперативного торможения в автомобиле с электрическим приводом”, 05.08.06 – “Ғилдиракли ва гусеницали машиналар ва уларни ишлатиш” (техника фанлари).
Диссертация мавзуси рўйхатга олинган рақам: B2023.4.PhD/Т4296
Илмий раҳбар: Иноятходжаев Жамшид Шухратуллаевич, техника фанлари доктори, профессор.
Диссертация бажарилган муассаса номи: Тошкент шаҳридаги Турин политехника университети.
ИК фаолият кўрсатаётган муассаса (муассасалар) номи, ИК рақами: Тошкент шаҳридаги Турин политехника университети ҳузуридаги PhD.03/2026.10.04.Т.46.02  рақамли илмий кенгаш
Расмий оппонентлар: Алимухамедов Шавкат Пирмухамедович, техника фанлари доктори, профессор; Мирзалиев Санжар Махаматжон, техника фанлари бўйича фалсафа доктори (PhD), доцент.
Етакчи ташкилот: Ислом Каримов номидаги Тошкент давлат техника университети.
Диссертация йўналиши. Техника йўналиши. Назарий ва амалий аҳамиятга молик.
II. Тадқиқотнинг мақсади электр юритмали енгил автомобилнинг динамикасига қўйиладиган талабларни ҳисобга олган ҳолда энергия самарадорлиги ва экологик хавфсизликнинг юқори кўрсаткичларига эришиш имконини берувчи рекуператив тормозлаш самарадорлигини асослашдан иборат.
III. Тадқиқотнинг илмий янгилиги қуйидагилардан иборат:
автомобилнинг бўйлама динамикасининг математик модели ва ишлаб чиқилган имитацион модел асосида ҳаракатланиш циклларида электр юритмали кичик синф автомобилининг энергия самарадорлиги 35 фоизгача яхшиланган;
электр юритмали кичик синф автомобилларида ишқаланиш ва рекуператив тизимлар ўртасида тормоз кучларини тақсимлашга асосланган рекуператив тормозлаш тизимини бошқариш алгоритми ишлаб чиқилган;
рекуператив тормозланиш жараёнида ишлаб чиқариладиган энергия миқдорига таъсир этувчи асосий омиллар асосланган;
автомобил бўйлама динамикаси имитацион моделининг ишончлилигини дала синовлари натижалари билан таққослаш орқали экспериментал баҳолаш услубияти асосланган.
IV. Тадқиқот натижаларининг жорий қилиниши. Электр юритмали енгил автомобилнинг рекуператив тормозлаш самарадорлигини асослашда олинган натижалар асосида:
электр юритмали кичик синф автомобилининг тормозланиш жараёнида қайта тикланадиган энергия миқдорига таъсир кўрсатувчи асосий омиллар бўйича асосланиши "БЙД Узбекистан Фаcторй" МЧЖ"да жорий этилган ("Ўзавтосаноат" АЖнинг 2026-йил 23- июндаги 20/04-25-1029-сон маълумотномаси). Натижада, ушбу омиллар қайтарилган энергия ҳажмини 35 фоизгача ошириши мумкинлиги кўрсатилган.
электр юритмали кичик синф автомобилларида қайта тикланадиган энергия ҳажмини ошириш имконини берувчи регенератив тормозлаш тизимини бошқариш алгоритми "БЙД Узбекистан Фаcторй" МЧЖ"да жорий этилган ("Ўзавтосаноат" АЖнинг 2026-йил 23- июндаги 20/04-25-1029-сон маълумотномаси). Ундан фойдаланиш битта электр юритма билан жиҳозланган  кичик тоифадаги автомобил 550 минг сўмгача тежаш имкони берган
тормозланиш жараёнида энергия самарадорлигини ошириш учун электр юритма жойлашувининг (олд ва орқа узатмали) аҳамияти "БЙД Узбекистан Фаcторй" МЧЖ"да жорий этилган ("Ўзавтосаноат" АЖнинг 2026-йил 23- июндаги 20/04-25-1029-сон маълумотномаси). Натижада, олд ғилдиракли автомобиллар ҳайдаш циклига қараб рекуперация жараёнида энергияни 33-35% га қайтариш имкониятига эга бўлган.