Азимова Мадина Нарзуллоевнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Адгезион хусусияти юқори бўлган полимер композициясини қўллаган ҳолда ресурстежамкорлик асосида мўйнадан тикув буюмларини лойиҳалаш усулини такомиллаштириш”,  05.06.04 – Тикув буюмлари технологияси ва костюм дизайни  (техника).
Диссертация мавзуси рўйхатга олинган рақам: B.2025.1.PhD/Т5414 
Илмий раҳбар: Ташпулатов Салих Шукурович техника фанлари доктори, профессор
Диссертация бажарилган муассаса номи: Бухоро давлат техника университети 
ИК фаолият кўрсатаётган муассаса номи, ИК рақами: Жиззах политехника институти, PhD.03/2025.27.12.Т.20.01 
Расмий оппонентлар: Расулова Мастура Кабиловна техника фанлари доктори, профессор, Исмоилова Раъно Музаффаровна, т.ф.н, доцент, Камолиддин Беҳзод номидаги  миллий рассомчилик ва дизайн институти, "Либос ва дизайн" кафедраси доценти.
Етакчи ташкилот: Наманган давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: табиий мўйна қийқимлари, тўқимачилик саноати чиқиндиларидан фойдаланиб, адгезион хусусияти юқори бўлган полимер композициясини қўллаган ҳолда ресурстежамкорлик асосида тикув буюмларини лойиҳалаш усулини такомиллаштиришдан иборат.
III. Тадқиқотнинг илмий янгилиги:
тикув буюмларини ишлаб чиқаришнинг ресурстежамкор технологияси табиий мўйна қийқимларини буюм деталлари юзасида рационал жойлаштириш ҳамда уларни полимер композиция ёрдамида бириктириш асосида материал сарфини камайтириш ва бирикмаларнинг мустаҳкамлигини таъминлаш орқали такомиллаштирилган;
полимер композиция таркибига майдаланган тўқимачилик толали чиқиндиларини киритиш орқали унинг адгезион хусусиятини ошириш ва буюм деталлари шаклбарқарорлигини таъминлаш усули таклиф этилган;
тўқимачилик саноати толали чиқиндиларидан полимер композициянинг адгезион хусусиятларини оширувчи иккиламчи компонент сифатида фойдаланиш механизми ишлаб чиқилган;
табиий мўйна қийқимлари асосидаги бирикмаларнинг тикув буюмлари физик-механик, гигиеник ва эксплуатацион хусусиятлари эмперик тенгламалар асосида аниқланган.
IV. Тадқиқот натижаларининг жорий қилиниши:
Табиий мўйна қийқимлари ва тўқимачилик саноати чиқиндиларидан фойдаланиб, юқори адгезион хусусиятли полимер композиция асосида тикув буюмларини ишлаб чиқаришнинг ресурстежамкор технологиясини такомиллаштириш бўйича олинган натижалар асосида:
тўқимачилик саноати чиқиндиларини полимер композиция таркибида қўллаш учун майдалаш усулига Ўзбекистон Республикаси Адлия вазирлиги ҳузуридаги Интеллектуал мулк марказининг №ИАП 7611-сонли ихтиро патенти олинган. Натижада майдаланган тўқимачилик толали чиқиндиларидан полимер композициянинг адгезион хусусиятини оширувчи компонент сифатида фойдаланиш имконияти яратилган;
табиий мўйна қийқимларидан фойдаланиб ишлаб чиқилган тикув буюмлари саноат намуналарига Ўзбекистон Республикаси Адлия вазирлиги ҳузуридаги Интеллектуал мулк марказининг №САП 20250080 ва №САП 20250081-сонли патентлари олинган. Натижада табиий мўйна қийқимларидан ресурстежамкор фойдаланиш асосида янги ассортиментдаги тикув буюмларини ишлаб чиқариш имконияти яратилган;
табиий мўйна қийқимлари ва юқори адгезион хусусиятли полимер композициядан фойдаланишга асосланган тикув буюмларини ишлаб чиқаришнинг ресурстежамкор технологияси “Меховая мода” МЧЖда ишлаб чиқаришга жорий этилган (“Ўзтўқимачиликсаноат” уюшмасининг 2026-йил 22-январдаги 02/06-104-сон маълумотномаси). Натижада бир йиллик иқтисодий самарадорлик  1 700 178 750 сўмни ташкил этган.