Султанходжаева Гулноза Шухратовна
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган тармоғи номи): “Тут ипак қурти пиллаларига термик ишлов берувчи электр техник қурилмани ишлаб чиқиш”, 05.05.02 – “Электротехника. Электр энергия станциялари, тизимлари. Электротехник мажмуалар ва қурилмалар” (техника фанлари).
Диссертация мавзуси роъйхатга олинган рақам: B2026.2. PhD/Т5381
Илмий раҳбар: Мирсаатов Равшанбек Муминович, техника фанлари доктори, профессор 
Диссертация бажарилган муассаса номи: Тошкент давлат транспорт университети.
ИК фаолият коърсатаётган муассаса (муассасалар) номи, ИК рақами: Тошкент давлат транспорт университети ҳузуридаги DSc.10/2025.27.12.Т.01.03 рақамли Илмий кенгаш. 
Расмий оппонентлар: Пирматов Нурали Бердиёрович, техника фанлари доктори, профессор; Базаров Лазиз Холбобоевич, техника фанлари бўйича фалсафа доктори (PhD), доценти.
Етакчи ташкилот: Ўзбекистон Республикаси Фанлар академияси Энергетика муаммолари институти.
II. Тадқиқотнинг мақсади тут ипак қурти пиллаларига термик ишлов берувчи электр техник қурилмани ишлаб чиқишдан иборат.
III. Тадқиқотнинг илмий янгилиги: 
конструксиясига марказий каналидан иссиқ ҳаво оқими ўтадиган айланувчи сеткали барабан ва трубкасимон электр иситкичлар киритиш асосида пиллаларда иссиқлик ва масса алмашиниш жараёнини жадаллаштириш имконини берадиган пиллаларни буғлаш электр техник қурилма ишлаб чиқилган;
пиллаларга термик ишлов бериш жараёнини математик, имитацион компютерли ва физик моделлаштиришлар асосида ишлаб чиқилган электр техник қурилманинг конструксияси ва иш режимлари оптималлаштирилган; 
термик ишлов бериш жараёнида тут ипак қурти пиллаларининг табиий хусусиятларини сақлаш имконини берадиган электр техник қурилманинг ишлаш алгоритми ва интеллектуал бошқарув тизими ишлаб чиқилган;
ишлаб чиқилган қурилмада ҳаво иситкич сифатида бевосита қуёш энергиясидан ва қуёш фотоелектрик қурилма ёрдамида электр манбаи билан таъминланувчи трубкасимон электр иситкичлардан фойдаланиш асосида электр энергияси ва энергия ресурсларни тежовчи пиллаларга термик ишлов бериш технологияси яратилган.
IV. Тадқиқот натижаларининг жорий қилиниши. Тут ипак қурти пиллаларига термик ишлов берувчи электр техник қурилмани ишлаб чиқиш асосида:
Тут ипак қурти пиллаларини буғлаш қурилмаси учун Ўзбекистон Республикаси Адлия вазирлиги ҳузуридаги Интеллектуал мулк марказидан ихтирога патент олинган (№ ИАП 7903, 03.01.2025 й.) Натижада, ушбу қурилма ёрдамида тут ипак қирти пиллаларига термик ишлов бериш жараёнида ипак хом ашёсининг табиий хусусиятлари ўзгармасдан сақлаб қолиш имкони яратилган; 
тут ипак қурти пиллаларига термик  ишлов берувчи электр техник қурилма, термик ишлов бериш жараёнини оптимал бошқариш учун мўлжалланган микропроцессорли электрон бошқарув блоки ва компютер ҳисоблаш дастурлари Ипакчилик илмий-тадқиқот институтида амалий тадқиқот лойиҳасини (2022 - 2023 йй.) бажаришда жорий этилди (Ипакчилик илмий-тадқиқот институтининг 2026 йил 24 февралдаги №01-09/39-сон маълумотномаси). Натижада 100 тонна тут ипак қурти пилласига термик ишлов бериш жараёнида сарфланадиган электр энергияси учун тўловда 80,5 миллион сўм тежаш имконини берган.