Сайдаматова Дилафрўз Хамидулло қизи 
фалсафа доктори (PhD) диссертацияси ҳимояси ҳақида эълон

I.Умумий маълумотлар. Диссертация мавзуси, ихтисослик шифри (илмий даража бериладиган фан тармоғи): “Абдураззоқ Гурна романларида ички кечинмаларнинг бадиий талқини”, 10.00.04 – Европа, Америка ва Австралия халқлари тили ва адабиёти (филология фанлари). 
Диссертация мавзуси рўйхатга олинган рақам: B2025.4.PhD/Fil6750. 
Илмий раҳбар: Турсунов Акмалжон Хамиджонович, филология фанлари доктори (DSc), профессор.
Диссертация бажарилган муассаса номи: Наманган давлат университети. 
ИК фаолият кўрсатаётган муассаса (муассасалар) номи, ИК рақами: Наманган давлат университети, PhD.03/2025.27.12.Fil.22.04.
Расмий оппонентлар: Хажиева Феруза Мелсовна, филология фанлари доктори (DSc), профессор; Сидиқов Қосим Абилович, филология фанлари номзоди, профессор. 
Етакчи ташкилот: Фарғона давлат университети.
Диссертация йўналиши: Назарий ва амалий аҳамиятга эга.
II. Тадқиқотнинг мақсади Абдураззоқ Гурна романларида ички кечинмаларнинг бадиий талқинини очиб бериш, ундаги травматик хотира, идентитет инқирози, сукут стратегияси ва руҳий фрагментациянинг поетик ифода воситаларини очиб беришдан иборат.
III.Тадқиқотнинг илмий янгилиги қуйидагилардан иборат: 
Абдураззоқ Гурна романларининг замонавий инглиз адабиётидаги бадиий-эстетик ўрни Шарқий Африка тарихий-маданий тажрибасининг инглиз романчилиги анъаналари билан уйғунлашуви, постколониал субект, миграция, тарихий хотира ва маданий бегоналшувнинг ўзаро алоқадорлиги очиб берилган;
руҳий кечинмаларни талқин қилишга доир классик, психологик, модернистиc ва посколониал назарияларнинг абдураззоқ Гурна романлари поетикасидаги намоён бўлиш хусусиятлари аниқланиб, қаҳрамон руҳиятидагини очишда психологик таҳлил, фрагментар хотира, ретроспектив баён, сукут ва посколониал идентитетнинг ўзаро функсионал боглиқлиги асосланган;
Абдураззоқ Гурна романларида руҳий кечинмаларнинг психологик, нарратив ва дискурсив ифода механизмлари хотира, сукут, ретроспектив наррация, ички нутқ ва фрагментарлик воситасида намоён бўлиши аниқланиб, уларнинг тарихий хотира, маданий дислокация ва постколониал субективлик билан сабабий-эстетик боғлиқлиги далилланган;
ёзувчи романларидаги метафора, ички монолог, синтактик парчаланиш, семантик такрор ва рамзий деталларнинг руҳий ҳолатларни ифодалашдаги функсионал хусусиятлари аниқланиб, ушбу воситаларнинг қўрқув, бегоналашув, руҳий изтироб, хотира ва идентитет инқирозини бадиий моделлаштиришдаги поетик вазифаси очиб берилган;
Абдураззоқ Гурна романларида руҳий изтироб катарсисга асосланган якуний руҳий покланишга олиб борувчи ҳолат сифатида эмас, балки травматик давомийлик давомийлик, фрагментар хотира, идентитет беқарорлиги ва ички сургун билан давом этувчи онтологик-эстетик ҳодиса сифатида намоён бўлиши “Жаннат”, “Денгиз бўйида” ва “Тарк этиш” романларида қаҳрамонларнинг руҳий тажрибаси асосида далилланган.
IV. Тадқиқот натижаларининг жорий қилиниши. “Абдураззоқ Гурна романларида ички кечинмаларнинг бадиий талқини”ни тадқиқ этиш жараёнида олинган илмий натижалар асосида:
 Абдураззоқ Гурна романларида руҳий ҳолатларни ифодаловчи лингвопоетик воситалар функсионал-семантик жиҳатдан таснифланиб, метафора, ички монолог, синтактик парчаланиш, семантик такрор ва рамзий деталлар каби воситаларнинг қаҳрамон ички кечинмаларини ифодалаш ҳамда руҳий кечинмалар поетикасини шакллантиришдаги функсионал юкламаси аниқланганлиги ҳақидаги илмий хулосалардан Давлат илмий-техник дастурлари доирасида 2025–2026-йилларда Полшанинг Врослав халқаро транспорт ва логистика университети билан ҳамкорликда амалга оширилган “ЭРАСМУС+ Программе Интер-институтионал агреемент. Кей аcтион 1 Леарнинг мобилитй фор ҳигҳер эдуcатион студенц анд стафф” лойиҳаси фаолиятида фойдаланилган (Университй оф Бусинесс анд Сcиенcеънинг 2026-йил 11-майдаги №01-26/0662-сон маълумотномаси). Натижада лойиҳа доирасидаги семинар-тренингларда замонавий адабий таҳлил методларини қўллаш самарадорлиги ошган;
Абдураззоқ Гурна романларида ички кечинмаларнинг бадиий талқини, постколониал идентитет, миграция, тарихий хотира ва маданий дислокациянинг лингвопоетик хусусиятлари ҳақидаги илмий хулосалардан Руанданинг Эаст Африcан Университй Рwанда университети билан ҳамкорликдаги академик фаолиятда, хусусан, филология ва постколониал адабиёт йўналишларида магистрлик ва PhD тадқиқотларини тайёрлаш, инглиз адабиёти, қиёсий адабиётшунослик ва адабий танқидга оид фан дастурларини такомиллаштириш ҳамда замонавий инглиз адабиёти ва психологик поетикага оид ўқув-услубий материаллар яратишда фойдаланилган (Эаст Африcан Университй Рwанданинг 20.05.2026 йилдаги тасдиқномаси). Натижада тадқиқот ишлари замонавий адабиётшуносликда руҳий кечинмалар, постколониал хотира ва нарратив техникаларни таҳлил қилишнинг янги илмий ёндашувларини ривожлантиришга хизмат қилган ҳамда Абдураззоқ Гурна ижодининг халқаро миқёсдаги илмий аҳамиятини кенгайтирган;
Абдураззоқ Гурна романларида руҳий кечинмаларни бадиий ифодалашнинг психологик, нарратив ва дискурсив механизмлари аниқланиб, уларнинг постколониал шароитда шаклланган субъективлик, тарихий хотира ва маданий дислокация билан узвий боғлиқлиги ҳақидаги илмий хулосалардан Ўзбекистон Миллий телерадиокомпанияси “Оʻзбекистон-24” ижодий бирлашмаси томонидан тайёрланган “Таълим ва тараққиёт”, “Адабий жараён” ҳамда “Жаҳон адабиёти” каби кўрсатувлар ссенарийларини тайёрлашда (2025–2026-йиллар давомида) фойдаланилган (Ўзбекистон Миллий телерадиокомпанияси “Оʻзбекистон-24” ижодий бирлашмасининг 21-май 2026-йил, 02-09-1020 сонли маълумотномаси). Натижада Абдураззоқ Гурна асарларида тарихий хотиранинг фрагментар ифодаланиши, травматик тажрибанинг бадиий талқинига оид илмий қарашлар телекўрсатув материалларининг илмий-назарий асосларини бойитишга, уларнинг мазмунан мукаммаллашишига ҳамда илмий-оммабоплигини оширишга хизмат қилган.