Абдурахманова Гулнора Каландаровнанинг
докторлик диссертация ҳимояси ҳақида эълон
I. Умумий маълумотлар. Диссертация мавзуси, ихтисослик шифри: «Кичик бизнесда аҳолини Муносиб меҳнат тамойиллари асосида иш билан таъминлашни такомиллаштириш», 08.00.10 – Демография. Меҳнат иқтисодиёти (иқтисодиёт фанлари).
Талабгорнинг илмий ва илмий-педагогик фаолият олиб боришга лаёқати бўйича тест синовидан ўтгани ҳақида маълумот:иқтисод фанлари номзоди
Диссертация мавзуси рўйхатга олинган рақам: 30.09.2014/В2014.3-4.I77.
Илмий маслаҳатчининг Ф.И.Ш., илмий даражаси ва унвони: З.Я.Худойбердиев, иқтисод фанлар доктори, профессор.
Диссертация бажарилган муассаса номи: Тошкент давлат иқтисодиёт университети.
ИК фаолият кўрсатаётган муассаса номи, ИК рақами: Тошкент давлат иқтисодиёт университети,16.07.2013.I.03.01.
Расмий оппонентлар: М.Л.Турсунходжаев, иқтисод фанлар доктори, профессор; А.А.Исажонов, иқтисод фанлар доктори, профессор; Р.А.Галиахметов, иқтисод фанлар доктори, профессор (Россия Федерацияси).
Етакчи ташкилот: Ўзбекистон Республикаси Вазирлар Маҳкамаси ҳузуридаги Прогнозлаштириш ва макроиқтисодий тадқиқотлар институти
Диссертация йўналиши: назарий ва амалий аҳамиятга молик.
II. Тадқиқотнинг мақсади: кичик бизнес субъектларида «муносиб меҳнат» концепцияси асосида аҳолини иш билан таъминлашни такомиллаштиришга йўналтирилган илмий-услубий ва амалий таклифлар ишлаб чиқиш.
III. Тадқиқотнинг илмий янгилиги:
ёшларни ишга жойлаштириш сифати, самараси ва касбий рақобатбардошлик даражасини ошириш мақсадида квоталанган иш жойларини ташкил этиш механизмини такомиллаштириш бўйича таклифлар ишлаб чиқилган;
макро ва микро даражадаги меҳнат кўрсаткичларини халқаро стандартлар асосида ҳисоблаш ва қиёслашга йўналтирилган «Кичик бизнес соҳасида муносиб меҳнат индикаторлари номенклатураси»ва «Муносиб меҳнат индикаторларини баҳолаш методикаси» ишлаб чиқилган;
муносиб меҳнат концепцияси тамойиллари асосида рақобатбардош бўлмаган аҳоли қатламлари учун кичик бизнес субъектларида виртуал иш жойларини ташкил этиш иш билан таъминлашнинг самарали ва тезкор воситаси эканлиги асослаб берилган;
кичик бизнес соҳасида инновацион меҳнат фаолияти ва йирик корхоналар негизида ички тадбиркорлик тизимини ривожлантиришда муносиб меҳнат тамойилларидан фойдаланиш асосида юқори унумли иш ўринларини ташкил этиш таклифи асослаб берилган.
IV. Тадқиқот натижаларининг жорий қилиниши.
Диссертация тадқиқотида олинган илмий натижалар қуйидаги йўналишларда амалиётга жорий қилинган:
квоталанган иш жойларини ташкил этиш механизмини такомиллаштириш бўйича ишлаб чиқилган таклифлар тегишли равишда ратификация қилинган Муносиб меҳнат бўйича «2014-2016 йилларга мўлжалланган дастурда» фойдаланилган (Ўзбекистон Касаба уюшмалари Федерациясининг 2016 йил 11 январдаги ТН-05/38-сон маълумотномаси). Ушбу таклифлар янги иш жойларини ташкил қилиш ва ёшларни ишга жойлаштириш сифатини ошириш ва тегишли ижтимоий-иқтисодий самарага эришиш имконини берган;
«Кичик бизнес соҳасида муносиб меҳнат индикаторлари номенклатураси»ва «Муносиб меҳнат индикаторларини баҳолаш методикаси» Меҳнат ва аҳолини ижтимоий муҳофаза қилиш вазирлиги (МАИМҚВ) томонидан амалий фаолиятда фойдаланилган (МАИМҚВнинг 2016 йил 14 январдаги 02-07/125-сон маълумотномаси). Таклиф этилган услубий аппаратдан фойдаланиш натижасида макро ва микро даражада меҳнат меъёрларига янада мувофиқлаштиришга хизмат қилади;
виртуал иш жойларини ташкил этиш бўйича ишлаб чиқилган таклифлар МАИМҚВ аҳолини иш билан таъминлашга оид 2014-2016 йилларга мўлжалланган дастурларни ишлаб чиқишда фойдаланилган (МАИМҚВнинг 2016 йил 14 январдаги 02-07/125-сон маълумотномаси). Ушбу таклифлардан фойдаланиш аҳолини, айниқса, ёшларни ва рақобатбардош бўлмаган аҳоли қатламларини иш билан таъминлашга муайян даражада хизмат қилган;
кичик бизнес соҳасида инновацион меҳнат фаолиятини қўллаш юзасидан олинган натижалар «Ўзфармсаноат» ДАК тизимига, жумладан, «Lahisam», МЧЖ, «Само» МЧЖ ҳамда «Зиё нур фарм» ва «Иммуномед» хусусий корхоналарига жорий қилинган («Ўзфармсаноат» ДАК2015 йил 3 апрелдаги МД-6/496-сон маълумотномаси). Жорий қилиш натижасида соҳада меҳнат фаолиятини инновацион тамойиллар асосида ташкил қилиниши натижасида 493 млн.сўмлик иқтисодий самара олинган.
