Ваҳобова Дилафруз Ғайратжон қизининг
фалсафа доктори (PhD) диссертацияси ҳимояси ҳақида эълон

I.    Умумий маълумотлар.
Диссертация мавзуси, ихтисослик шифри: 05.06.04–Тикувчилик буюмлари технологияси ва костюм дизайни - “Аёллар варикоз касаллигини профилактик даволовчи буюм лойиҳасини ишлаб чиқиш”.
Диссертация мавзуси рўйхатга олинган рақам: B2026.1.PhD/Т6542
Илмий раҳбар: Касимова Азиза Баходировна техника фанлари фалсафа доктори, профессор.
Диссертация бажарилган муассаса номи: Наманган давлат техника университети 
ИК фаолият кўрсатаётган муассаса номи, ИК рақами: Наманган давлат техника университети, DSc.03/2025.27.12.Т.15.03 
Расмий оппонентлар: Пулатова Сабохат Усмановна, техника фанлари доктори, профессор; Техника фанлари номзоди, доцент Базарбаева Гўзал Ғуломовна.
Етакчи ташкилот: Жиззах политехника институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: аёллар трикотаж буюмининг механик хоссаларини назоратлаш орқали варикоз касаллигини эрта босқичларида даволашга мўлжалланган тўқимачилик маҳсулотларини ишлаб чиқаришдан иборат.
III. Тадқиқотнинг илмий янгилиги қуйидагилардан иборат:
аёллар организмининг антропометрик, биомеханик ва физиологик хусусиятларини ҳисобга олган ҳолда, варикоз касаллигини профилактика қилиш ва даволашга мўлжалланган компрессион лосина ва голфидан иборат янги турдаги профилактик-даволовчи буюм лойиҳаси ишлаб чиқилган;
компрессон хусусуятни яхшилаш учун муҳим ҳисобланган чўзилувчан ипларнинг хоссаларини қонтомир варикози ўлчамига нисбатан лойиҳалаш параметрларини назарий боғлиқлик тенгламалари ишлаб чиқилган;
эластан билан комбинациялаш орқали олинган замонавий трикотаж материалларида босим градиентини таъсир юзаси бўйлаб барқарор таъминлайдиган ва релаксацияланиш жараёнида компрессион таъсирини сақлаш имкони яратилган самарали технологик ечим ишлаб чиқилган;
эластик трикотаж материалларнинг деформацион хоссаларини комплекс ҳисобга олган ҳолда, илк бор параметрик CАД асосида компрессион профилактик-даволовчи аёллар лосинасини лойиҳалашнинг автоматлаштирилган алгоритмик модели ишлаб чиқилган.
IV. Тадқиқотнинг амалий натижалари аёллар варикоз касаллигини профилактика қилиш ва даволаш жараёнида қўлланиши мумкин бўлган инновацион буюм лойиҳаси ишлаб чиқилган;
замонавий материаллар ва технологиялар асосида ишлаб чиқариш учун техник ҳужжатлар ва амалий кўрсатмалар тайёрланган;
буюмнинг эргономик ва эстетик талабларга мослиги синовдан ўтказилиб, кундалик фойдаланиш учун қулайлиги амалда тасдиқланган;
клиник ва тажриба синовлари асосида буюмнинг варикоз касаллигининг ривожланишини секинлаштириш ва оғриқли аломатларни камайтиришдаги самарадорлиги исботланган;
тадқиқот натижалари асосида тиббиёт соҳаси ва енгил саноат корхоналарида қўллаш учун илмий-амалий тавсиялар ишлаб чиқилган.
Тадқиқот натижаларининг жорий қилиниши. Аёллар варикоз касаллигини профилактик даволовчи буюм лойиҳасини ишлаб чиқиш бўйича олинган натижалар асосида:
янги турдаги компрессион тўқимада компрессия бериш даражаларини яхшиланган голфи пайпоғи Андижон вилоятида жойлашган “АНД БЕЛИТА” ҳамда “АСЛ ЭЛИТ” пайпоқ тўқув корхоналарига жорий этилган (Ўзбекистон Республикаси «ЎЗТЎҚИМАЧИЛИКСАНОАТ» Уюшмасининг 2026 йил 1 сонидаги ПҳД/Т6542 сонли маълумотномаси). Натижада корхонада ишлаб чиқаришда янги наъмуна туридан 74,3% хомашё сарфини камайтиришга эришилган, ишлаб чиқарилган голф пайпоғи оёқ оғриғини камайтиришда 80%, лосина эса 85% натижа кўрсатган, кечки шиш белгиларида мос равишда 70% ва 80%, чарчоқни камайтиришда эса 80% ва 90% кўрсаткич қайд этилган ҳамда корхонада кутилаётган йиллик иқтисодий самарадорлик бир жуфт аёллар варикоз касаллигини профилактик даволовчи буюм (пайпоқ) учун 22481 сўмни, 1000 дона буюм учун эса 22 481 000 сўм (йигирма икки миллион тўрт юз саксон бир минг сўм) ни ташкил қилган.