Долимов Рустам Турабековичнинг
фан доктори (DSc) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Қурама зонаси олтин маъданли конлари дайкаларининг петрологик-геокимёвий хусусиятлари», 04.00.03–Геотектоника ва геодинамика. Петрология ва литология (геология-минералогия фанлари).
Диссертация мавзуси рўйхатга олинган рақам: B2019.1.DSc/GM32.
Илмий маслаҳатчи: Ишбаев Халбай Джангирович, геология-минералогия фанлари доктори, профессор.
Диссертация бажарилган муассаса номи: Минерал ресуслар институти ДК.
ИК фаолият кўрсатаётган муассасалар номи, ИК рақами: Нефть ва газ конлари геологияси ҳамда қидируви институти, Ўзбекистон нефть-газ саноати илмий-тадқиқот ва лойиҳалаш институти, Тошкент давлат техника университети, Россия давлат нефть ва газ университетининг Тошкент шаҳридаги филиали, DSc.27.06.2017.GM/Т.41.01 рақамли илмий кенгаш қошидаги бир марталик илмий кенгаш.
Расмий оппонентлар: Антонов Александр Евгеньевич, геология-минералогия фанлари доктори; Цой Владимир Деньевич, геология-минералогия фанлари доктори, профессор; Долгополов Феликс Генадьевич, геология-минералогия фанлари доктори.
Етакчи ташкилот номи: Ўзбекистон Миллий университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: Ўрта Тиён-Шон Қурама зонасининг олтин маъданли конларида тарқалган дайкаларнинг петрологик-геокимёвий ўзига хос хусусиятларини аниқлаш ҳамда уларнинг олтин маъданларининг жойлашишида тутган ўрнини аниқлашдан иборат.
III. Тадқиқотнинг илмий янгилиги:
дайкалар бўйича гўшсой, гўзаксой, ўрикли, чодак дайкали комплекслари ажратилган ва уларнинг мустақиллиги геологик ўзаро муносабатлари, таркибларининг петрологик-геокимёвий хусусиятлари ва мутлақ ёши билан асосланган;
дайкали комплекслар қуйи перм-бўр даврида Қурама зонасининг кечки палеозой «иссиқ нуқталари»нинг эволюцияси натижасида ҳосил бўлиши исботланган;
дайкали комлекслар таркиби - мончикитлар, оливинли долеритлар, эссекситлар, муджиеритлар, риолитлар, сиенитлардан иборат эканлиги аниқланган;  
илк бор Қурама зонасида ўтказилган йирик масштабли хариталаш асосида Гўшсой комплеси дайкалари орасида ишқорли-далашпатли риолитлар ажратилган;
Қурама зонасида минералогик, петрологик, геокимёвий хусусиятлари ва геохронологик маълумотлар асосида триас даврига мансуб янги ишқорли ўта асос тоғ жинслари - мончикитлар ажратилган;  
Ўрта Тиён-Шоннинг юқори палеозой даврида мантияли плюмнинг эволюцияси босқичма-босқич ривожланганлиги аниқланган ва плитаичи магматизми комплекслари Марказий Осиё рифт системаси магматизми маҳсулотлари билан ўзаро асосланган.
IV. Тадқиқот натижаларининг жорий қилиниши.
Курама зонаси олтин маъдан конларидаги дайкаларнинг петрологик - геокимёвий хусусиятларини аниқлаш буйича олинган илмий натижалар асосида:
Чотқол-Қурама зонасининг Чодак, Реваште, Кўчбулоқ ва Ғовасой маъданли майдонларидаги дайка комплексларининг моддий таркибини, уларнинг геологик ва мутлақ ёшини аниқлаш ва олтин маъданлашуви билан алокадорлигини аниқлаш натижалари «Тошкентгеология» ДУКнинг Шарқий-Қурама геология-қидирув экспедициясининг геология-қидирув ишлари амалиётига жорий қилинган (Ўзбекистон Республикаси Давлат геология ва минерал ресурслар қўмитасининг 2019 йил 21 майдаги 02-2/44-сон маълумотномаси). Натижада изланиш, геология-қидирув ва асосий маъданли майдонлар бўйича тематик ишлар йўналишларини режалаштириш имконини берган;
дайка комплексларининг аниқланган геологик-петрографик, петрокимёвий ва геокимёвий ўзига хос хусусиятлари ҳамда кичик интрузияларнинг ҳосил бўлиш механизмлари «Тошкентгеология» ДУКнинг Шарқий-Қурама геология-қидирув экспедицияси объектларида излаш ва тематик ишларига жорий этилган (Ўзбекистон Республикаси Давлат геология ва минерал ресурслар қўмитасининг 2019 йил 21 майдаги 02-2/44-сон маълумотномаси). Натижада олтин маъданлашувининг петрологик ва минералогик-геокимёвий қидирув  белгилари сифатида объектлар бўйича махсус қидирув ишларини олиб бориш имконини берган;
кичик интрузияли дайка комплексларининг олтин маъданлашуви билан аниқланган генетик боғланиши Шарқий-Қурама геология-қидирув экспедицияси томонидан олтин ва нодирметалли маъданлашувни башорат қилишга жорий қилинган (Ўзбекистон Республикаси Давлат геология ва минерал ресурслар қўмитасининг 2019 йил 21 майдаги 02-2/44-сон маълумотномаси). Натижада магматик жараёнлар аҳамиятини ва улар билан боғлиқ маъданлар минераллашувини баҳолаш ва Чотқол-Қурама региони объектларида олтин маъданлашуви бўйича қидирув ишларини ўтказиш самарасини ошириш имконини берган.