Жовлиев Сирожиддин Суюновичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Вибродемпфрловчи композицион полимер материалларнинг самарали таркибини ва улар асосида қопламаларни олиш технологиясини ишлаб чиқиш», 02.00.07–Композицион, лок-бўёқ ва резина материаллари кимёси ва технологияси, 05.02.01–Машинасозликда материалшунослик. Қуймачилик. Металларга термик ва босим остида ишлов бериш. Қора, рангли ва ноёб металлар металлургияси (техника фанлари).
Диссертация мавзуси рўйхатга олинган рақам: B2018.4.PhD/T329.
Илмий раҳбарлар: Негматов Сойибжон Содикович, техника фанлари доктори, профессор, академик; Абед Нодира Сойибжоновна, техника фанлари доктори, профессор.
Диссертация бажарилган муассаса номи: Тошкент давлат техника университети «Фан ва тараққиёт» ДУК.
ИК фаолият кўрсатаётган муассасалар номи, ИК рақами: Тошкент давлат техника университети «Фан ва тараққиёт» ДУК, DSc.27.06.2017.K/T.03.01.
Расмий оппонентлар: Тешабаева Элмира Убайдуллаевна, техника фанлари доктори, доцент; Михридинов Рисқидин, техника фанлари доктори, профессор.
Етакчи ташкилот: Тошкент кимё-технология илмий-тадқиқот институти.
Диссертация йўналиши: амалий аҳамиятга молик.
II. Тадқиқотнинг мақсади: пахта тозалаш заводларида машина ва механизмларнинг ишчи органларида қўлланиладиган вибродемпфрловчи зарбга мустаҳкам композицион полимер материалларнинг самарали таркибини ва улар асосида қопламалар олиш технологиясини ишлаб чиқишдан иборат.
III. Тадқиқотнинг илмий янгилиги:
ўзгарувчан тебраниш шароитида ишлатиладиган полимер ва композицион материаллардан қопламалар олишда органоминерал тўлдирувчиларнинг ўзаро таъсири ва ўзгариши аниқланиб, пахтани қайта ишлаш саноатида машина ва механизмларнинг мустахкамлигини оширувчи қопламалар олишнинг самарали технологияси яратилган;
вибродемпфрловчи композицион полимер материалларнинг физик-механик хоссалари  органоминерал тўлдирувчилар ва полимер боғловчиларнинг тузилиши, тури, миқдори ва нисбатларига боғлиқлиги исботланган;
вибродемпфрловчи композицион полимер материалларга кукунсимон эластомерларнинг қўшилиши эластиклик модулининг пасайиши ва адгезион мустаҳкамлигининг ортиши, қовушқоқ эластик хоссаларининг яхшиланишига ҳамда олинган қопламанинг зарбага чидамлилигининг ортишига, дисперсланган органоминерал тўлдирувчиларнинг қўшилиши эса вибродемпфловчи композицион полимер қопламаларнинг физик-механик хоссаларининг ўзгаришига олиб келиши аниқланган;
композиция таркибига бир вақтнинг ўзида эластомер кукуни ва дисперсланган органоминерал тўлдирувчилар қўшиб юқори вибродемпфрловчи ва физик-механик хоссаларга эга, айниқса ишлаб чиқариш жойларида шовқинни сезиларли даражада пасайтирувчи, зарбага бардошли вибродемпрловчи композицион полимер материал ва улар асосида қопламалар яратилган.
IV. Тадқиқот натижаларининг жорий қилиниши.
Вибродемпфрланган композицион полимер материаллар ва улар асосидаги қопламаларнинг самарали таркибини ишлаб чиқиш бўйича олинган илмий натижалар асосида:
вибродемпфрловчи композицион полимер қопламалар Бўка пахта тозалаш заводидаги машина ва механизимларнинг ишчи органлари ва корпусларини қоплашда жорий этилган («Ўзпахтасаноат» АЖнинг 2019 йил 01 апрелдаги 02/18/2033-сон маълумотномаси). Натижада, ишлаб чиқариш жойларида шовқин даражасини 10–14 дБ га пасайтириш,чигитнинг шикастланиш даражасини камайтириш ва экологик муҳитни яхшилаш имконини берган;
вибродемпфрловчи композицион полимер материалларнинг янги таркиби Пискент пахта тозалаш заводининг джин ва линтер корпусларини, пахтани чигитдан ажратувчи ускуналарда, ҳаво пуркагичларини қоплашда жорий этилган («Ўзпахтасаноат» АЖнинг 2019 йил 01 апрелдаги 02/18/2033-сон маълумотномаси). Натижада, пахта тозалаш машина ва механизмлари ишчи органларини, джин ва линтер корпусларини, пахтани чигитдан ажратувчи ускуналарни, ҳаво пуркагичларни ишлаш муддатини узайтириш имконини берган.