Умаров Хамза Исматиллаевичнинг 
фалсафа доктори (PhD) диссертацияси ҳимояси ҳақида эълон

I. Умумий маълумотлар. Диссертация мавзуси, ихтисослик шифри (илмий даража бериладиган тармоғи номи): “Хомашё хоссалари ўзгарувчан шароитларда, Муборак минтақаси табиий газини тайёрлаш жараёнида пропан-бутан аралашмасини ажратиб олиш самарадорлигини ошириш”, 
04.00.13 – Нефт ва газ конларини ўзлаштириш ҳамда ишлатиш (техника фанлари).
Диссертация мавзуси рўйхатга олинган рақам: B2025.1.PhD/Т2182.
Илмий раҳбар: Абдурахимов Мухаммад Анварович, техника фанлари бўйича фалсафа доктори (PhD), катта илмий ходим.
Диссертация бажарилган муассасалар номи: “ЎЗЛИТИНЕФТГАЗ” АЖ.
ИК фаолият кўрсатаётган муассаса номи, ИК рақами: “ЎЗЛИТИНЕФТГАЗ” АЖ, DSc.36/2025.27.12.Т.01.01.
Расмий оппонентлар: Эрматов Навруз Хушмурадович, техника фанлари доктори, профессор; Ахмедов Мирзаанвар Мохиджонович, техника фанлари бўйича фалсафа доктори (PhD), доцент.
Етакчи ташкилот: Тошкент давлат техника университети.
Диссертация йўналиши: назарий ва амалий аҳамиятга молик. 
II. Тадқиқотнинг мақсади: ГҚИЗ хомашё базаси ҳисобланган газ конденсати конларини ўзлаштириш жараёнида, газ параметрлари ва таркибининг ўзгарувчан шароитида, маҳсулот чиқиш ҳажми ва сифатини таъминлаш учун ишлаб чиқаришни модернизация қилиш орқали пропан-бутан аралашмасини ажратиб олиш самарадорлигини оширишдан иборат.
III. Тадқиқотнинг илмий янгилиги:
ГҚИЗ учун хомашё базаси бўлиб хизмат қиладиган ҳамда қатлам энергияси тугаб бораётган режимларда ўзлаштириладиган, ўзлаштирилаётган ва разведка қилинаётган газ конденсати конларидан узатиладиган газнинг технологик кўрсаткичлари ва таркибидаги ўзгаришлар асосланган;
пропан-бутан аралашмаси олиш қурилмасининг технологик кўрсаткичларига хомашё таъминотидаги ўзгаришлар, узатилган газнинг кирувчи параметрлари, шунингдек бошқа омилларнинг таъсири исботланган;
ПБАОҚ-1,2,3 тармоқларининг хомашё газига ишлов бериш технологик линияси бўйлаб компонентларни ажратиш жараёнларини оптималлаштиришнинг методологик асослари ишлаб чиқилган;
тегишли технологик режимда пропан-бутан аралашмаси олиш мажмуаси қурилмаларини керакли равишда модернизация қилиш йўналишлари асосланган.
IV. Тадқиқот натижаларининг жорий қилиниши. Хомашё параметрларининг ўзгарувчан шароитида, Муборак минтақаси табиий газини тайёрлаш жараёнида пропан-бутан аралашмасини ажратиб олиш самарадорлигини ошириш бўйича олинган  илмий натижалар асосида: 
пропан-бутан аралашмасини олиш мажмуаси таркибидаги қурилмаларни жумладан, ГҲА-1,2,3,4 ўзгарувчан оқим қисмини модернизация қилиш технологияси “Муборак ГҚИЗ” амалиётга жорий этилган («Ўзбекнефтгаз» АЖнинг 2025-йил 24-февралдаги 03-18-8-188-сонли маълумотномаси). Натижада, пропан-бутан фракциясининг ўртача йиллик чиқиш кўрсаткичи лойиҳага нисбатан 30,6 минг тоннага ошириш имконини берган;
ПБАОҚ-1,2,3 га кам олтингугуртли ва юқори олтингугуртли газлар аралашмасини 85:15 (%) нисбатда узатиш усули “Муборак ГҚИЗ” амалиётга жорий этилган. («Ўзбекнефтгаз» АЖнинг 2025-йил 24-февралдаги 03-18-8-188-сонли маълумотномаси). Натижада, ПБАОҚ-1,2,3 қурилмаларини хом ашё гази билан таъминлаш орқали, технологик жараёнлар барқарор ва узлюксиз ишлашини таъминлаш имконини берган.