Бозоров Элмурод Остановичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Нематодага қарши электр импульсли ишлов бериш», 05.05.07–Қишлоқ хўжалигида электр технологиялар ва электр ускуналар (техника фанлари).
Диссертация мавзуси рўйхатга олинган рақам: B2018.4.PhD/T927.
Илмий раҳбар: Мухаммадиев Ашираф, техника фанлари доктори, профессор.
Диссертация бажарилган муассаса номи: Тошкент ирригация ва қишлоқ хўжалигини механизациялаш муҳандислари институти.
ИК фаолият кўрсатаётган муассасалар номи, ИК рақами: Тошкент ирригация ва қишлоқ хўжалигини механизациялаш муҳандислари институти, DSс.27.06.2017.Т.10.01.
Расмий оппонентлар: Ишназаров Ойбек Хайруллаевич, техника фанлари доктори, профессор; Ахмедов Олимжон Турсунович, техника фанлари номзоди, доцент.
Етакчи ташкилот: Тошкент давлат аграр университети.
Диссертация йўналиши: назарий ва амалий аҳамиятга молик.
II. Тадқиқотнинг мақсади: сабзавот-полиз экинларининг зарарли нематодасига қарши электр импульсли ишлов берадиган экологик соф электротехнологик усулни амалга оширадиган қурилмани ишлаб чиқишдан иборат.
III. Тадқиқотнинг илмий янгилиги:
зарарланган помидор ва бодринг ўсимликлари илдиз поясида жойлашган нематода гижжалари ва галлаларига қарши ишлов беришнинг юқори кучланишга эга электр импульсли ишлов бериш усули ишлаб чиқилган;
нематодалар билан зарарланган ўсимликлар илдиз поясига электр импульсли ишлов берадиган қурилманинг конструкцияси ишлаб чиқилган ва юқори кучланишли импульс разрядлари қурилмасининг бир чизиқли электр уланиш схемаси асосланган;
нематодаларга қарши электр импульс билан ишлов беришдаги юқори кучланиш ток разрядларининг миқдори нематодаларнинг нобуд бўлишини таъминлайдиган зарбавий таъсирини ҳисобга олган ҳолда аниқланган;
қурилма билан нематодаларга қарши ишлов бериш вақт давомийлиги ўсимлик илдизи орқали электр токи ўтиб, унга ёпишган нематодаларни керакли даражада қиздириб парчаланишини таъминлаш асосида аниқланган.
IV. Тадқиқот натижаларининг жорий қилиниши.
Нематода билан зарарланган илдиз пояларига электр импульсли ишлов бериш қурилмасининг параметрларини асослаш бўйича олинган натижалар асосида:
сабзавот-полиз экинларининг зарарли нематодасига қарши электр импульсли ишлов бериш усулига Интеллектуал мулк агентлигининг ихтиро патенти олинган («Ўсимликларга электр импульсли ишлов бериш усули», №IAP 02758-2003 й.). Натижада нематода билан зарарланган сабзавот-полиз экинлари илдизига юқори кучланиш ток разрядларига эга бир фазали ёйсимон электродлар билан электр импульсли ишлов бериш усулини яратиш иконини берган;
электр импульсли ишлов бериш қурилмаси Тошкент ва Сурхондарё вилоятлари фермер хўжаликларида жорий этилган (Ўзбекистон Республикаси Қишлоқ хўжалиги вазирлигининг 2019 йил 1 апрелдаги 02/029-213-сон маълумотномаси). Натижада помидор ва бодринг экинлари илдизларидаги нематода гижжалари ва тухумларини 80% дан 100% гача нобуд қилиш имкони яратилган;
сабзавот-полиз экинларининг нематода билан зарарланган илдиз пояларига юқори кучланишли ток разрядига эга электр импульс билан ишлов бериш қурилмаси Тошкент шаҳридаги «Ғани Махмуд Абдуллаев» марказий иссиқхонасида, марказий Лимонарияда жорий этилган (Ўзбекистон Республикаси Қишлоқ хўжалиги вазирлигининг 2019 йил 1 апрелдаги 02/029-213-сон маълумотномаси). Натижада помидор ва бодринг ўсимлигининг илдиз поясидаги нематодаларнинг тириклик коэффициентини 1,4 гача камайтириш имкони яратилган.