G‘afurov Jaxongir Kabulovichning
doktorlik dissertatsiyasi himoyasi haqida e’lon
I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i): «Yigirish texnologik jarayonlarining xususiyatlarini inobatga olib ipning mexanik ko‘rsatkichlarini prognoz qilish va baholash», 05.06.02 – «To‘qimachilik materiallari texnologiyasi va xomashyoga dastlabki ishlov berish» (texnika fanlari bo‘yicha).
Talabgorning ilmiy va ilmiy-pedagogik faoliyat olib borishga layoqati bo‘yicha test sinovidan o‘tgani haqida ma’lumot: /texnika fanlari nomzodi/.
Dissertatsiya mavzusi ro‘yxatga olingan raqam: 3030.09.2014/B2014.5.T340.
Dissertatsiya bajarilgan muassasa nomi: Toshkent to‘qimachilik va engil sanoat instituti
IK faoliyat ko‘rsatayotgan muassasa (muassasalar) nomi, IK raqami: Toshkent to‘qimachilik va engil sanoat instituti, 16.07.2013.T.06.01.
Ilmiy maslahatchining F.I.Sh., ilmiy darajasi va unvoni: Jumaniyazov Kadam, texnika fanlari doktori, professor.
Rasmiy opponentlarning F.I.Sh., ilmiy darajasi va unvoni: Xamraeva Sanovar Atoevna, texnika fanlari doktori; Ashnin Nikolay Mixaylovich, texnika fanlari doktori, professor; Sultanov Karim Sultonovich, fizika-matematika fanlari doktori, professor.
Yetakchi tashkilot nomi: Namangan muhandislik-texnologiya instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: ipning mexanik xossa ko‘rsatkichlarini yigirishning texnologik jarayonlari xususiyatlarini inobatga olib, prognoz qilish va baholashning ilmiy asoslarini yaratish.
III. Tadqiqotning ilmiy yangiligi:
qayishqoqlik nazariyasini qo‘llab ipning cho‘zuvchi kuch va burovchi moment ta’sirida uning mexanik xossalarini o‘zgaruvchanligi hamda anizotropiyasini hisobga olib sodir bo‘luvchi deformatsiyasini aniqlovchi matematik modeli ishlab chiqilgan;
ipning strukturaviy tuzilishini inobatga olib uning statik va dinamik yuklanganda deformatsiyalanishini aniqlashda Kel`vin modelining vaqt ichida o‘zgaruvchan parametrli modelini qo‘llash to‘g‘riligi ilmiy asoslangan;
halqali mashinada yigirilgan ip fizik-mexanik xossa ko‘rsatkichlarining yigirish mashinasi kinematik va texnologik ishchi rejimiga bog‘liqligi aniqlangan;
halqali mashinada yigirilgan ipning zo‘riqqan-deformatsiyalangan holati bo‘yicha ichki notekisligini kamaytirishga, pishitish uchburchagining shakli va o‘lchamlarini o‘zgartirish orqali erishilgan;
yigirish kamerasi parametrlarini o‘zgartirish yo‘li bilan pnevmomexanik ipning mexanik ko‘rsatkichlarini boshqarish imkoniyatlari aniqlangan;
ipning mexanik xarakteristikalarini uning cho‘zilib buralgandagi zo‘riqqan-deformatsiyalangan holati bilan prognoz qilish va baholash qonuniyligi isbotlangan;
tolali piltacha enining yigirish kamerasi aylanishlar chastotasiga va ipning chiziqli zichligi hamda ilashish koeffisientiga bog‘liqligi aniqlangan;
halqali va pnevmomexanik ip strukturaviy tuzilishi shakllanishining sharoitlarini yaxshilash uchun yigirish mashinalari ishchi organlarining yangi konstruksiyalari yaratilgan.
IV. Tadqiqot natijalarining joriy qilinishi: dissertatsiya natijalari «O‘zbekengilsanoat» DAK tasarrufidagi «Uztex Shovot» MChJ qo‘shma korxonasi, hamda «Elite Stars Textile» MChJ korxonasida joriy qilingan («O‘zbekengilsanoat» DAK ning 2015 yil 21 maydagi joriy qilinganlik dalolatnomasi № ShS-13-1300). Iqtisodiy samara quvvati yiliga 5000 tonna bo‘lgan yigiruv korxonalarida bitta G35 rusumli halqali yigirish mashinasida yiliga 994168 ming so‘m yoki 1 kg halqali yigirilgan ipga 198,8 so‘m hamda bitta TQF-268 rusumli pnevmomexanik yigirish mashinasida yiliga 755664 ming so‘m yoki 1 kg pnevmomexanik ipga 151,1 so‘mni tashkil etadi.
