Касимова Дилафруз Алишер қизининг 
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи): “Иш самарадорлигини ошириш учун линтер машиналарининг ишчи органлари конструксиясини такомиллаштириш”
05.02.03 –Технологик машиналар. Роботлар, мехатроника ва робототехника тизимлари 
Диссертация мавзуси рўйхатга олинган рақам: B2024.4.PhD/Т5096
Илмий раҳбар: Юнусов Салохиддин Зунунович техника фанлари доктори, профессор
Диссертация бажарилган муассаса номи: Андижон давлат техника институти.
ИК фаолият кўрсатаётган муассаса номи, ИК рақами: “Толали экинлар илмий тадқиқот институти” DSc.08/2025.27.12.Т.14.01    
Расмий оппонентлар: М.Т.Ўразбоев номидаги Механика ва иншоотлар сейсмик мустаҳкамлиги институтидан техника фанлари доктори, профессор Мухамадиев Давлат Мустафоевич ва Толали экинлар илмий тадқиқот институтидан техника фанлари бўйича фалсафа доктори, катта илмий ходим Райимқулов Жаҳонгир Қулмуродович. 
Етакчи ташкилот: Ўзбекистон табиий толалар илмий-тадқиқот институти
II. Тадқиқотнинг мақсади: линтер машинасининг чигит валиги аралаштиргич-тўзиткичининг конструксион параметрларини линтерлашнинг асосий кўрсаткичларига таъсирини аниқлаш ва ушбу параметрларнинг мақбул қийматларини белгилашдан иборат.
III. Тадқиқотнинг илмий янгилиги:
чигит валиги зичлигининг линтер машинасининг чигит валигининг аралаштиргич-тўзиткичи таркибли машина агрегатининг динамикасига таъсири аниқланган;
чигит валиги массасининг ўзгариши аррали цилиндрининг валини деформациясига таъсири аниқланган;
линтерлаш машинасининг чигит валигининг аралаштиргич-тўзиткичи таркибли машина агрегати динамик кўрсаткичларининг линтлаш жараёнининг самарадорлигига боғлиқлик масаласи ўрганилган;
назарий ва тажрибавий тадқиқотлар, хусусан, тўлиқ факторли тажрибалар асосида чигит валигининг аралаштиргич-тўзиткичнинг янги конструксиясидан фойдаланган ҳолда линтерлаш жараёнининг муқобил параметрлари таклиф этилган.
IV. Тадқиқот натижаларининг жорий қилиниши: Линтер машинасининг такомиллаштирилган аралаштиргич-тўзиткич конструксиясини ишлаб чиқиш ва унинг параметрларини асослаш бўйича олинган илмий ишлар натижалари асосида:
такомиллаштирилган аралаштиргич-тўзиткич конструксиясини Андижон вилояти Улуғнор туманидаги “Водий саноат фахри” МЧЖ пахта-тозалаш корхонасининг жин-линтер цехида жорий этилган (Ўзбекистон Республикаси “Ўзтўқимачиликсаноат” уюшмаси №03/25-3407-сонли малумотномаси). Натижада такомиллаштирилган конструксия қўлланилганда чигит тукдорлиги 8,1 фоиздан 7,8 фоизгача, чигитларнинг шикастланиши 4,6 фоиздан 4,2 фоизгача ҳамда линт таркибидаги ифлос аралашмалар миқдори 5,0 фоиздан 4,7 фоизгача камайган.