Saxibov Turman Kuylievichning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar. Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): “Shariqti maydoni oltin ma’danlashuvining mineralogik-geokimyoviy xususiyatlari va qidiruv belgilari (Auminza-Beltov tog‘lari)”, 04.00.02 – Qattiq foydali qazilma konlarining geologiyasi, ularni qidirish va razvedka qilish. Metallogeniya va geokimyo (geologiya-mineralogiya fanlari).
Dissertatsiya mavzusi ro‘yxatga olingan raqam:B2023.4.PhD/GM203.
Ilmiy rahbar: Xoshjanova Kamila Kenjabaevna, geologiya-mineralogiya fanlari nomzodi, dotsent.
Dissertatsiya bajarilgan muassasa nomi: Mirzo Ulug‘bek nomidagi O‘zbekiston Milliy universiteti.
IK faoliyat ko‘rsatayotgan muassasa nomi, IK raqami: “Mineral resurslar instituti” DM, DSc.31/2025.27.12.GM.02.01.M 
Rasmiy opponentlar: Movlanov Jaxongir Jo‘rabekovich, geologiya-mineralogiya fanlari doktori; Turamuratov Ilxomboy Bekchanovich, geologiya-mineralogiya fanlari bo‘yicha falsafa doktori (PhD)/
Yetakchi tashkilot: “O‘zbek geologiya qidiruv” AJ.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: Auminza-Beltov ma’danli hududining shimoli-sharqiy qismida Shariqti maydonida tarqalgan oltin ma’danlashuvining moddiy tarkibini aniqlash asosida mineralogik-geokimyoviy xususiyatlarini aniqlash va qidiruv belgilarini ishlab chiqishdan iborat.
III. Tadqiqotning ilmiy yangiligi:
Shariqti maydonidagi oltin ma’dan turlari va ularning mineral paragenezislari  ajratilgan hamda qamrovchi tog‘ jinslarining mineralogik-petrografik tavsifi keltirilgan;
oltin ma’danlarining mineralogik xususiyatlari ochib berilgan, ular tarkibida bir qator yangi minerallar aniqlangan va ma’danlardagi foydali komponentlarning uchrash shakllari aniqlangan;
Shariqti maydoni ma’danlarida oltin, kumush va ular bilan birga keluvchi elementlarning tarqalish xususiyatlari ochib berilgan va ularning ma’danlashuvga indikatorlik ahamiyati asoslangan;
yondosh maydonlarda yashirin oltin ma’danlarini izlashning mineralogik-geokimyoviy izlash-bashoratlash majmuasi ishlab chiqilgan.
IV. Tadqiqot natijalarining joriy qilinishi. Auminza-Beltov ma’danli rayonning shimoliy-sharqiy qismida Djetimtov tog‘laridagi Shariqti maydonida oltin ma’danlarining tarkibiy xususiyatlari va qidiruv belgilari majmuasini yaratish bo‘yicha olingan natijalar asosida:
oltin ma’danlashuvining asosiy mahsuldor mineral assotsiatsiyalari, ulardagi asosiy minerallarning o‘ziga xos xususiyatlari “O‘zbek geologiya qidiruv” AJ amaliyotiga joriy qilingan (Tog‘-kon sanoati va geologiya vazirligining 2024 yil 16 fevraldagi 08-0608-son ma’lumotnomasi). Natijada, ma’danlarning moddiy tarkibini va texnologik xossalarini aniqlash imkonini bergan;
ma’danlardagi asosiy va hamroh elementlarning tarqalish qonuniyatlari va ajratilgan geokimyoviy qidiruv belgilari “O‘zbek geologiya qidiruv” AJ  amaliyotiga joriy qilingan (Tog‘-kon sanoati va geologiya vazirligining 2024 yil 16 fevraldagi 08-0608-son ma’lumotnomasi). Natijalar maydondagi oltin ma’danlashuvi jadalroq bo‘lgan uchastkalarni ajratishga asos bo‘lib xizmat qilgan;
oltin ma’danlashuvining qidiruv-baholash belgilari majmuasi “O‘zbek geologiya qidiruv” AJ amaliyotiga joriy qilingan (Tog‘-kon sanoati va geologiya vazirligining 2024 yil 16 fevraldagi 08-0608-son ma’lumotnomasi). Natijada, Shariqti maydoniga yondosh bo‘lgan hududlarda oltin ma’danlashuviga istiqbolli uchastkalar chegarasini aniqlash imkonini bergan.