Ахматов Яшин Равшановичнинг
фалсафа доктори (РhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Дилатацион кардиомиопатиянинг турли шаклларида учрайдиган ўнг қоринча етишмовчилигининг клиник-функционал ва биокимёвий хусусиятлари», 14.00.06–Кардиология (тиббиёт фанлари).
Диссертация мавзуси рўйхатга олинган рақам: В2018.4.PhD/Tib721.
Илмий раҳбар: Абдуллаев Тимур Атаназарович, тиббиёт фанлари доктори, профессор.
Диссертация бажарилган муассаса номи: Республика ихтисослаштирилган кардиология илмий-амалий тиббиёт маркази.
ИК фаолият кўрсатаётган муассаса номи, ИК рақами: Республика ихтисослаштирилган кардиология илмий-амалий тиббиёт маркази, DSc.26.04.2018.Тib.64.01.
Расмий оппонентлар: Нуриллаева Наргиза Мухтархановна, тиббиёт фанлари доктори, доцент; Сарыбаев Акбай Шегаипович, тиббиёт фанлари доктори, профессор (Қирғизистон)
Етакчи ташкилот: Тошкент врачлар малакасини ошириш институти.
Диссертация йўналиши: амалий аҳамиятга молик.
II. Тадқиқотнинг мақсади: ўнг қоринчали дилатацион кардиомиопатия ва бивентрикуляр юрак етишмовчилиги мавжуд дилатацион кардиомиопатияда юрак бўшлиқлари, ўпканинг структур-функционал ўзгаришлари хусусиятларини ва биокимёвий кўрсаткичларни аниқлаш ҳамда дифференциал фармакотерапиянинг беморлар гемодинамикаси кўрсаткичларига ва ҳаёт прогнозига таъсирини баҳолашдан иборат.
III. Тадқиқотнинг илмий янгилиги:
илк бор (адабиёт  маълумотлари асосида) ўнг қоринча дилатацион кардиомиопатия ташхисини қўйиш бўйича тавсия ишлаб чиқилган;
ЎҚ ДКМПли ва бивентрикуляр ЮЕ бор идиопатик ДКМПли беморларда юрак ўнг ва чап бўлимлари ремоделланишининг  ўзига хос хусусиятлари аниқланган;
юракнинг ўнг ва чап қисмлари ремоделланиши ва ўпка тизими функцияси ўртасида боғлиқлик аниқланган;
Тиффно индексининг пасайиши ўпка нафас олиш функциясининг ёмонлашуви ва бир вақтнинг ўзида ЎҚ ўлчамларининг дилатацияси билан бирга кузатилган;
илк бор ЎҚ ДКМПли беморлар ҳаёти прогнози ўрганилган ва нохуш оқибат предикторлари – RWs/LWs>1, КТИ >70% и СБК ≥3дар аниқланган.
IV. Тадқиқот натижаларининг жорий қилиниши.
Дилатацион кардиомиопатиянинг турли шаклларида учрайдиган ўнг қоринча етишмовчилигининг клиник-функционал ва биокимёвий хусусиятлари бўйича олиб борилган илмий тадқиқот натижаларига кўра:
асосан, ўнг қоринча шикастланиши билан кечадиган касалликлар дифференциал диагностикаси услубларининг ишланмаси «Дилатационная кардиомиопатия с преимущественным/изолированным поражением правого желудочка» услубий тавсиянома тасдиқланган (Соғлиқни сақлаш вазирлигининг 2019 йил 7 майдаги 8н-з/67-сон маълумотномаси). Ишлаб чиқилган маълумотларнинг татбиқ қилиниши клиник ҳолатни баҳолаш шкаласи (КҲБШ), 6 дақиқали пиёда юриш синамаси, эхокардиография, 12 та уланмада стандарт ЭКГ ни қайд қилиш, рентгенокардиометрия ва спирометрия каби ҳаммабоп ва арзон клиник текширув услубларини  қўллаган ҳолда ўнг қоринча ДКМП ва бивентрикуляр ЮЕ бор ДКМП ўртасида, шунингдек, ўнг қоринча ЮЕ билан бирга кечадиган касалликлар ўртасида ўз вақтида дифференциал диагностика ўтказиш имконини берган;
дилатацион кардиомиопатияда учрайдиган ўнг қоринча етишмовчилигининг клиник-функционал ва биокимёвий хусусиятлари бўйича олиб борилган илмий тадқиқот натижалари Жиззах ва Сурхондарё кардиодиспансерлари клиник амалиётига тадбиқ қилинган (Соғлиқни сақлаш вазирлигининг 2019 йил 7 майдаги 8н-з/67-сон маълумотномаси). Ўтказилган тадқиқотлар ва уларнинг натижасида ўнг қоринча шикастланиши бўлган касалликларни эрта босқичда ташхис қилишга ва хавф стратификациясини оптималлаштиришга имкон бериб, стандарт терапияга силденафилнинг қўшилиши тўсатдан рўй берадиган кардиал ўлим ва ушбу тоифадаги беморлар ногиронлигини камайтиришга ҳизмат қилган.