Усманова Закира Усмановнанинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Ерноки (Helianthus Tuberosus L.) ва сачратқи (Cichorium intibus L.) асосида олинган биологик фаол моддалар йиғиндисининг фармако-токсикологик хусусиятлари», 14.00.17–Фармакология ва клиник фармакология (биология фанлари).
Диссертация мавзуси рўйхатга олинган рақам: В2019.4.PhD/В233.
Илмий раҳбар: Файзиева Зиёда Тураевна, тиббиёт фанлари доктори, доцент.
Диссертация бажарилган муассаса номи: Тошкент фармацевтика институти.
ИК фаолият кўрсатаётган муассаса (муассасалар) номи, ИК рақами: Тошкент фармацевтика институти, DSc.27.06.2017.Far.32.01.
Расмий оппонентлар: Аллаева Мунира Журакуловна, биология фанлари доктори, доцент; Якубова Лутфия Каримджановна, тиббиёт фанлари номзоди, доцент.
Етакчи ташкилот: Тошкент педиатрия тиббиёт институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: диагликон препаратининг фармако-токсикологик тавсифини, шунингдек, сачратқи асосида олинган биологик фаол қўшимчасининг гипогликемик таъсирини ва ўткир заҳарлилигини аниқлашдан иборат.
III. Тадқиқотнинг илмий янгилиги:
илк экспериментал гипергликемиянинг турли моделларида диагликон препаратининг сезиларли гипогликемик таъсирга эга эканлиги исботланган;
илк бор диагликон препаратининг гипогликемик таъсир механизмлари аниқланган;
диагликон препаратининг клиникагача бўлган токсикологик хусусиятлари  аниқланган;
илк бор диагликон препарати тажриба ҳайвонларининг асосий аъзо ва тизимлари фаолиятида ножуя патоморфологик ўзгаришлар йўқлиги исботланган;
Cichorium intubus L. асосида БФҚ яратилган ва унинг гипогликемик таъсири аниқланган.
IV. Тадқиқот натижаларининг жорий қилиниши.
Ерноки (Helianthus tuberosus L.)  ва сачратқи (Cichorium intibus L.) асосида олинган биологик фаол моддалар йиғиндисининг фармако-токсикологик хусусиятлари бўйича олинган илмий натижалар асосида:
оддий сачратқи ўсимлигидан қуруқ экстрактини олиш усули учун Ўзбекистон Республикаси Интеллектуал мулк агентлигининг  ихтиро патенти олинган (№IAP 05980, 20.09.2019й.). Натижада хориждан импорт қилинадиган диабетга қарши дори препаратлар ўрнини босадиган дори воситасини ишлаб чиқариш имконини берган;
«ANTIDIABET» йиғмаси асосида тайёрланган капсула шаклидаги БФҚга  техник шартлар «Ўзстандарт» агентлиги томонидан  (Ts 26140431-001:2019) ва технологик йўриқнома Ўзбекистон Республикаси Соғлиқни сақлаш вазирлигининг Давлат санитария-эпидемиология назорати маркази томонидан тасдиқланган (ТИ 26140431-001:2019). Натижада диабет касаллигининг олдини олиш ва даволаш учун биологик фаол қўшимчани ишлаб чиқариш имконини берган;
«Метаболик синдромини коррекциялашда дори воситаларни тажриба шароитида ўрганиш» услубий тавсияномаси тасдиқланган (Соғлиқни сақлаш вазирлигининг 2017 йил 21 февралдаги 8н-р/24-сон маълумотномаси). Мазкур услубий қўлланма метаболик тизимни коррекциялаш ва ривожланадиган касалликларни эрта ташхислаш ва даволаш тизимини такомиллаштириш имконини берган.