Рустамов Махаммасидик Куканбаевичнинг
фалсафа доктори (PhD) диссертацияси ҳимояси ҳақида эълон

I. Умумий маълумотлар.
Диссертация мавзуси, ихтисослик шифри (илмий даража бериладиган фан тармоғи номи): «Нитрон толасини карбамид билан модификациялаб, синтез қилинган янги анионалмашувчи сорбентнинг физик-кимёвий хоссалари», 02.00.04–Физик кимё; 02.00.06–Юқори молекуляр бирикмалар (кимё фанлари).
Диссертация мавзуси рўйхатга олинган рақам: В2019.4.РhD/К53.
Илмий раҳбар: Бабаев Туйгун Мирзаахмедович, кимё фанлари доктори, профессор.
Диссертация бажарилган муассаса номи: Ўзбекистон миллий университети.
ИК фаолият кўрсатаётган муассаса номи, ИК рақами: Ўзбекистон миллий университети, DSc.27.06.2017.K.01.03.
Расмий оппонентлар: Рафиков Адхам Салимович, кимё фанлари доктори, профессор; Тробов Хамза Турсунович, кимё фанлари доктори, доцент.
Етакчи ташкилот: Тошкент кимё-технология институти.
Диссертация йўналиши: назарий ва амалий аҳамиятга молик.
II. Тадқиқотнинг мақсади: нитрон толасини карбамид билан модификациялаб, синтез қилинган янги анионалмашувчи сорбентнинг физик-кимёвий хоссаларини аниқлашдан иборат.
III. Тадқиқотнинг илмий янгилиги:
илк бор нитрон толасини карбамид билан кимёвий модификациялаш усули орқали бирламчи ва иккиламчи аминогуруҳлар тутган толасимон анионалмашувчи материаллар синтез қилинган;
нитрон толаси карбамид билан таъсирлашганда чокланган структуралар ҳосил бўлиши ва полимер структурасида тартибсизланишнинг ортиши аниқланган;
ПАН-КДМ сорбентига бихромат, полийодид ионларининг ютилиши ионалмашиш, шунингдек комплекс ҳосил қилиш механизмлари бўйича бориши аниқланган;
полимер структурасига специфик моддалар мақсадли киритилганда олинган сорбентнинг симоб иони ва буғига нисбатан селективлиги ортиши аниқланган.
IV. Тадқиқот натижаларининг жорий қилиниши.
Карбамид билан модификацияланган нитрон толасининг физик-кимёвий хоссаларини аниқлашнинг илмий натижалари ва ишлатилиш соҳалари бўйича олинган илмий натижалар асосида:
нитрон толасини карбамид билан модификациялаб, синтез қилинган  анионалмашувчи сорбентлар «Олмалиқ кон-металлургия комбинати» АЖда амалиётга жорий қилинган («Олмалиқ кон-металлургия комбинати» АЖнинг 2019 йил 12 ноябрдаги АА-8721-сон маълумотномаси). Натижада сульфат кислота ишлаб чиқариш цехи эритмаларидан Мо ни ажратиб олишнинг янги самарали технологиясини яратиш имконини берган;
синтез қилинган янги анионалмашувчи сорбентларнинг ишлаб чиқариш технологияси «МАХАМ-CHIRCHIQ» АЖда амалиётга жорий этилган («МАХАМ-CHIRCHIQ» АЖнинг 2019 йил 25 декабрдаги 96-9/100-сон маълумотномаси). Натижада толасимон ионалмашувчи сорбентларни синтез қилишнинг янги технологиясини яратиш имконини берган;
нитрон толасини карбамид билан модификациялаб, синтез қилинган янги анионалмашувчи сорбентдан А-12-53 рақамли «Полимер ташувчиларга иммобилланган реагентлар билан атроф-муҳит объектларидан экотоксикантларни фотометрик ва сорбцион-фотометрик аниқлаш усулларини ишлаб чиқиш» мавзусидаги амалий лойиҳада нитрогуруҳ тутган органик реагентларни полимер ташувчиси сифатида фойдаланилган (Олий ва ўрта махсус таълим вазирлигининг 2019 йил 25 декабрдаги 89-04-3114-сон маълумотномаси). Натижада оғир ва заҳарли металларни аниқлашнинг сорбцион-фотометрик усулини ишлаб чиқиш имконини берган.