Allanazarova Baxtigul Raxmankulovnaning
falsafa doktori (PhD) dissertatsiyasi himoyasi haqida e’lon

I. Umumiy ma’lumotlar.
Dissertatsiya mavzusi, ixtisoslik shifri (ilmiy daraja beriladigan fan tarmog‘i nomi): «Surunkali mieloproliferativ kasalliklarda sitogenetik ӯzgarishlarni diagnostik va prognostik ahamiyati», 14.00.29–Gematologiya va transfuziologiya (biologiya fanlari).
Dissertatsiya mavzusi ro‘yxatga olingan raqam: B2019.1.RhD/B283.
Ilmiy rahbar: Boboev Qodirjon To‘xtaboevich, tibbiyot fanlari doktori, professor.
Dissertatsiya bajarilgan muassasa nomi: Gematologiya va qon quyish ilmiy tekshirish instituti.
IK faoliyat ko‘rsatayotgan muassasa nomi, IK raqami: Toshkent tibbiyot akademiyasi huzuridagi DSc.27.06.2017.Tib.30.02 raqamli ilmiy kengash asosidagi bir martalik ilmiy kengash.
Rasmiy opponentlar: Babadjanova Shoira Agzamovna, tibbiyot fanlari doktori, professor; Gil`dieva Margarita Sabirovna, biologiya fanlari doktori.
Yetakchi tashkilot: Samarqand davlat tibbiyot instituti.
Dissertatsiya yo‘nalishi: nazariy va amaliy ahamiyatga molik.
II. Tadqiqotning maqsadi: standart sitogenetik usulni takomillashtirish, Ph-pozitiv va Ph-negativ surunkali mieloproliferativ neoplaziyalarda kuzatiladigan marker va marker bo‘lmagan xromosoma aberratsiyalarining diagnostik va prognostik ahamiyatini baholashdan iborat.
III. Tadqiqotning ilmiy yangiligi:
O‘zbekistonda surunkali mieloproliferativ neoplaziya tashxisli bemorlarda marker va marker bo‘lmagan sitogenetik buzilishlarni spektri va uchrash chastotasi aniqlangan;
surunkali mieloproliferativ neoplaziyalar periferik qon kliniko-morfologik ko‘rsatkichlari bilan genetik buzilishlar o‘rtasidagi assotsiativ bog‘liqlik aniqlangan;
surunkali mieloproliferativ kasalliklarda kuzatiladigan periferik qonning bir qancha ko‘rsatkichlari jinsga, kasallik turiga, bosqichiga va qo‘shimcha xromosoma anomaliyalariga bog‘liqligi isbotlangan;
surunkali mieloproliferativ neoplaziyalarda birinchi marta modifikatsiyalangan standart sitogenetik usul yordamida leykoz jarayoniga bog‘liq unikal va kam uchraydigan qo‘shimcha xromosoma buzilishlari aniqlangan.
IV. Tadqiqot natijalarining joriy qilinishi.
Kariotiplashning standart hamda optimallashtirilgan usuli O‘zbekiston Respublikasi onkogematologiya sohasi amaliyotiga joriy qilinishi bo‘yicha olingan ilmiy natijalar asosida:
«Qon tizimi kasalliklari diagnostikasida standart sitogenetik usul» uslubiy tavsiyanomasi tasdiqlangan (Sog‘liqni saqlash vazirligining 2011 yil 12 maydagi 8n-d/78-son ma’lumotnomasi). Mazkur uslubiy tavsiyanoma qon kasalliklarida xromosoma buzilishlarini aniqlash va to‘g‘ri tashxis qo‘yish imkonini bergan;
«Gemoblastozlarda modifikatsiyalangan standart sitogenetik usul» uslubiy tavsiyanomasi tasdiqlangan (Sog‘liqni saqlash vazirligining 2019 yil 24 sentyabrdagi 8n-r/372-son ma’lumotnomasi). Mazkur uslubiy tavsiyanoma asosida surunkali mieloproliferativ neoplaziyalar diagnostikasida marker va marker bo‘lmagan qo‘shimcha va variantli xromosoma anomaliyalarini aniqlash va kasallik kechishini prognozlash imkonini bergan;
optimallashtirilgan kariotiplashning klassik usuli Qoraqalpog‘iston Respublikasi, Nukus shahri, U. Xalmuratov nomidagi Respublika ko‘p tarmoqli tibbiyot markazida hamda Respublika onkologiya va radiologiya ilmiy markazida joriy qilingan (Sog‘liqni saqlash vazirligining 2019 yil 25 dekabrdagi 8n-z/245-son ma’lumotnomasi). Natijada surunkali mieloproliferativ neoplaziyali bemorlarda davolashni o‘tkazish va dori vositalari  tannarxi uchun bo‘ladigan sarf-xarajatni 26%ga qisqartirish imkonini bergan.